كيف أمهد بنتي لاستقبال أخ جديد لها؟

ما شاء الله بنتك كبيرة و تفهم

تقدرين تاشريلها على بطنك و تقوليلها هني اكو بيبي

او اذا شفتوا بيبي تقوليلها شوفيه حلو احنا بعد راح يجينا واحد

يعني لازم تفهمينها انه اكو احد بالطريق عشان ما تتفاجا

بالتوفيق

أبرار عطتك أول الطريق
ألي بعده والأهم تظهرين لها مدى أهتمامك بها وأنها هي المولوده الأولى وأنك فرحتي فيها كثير وجا الوقت يكون معها أخ أو أخت يلعب معها ويسليها وخليها تشوف أقاربكم أن كل واحد عنده أخ وان وهي راح تصير مثلهم
بديتي تجهزين للمولود خذيها معاك للتسوق

أشتري لها ملابس وألعاب أولا وبعدين أشركيها معك في الأختيار للمولود وراعي تكون أغراضها في هالمره أكثر
وتقدرين تكملين أغراض البيبي مره ثانيه لحالك
جا المولود بالسلامه
طبعا حب وحنان وعنايه وأهتمام بالبنت الكبيره لا تقصرين عليها وتهتمين بالمولود وتنسينها
ممكن تساعدك في الأشياء البسيطه أمدحيها عند أبوها أهلك الأقارب الأطفال وبيني لها كيف هي تساعدك ومريحتك والبيبي شلون متعب وهي نظيفه ملابسها تكرمين تروح الحمام والبيبي يعملها على نفسه ويرجع الحليب ودوم يصيح وهي هاديه ومرتبه ............ألخ
النتيجه :
الغيره بتكون خفيفه لأنها هي موضع الأهتمام والبنت المثاليه والبيبي عوضيه بدون لاتشوف
الله يقومك بالسلامه

ول شيء تقولي لها في بطني دادو والله سبحانه وتعالى هو الي يعطينا اياه امكن ولد او بنت


وتخليه تبوس بطنك وادا تحرك اتخلي يدها على بطنك واذا رحتي معاها الى السوق قولي لها تختار لبس الى البيبي لانه مسكين ما عنده ملابس

واذا اخدتي اشعه في المستشفى اخديها معاكي خلها تسمع نبضه وتشوفه في اشعة السونار


وقولي لها ويش رايك نسميها كده والله كده خلها تتعلق بالبيبي قبل لا يطلع

ولما تولدي وتزورك في المستشفى اعطيها هديه وقولي لها من عند البيبي

واخدي لها قصه مولود جديد في المنزل واقرايها لها



وبعد هذا كله ما اشك انها تغار من البيبي لان هذي الطريقه اتبعتها مع ابني مع ان كان عمره سنتين ونصف وصار يحب اخته ويخاف عليها

انا مثلك ولدي عمره اربع سنوااات

البنات ماقصرو

الله يسهل عليش ان شاء الله