باركوووووووووووولي واخيرا جاني حمودي

سلام ياكروشات الله يعينكم ويقومكم بالسلامه الحمدلله ربنا تمملي على خير كانت ولادتي يوم الثلاثاء 25/3/ 2008 الموافق 17/3/1429 قصة ولادتي
قبلها بيومين رحت عند الدكتوره وما عندي اي بوادر ولاده قالتلي لسى اصلا موعدي 19 باقي يومين واخلص التاسع قالت احتمال يكون على 30خلاص راجعيني الاسبوع الجاي اذا مافي اي الم راح اكشف عليك من اسفل المهم واي وحده تشوفني تقولي لا لسى بدري بطنك ما نزلت المهم اليوم الي قبله جاتني ام زوجي وبنتها ونامو عندي خشينا ننام انا وزوجي طبعا اخدنى حصة كل يوم من الجماع ونمنى هذا الكلام كان الساعه وحده في الليل الساعه اربعه جاني مغص زي كل مره بعد الجماع يجيني هذا الالم بعدين كنت مرره جيعانه قمت سويت فطور ليه ولزوجي كنت صاحيه الين الساعه تسعه ونمت الساعه عشره ونص يمكن جاني مغص زي مغص الدوره صحيت رحت الحمام الى نزل دم قمت اتصل على امي واقولهاطبعا امي في بلد وانا في بلد قالتلي عادي الدم مافي شي عشان المغص ماتبغى تخوفني طيب فيك الم دحين قلتلها لا بعدين قمت امشي في الغرفه والالم يزيد اتصل اخويه يسال قلتله قال الدم ولاده روحي المستشفى او اتصلي على الدكتوره عشان تتطمني المهم اتصلت على الدكتوره قالت اذا تبغي تطمني تعالي حسيت ان الموضوع عادي انه في ولاده بس مرره بعيده لانه مانزل مويه بس دم وانا مستنيه للمويا الا الالم زاد وكان يروح ويجي كل خمس دقايق بعدين طلعت شافتني عمتي الا تقولي شكلك تعبانه اتصلي على زوجك عشان يجي طبعا عمتي مرره خوافه وانا اقولها لا مافي شي المهم وكنت اتالم والالم يروح ويجي خشيت المطبخ انا وحماتي نسوي الغداء وانا ماني قادره اول ما يجي الالم امسك يدها على طول الين ما يروح الين الساعه وحده جاي زوجي يتغدى الا شافني تعبانه بعدين قلتله انه نزل دم قال نروح نراجع على طول وداني المستشفى خشيت الطوارى الدكتور يسأل بكريه قلتله ايوه قال او لسى المهم طلعت غرفه الولاده جات الممرضه كشفت عليه من اسفل قالت ولاده احسبها بتقول لسى زي الدكتورالا تقول الرحم مفتوح ثمانيه :poster_war:ماصدقت غيرتلي ملابسي وخشيت الولاده وانسدحت واعطتني اوكسجين وكانت تقول شمي وانا تعبانه وحسيت بحر غريب بعدين زاد الام مررررره ماني قادره انسدح على ظهري كنت اقولها ابغى امشي تقول لا خلاص في ولاده بس مع الخوف ما كنت قادره ادفع وكنت اصيح بصوت مررررره عالي زوجي كان برى يسمعني يقوللي قطعتي قلبي واكثر شي وانا اقول ابغى اناااااااااااااام:21_162: والدكتوره تقولي ساعدينا وانتي راح تنامي الدكتوره ممتازه مرره وصبوره وكانت تحاول تفتح بيدها وحده من الممرضات وقت ما يجي الالم كانت تضغط على بطني من فوق عشان ينزل الين ما طلع حبيبي احمد انا على طول نمت من التعب حتى ما شفته كنت اسمع صوته زي الحلم ونمت بعدين صحيت اسال فين البيبي قالت بعدين نجيبه في الغرفه بس وهاذي قصة ولادتي بالتفصيل ومعليش على الاطاله وربنا يقومكم بالسلامه يارب ادعولي ان ربي يحفظه ويخليه