لوحة المفاتيح لا تعمل شنهو الحل

هجرية;5756740:
السلام عليكم ورحمة الله وبركاته

مشكلتي مع لوحة المفاتيح لما اضغط على اي حرف تنكتب لي رموز غريبة او يصير الكمبيوترفي وضع الاستعداد او تنفتح لي نوافذ مثل بحث او جهاز الكمبيوتر

بعدين غيرت لوحة الفاتيح واشتغلت معي يوم بعدين صارت ماتشتغل خير شر

مدري شنو اسوي؟

وانا الان اكتب بلوحة المفاتيح اللي في الكمبيوتر

اذا عندكم حل لهمشكلة اكون شاكره لكم

ويعطيكم العافية

وعليكم السلام ورحمه الله وبركاته

اول شي الغالية جربي تبدلين بين الفارة والكيبورد ،، يعني وصلي الكيبورد مكان الفارة والفارة مكان الكيبورد

ثانيا الكيبورد اليديد هل جاء وياه سي دي تعريف؟؟

ثالثا: اباج تتأكدين اول ما تبطلين الجهاز ،، هل تظهر لج رسالة ان keyboard failure او اي شي مشابه لها؟؟

وبعد تأكدين ان مافي غبار عالق او شي في مكان توصيل الكيبورد

او انه هناك وصلات مفكوكة في قاعدة توصيل الكيبورد باللوحة الام

هذي هي الاحتمالات الواردة لهالمشكلة

الا اذا كان عندج خلل آخر بجهازج ،، عموما جربي هالطرق وان شاء الله خير

هلا حبيبتي بالنسبة للوحة المفاتيح الجديدة مافي معها سيدي تعريف

ثالثا: اباج تتأكدين اول ما تبطلين الجهاز ،، هل تظهر لج رسالة ان keyboard failure او اي شي مشابه لها؟؟

لا ماتطلع لي هالرسالة ولا اي حاجه عن لوحة المفتايح

وسويت مثل ماقلتي لي وبدلت بين الفاره و ولوحة المفاتيح

ومافي فايده

او انه هناك وصلات مفكوكة في قاعدة توصيل الكيبورد باللوحة الام
يمكن بس ما شيكت ع الكبيوتر يبغالي احد يفكه

تعبتك معاي حبيبتي والله يجزاك الف خير ويوفقك يارب

العفو الغالية

وديه للصيانه وخليهم يشيكون ع الوصلات

وان شاء الله تنحل المشكلة

-----------------
بس قبل الغالية بغيت اتأكد من شي قبل تودينه الصيانه

روحي على هالمسار
Start---------------------Control Panel---------------------System
ثم من Hardware اضغطي على Device Manager

وصوري لي منطقة ال Keyboard
ومنطقة USB port

لانه احتمال يباله reinstall

الكيبورد مو موجودة

وهذي صورة حق Device Manager


[img]http://bitk.net/ups/uploads/smart-b53c6fae5c.jpg" alt="" loading="lazy">

اوكي اذهبي لهالمسار

Start----------------ControlPanel--------------------Keyboard
ثم Hardware

شو مكتوب في Device Status؟؟؟

مو مكتوب شي المكان فاضي

شالحل؟

ايواا شكله مب معرف الكيبورد

شوفي اباج تتبعين جربي هالطريقة وان شاء الله تضبط

اول شي شيلي وصلة الكيبورد والجهاز مقفل ،، يعني لا توصلينه بالجهاز

الحين افتحي الجهاز وطبعا الكيبورد مب موصل

وانتظري لين يفتح الويندوز

وعقب وصلي الكيبورد

واذهبي الى هالمسار

Start---------------------Control Panel---------------------Add Hardware



ثم اضغطي Next


ثم اختاري اول اختيار
Yes. I have already connected the hardware


دوري ع الكيبورد واذا ما حصلتيه ظللي
Add a new hardware drive
ثم Next


ثم اختاري البحث الياً كما بالصورة ،، ثم Next


وانتظري لين يحصل ع الكيبورد

لما اشغل الجهاز واوصل الكيبورد تعلق الماوس

حاولت 3مرات

طيب ممكن لما تعلق الماوس اعيد التشغيل واكمل باقي الخطوت؟؟

هجرية;5780300:
لما اشغل الجهاز واوصل الكيبورد تعلق الماوس

حاولت 3مرات

طيب ممكن لما تعلق الماوس اعيد التشغيل واكمل باقي الخطوت؟؟

لا ،، لانه كيف بتعيدين التشغيل والماوس مايشتغل ولا الكيبورد يشتغل
يعني مستحيل تتحكمين بالجهاز ،، لازم الماوس او الكيبورد

لكن اذا علق الماوس اصبري عليه شوي

وجربي وخبريني

بس احتمال يكون عندج خلل في وصلات مفكوكة في قاعدة توصيل الكيبورد والماوس باللوحة الام

يعني مافي غير انج تودينه للصيانه ،، اذا بعده يعلق الماوس

الكمبيوتر فيه زر اضغط عليه ويعيد التشغيل يعني بدون ماوس ولا كيبورد

هجرية;5780591:
الكمبيوتر فيه زر اضغط عليه ويعيد التشغيل يعني بدون ماوس ولا كيبورد

اوكي جربي

وانا كمان اشتريت لاب توب جديد ما صار له شهر وبدا سهم الماوس يعلق علما باني ما استعمل الفارة بس بالضغط على مربع الماوس بس لما علق ركبت له ماوس وما اشتغل وفصلته و في النهايةفصلت الفيش وانا خايفة لا يحترق الكمبيوتر.سسسسسسسساعدوني ....

dimoned;6147822:
وانا كمان اشتريت لاب توب جديد ما صار له شهر وبدا سهم الماوس يعلق علما باني ما استعمل الفارة بس بالضغط على مربع الماوس بس لما علق ركبت له ماوس وما اشتغل وفصلته و في النهايةفصلت الفيش وانا خايفة لا يحترق الكمبيوتر.سسسسسسسساعدوني ....

انزين ليش تفصلين الفيش؟؟

يمكنك استخدام مفاتيح الكيبورد للتحكم في اللاب توب ،، اذا الماوس علق

عموماً يمكنك استخدام ماوس خارجي غير اللي باللاب توب ،، انتي قلتي انج وصلتيه ومااشتغل ،، انزين شو ظهر لج يوم وصلتيه ؟؟

جربي وصلي الماوس واللاب توب شغال وشوفي اذا بيشتغل او لا

لانه بياخذ بين 30 ثانية الى دقيقة او اكثر عشان يتعرف عليه الجهاز