يلا يامصريات تعالو نفيد بعض و نعمل جزء لينا

rana samir;5756355:
موضوعك حلو اوى عايزة اسألك عن مقشر للجسم وغسول للوجة استخدمها بدل الصابون من منتجلت اوريفليم
وبالنسبة scrub بتاع ستيفنز احلى ولا اوريلفيم

sarkha;5756057:
فعلا فكرة حلوة اوى اوى وان شاء الله ليا عودة باى منتج من اللى بشتريها ولو ان كل حاجاتى عادية اعتقد كل البنات يلاقوها بسهولة واهم حاجة فى موضوعك موضوع التمن لانى احيانا بروح اشترى حاجة وبتطلع غالية جدا بتحرج ارجعها والميزانية بتاعة الشهر بتبوظ

الاميرة المسلمه;5757861:
طبعا كل اللى رد عليكى مصريات :Za_thanx:
بصو بقه يا بنوتات انا رائى اننا كمان نتكلم عن الحاجات الطبيعيه علشان انا بتبهدل من اى حاجه صناعيه لازم وشى يبوظ او جلدى تحصله مشكله من الحاجات الصناعيه علشان كده بقه انا بحب استعمل الحاجات الطبيعيه و طبعا زى ما كلنا عارفين الحاجات دى بتبقى عاوزه مداومه و طوله بال :no: و كلنا بنزهق فممكن اضيف على فكرتك اننا نساعد بعض على المداومه و نتابع مع بعض نتايج الماسكات
انا عن نفسى بستخدم منتجات حراز و الحاجات الطبيعيه زى الزيوت وكده بس من حراز بجيب كريم العروسه هو زى سنفره كده بس كويس بيبيض الجسم

انا عاوزه اقول انى عاجبنى مووووووووووووووووووووووت موضوع ان المصريات تكلم بعض علشان انا للاسف معنديش صحبات و مش بعرف اتكلم مع حد بالرغم من انى مخطوبه و فاضلى كام شهر على جوازى ان شاء الله لو ربنا امر يعنى ومكسله قوى اعمل اى حاجه ممكن نشجع بعض ؟؟؟:groupwave:

sovy;5756008:
:21_95:
السلام عليكم و رحمة الله و بركاته

انا بعمل دعوة للبنوتات المصريات نعمل لينا part لينا في
ركن العنايه بالبشرة و الجسم عشان نفيد بعض بالمنتجات
اللي موجوده عندنا في مصر و فين و بكام و كده يعني عشان
عشان كتير من المنتجات اللي بيقولوا عليها حبايبنا الخليجيين
مش بنلاقيها

:21_235: يالا نبدأ

ابدأ انا الاول يلا مش مشكله :sm215:

اول حاجه مزيل العرق deodrant انا مابرتاحش الا ل dove original تحفة او nevia dry مش sensitive ولا fresh و كمان pearl الجديد تحفة تقريبا سعر dove الكبير 27 و nevia pearl 34 جنيه تمام:handup:
بس هما بس اللي فعلا فعالين ولا عمرك تشمي ريحة عرق بستعملهم من 5 سنين



طبعا انا بستخدم الاسبراي انا في رأيي ان السبراي انضف حاجة

ده نوع dry silk ريحته حلوه بس انا بحب original عشان فعال اكتر طبعا بترجيه كويس قوي قبل ماتستعمليه



:21_179:غسول الوجه مش بثبت على حاجه جربت كتير بس دلوقتي بستعمل سكرب oriflame بتاع الشتا اللي بالتوت ده جبته من الشتا و طلع حلو جدا هو 75 مل صغير يعني
و جبت ستيفيز stivies الجديد اللي هما الاشكال الجديدة جبت للبشره المختلطه وحش جدا مع اني دايما برتاح على ستيفيز

بس ماما جابت اللي مكتوب عليه
oily/blemish skin
فيه salyslic acid 2% تقريبا جربته حلو اوي للبشره الدهنيه جميل فعلا


:21_182:
ايه كمان :sm215:

بالنسبه لل sun screen او sun block
جبت بتاع nevia السنه اللي فاتت اللي spf بتاعه 90 ماعجبنيش طلعلي حبوب رفيعه تحت الجلد و بعدين مش فعال اوي اللي هو في انبوبه بقيت بحطه على ايدي السنة دي
جبت من oriflame الشهر اللي فات كريم اسمه even out كان في صفحه لوحده كده اللي بيخفف البقع الغامقة اللي بتسببها الشمس و فيه spf 20 حلو جدا جدا جدا لونه بنفسجي كده


انا تعبت بقى هبقى اكمل كمان شويه:21_210:

عايزين نفيد بعض يلا يا احلى مصراويه:21_112:

the diamond;5760191:
السلام عليكم و رحمة الله وبركاته
ازيكم يا بنوتات ياحلوات اولا احب احيكم على الفكره الروعه دي (انا عضوه جديده في المنتدى )واتمنى اشارك معاكم واتمنى كمان انى انفعكم واعرف رأيكم في اللي هكتبه بصراحه
المهم دي ماسكات طبيعيه متجربه وخصوصا للعرائس والمقبلات على الزواج
1-[GRADE="0000FF 00BFFF FFA500 4B0082"]ماسك لنضارة البشره [/GRADE]:
قبل الماسك هنعمل صنفره لازلة الجلد الميت(ملعقه كبيره ترمس مطحون ناعم من عند العطار+نص ملعقه عسل نحل+2نقطة ليمون)يوضع لمدة 15 دقيقه وبحركه دائريه من الداخل للخارج يتم ازالة الماسك ويتم عمله كل 5 يام
والماسك ده لكل انواع البشره وهو عباره عن(ملعقة كبيره خميره +ملعقة عسل نحل+كبسوله فيتامين Aوكبسولة فيتامينE والكبسولات بنجبها من الصيدليه وتقلب مع الخميره والعسل )ويوضع الماسك لمدة 15 دقيقه بعد السنفره
لازالة الهالات السوداء حول العين (زيت لوز +مغلي النعناع وتدهن حول العين)
وسلامي ليكم يا حبيباتي

angel_chic;5759427:
ازيك يا بنات انا عيزا اسألكم عن كريم للتبيض اسمو rokle ده ممكن الائيه فين؟

.* اميرة *.;5766749:
:Y_hi_3:
موضوع جميل يابنات انا هاقولكوا على الحاجات للى جابت معايا نتيجة وحبيتها اوى

1- كريمات الليل والنهار من اوريفلام اسمها اوبتيمالز للبشرة الدهنية روووووعه بتقلل الدهون وتحسن لون الوش وبتصفى جامد
2- منظف شجرة الشاى بتاع اوريفلام للبشرة الدهنية اتنين فى واحد منظف وتونر وفيه مضادات للبكتريا بتمنع ظهور الحبوب ومش بينشف الوش خالص تحفة
3- شامبو هيربال اسينسيز بس كان جايلى من السعودية روعه بيخلى الشعر حرير ولمعته تجنن
4- اقراص فيتامين c للهالات السودا حلوة وفعالة بس مش صح انك تاخدى الفيتامين ده كتير انا جربته فترة وكان حلو يعنى ممكن تستعمليه اسبوع قبل اى مناسبة عندك
5- واقى الشمس فوتوديرم للبشرة الدهنية يجنن ميلكى ومش بيزيت خالص ودرجة حمايته 100
6- ماسك الزبادى والعسل والخميره بيصفى الوش ويشده ويخليه مشرق
7- زيت اللوز للهالات مع الاستعمال المستمر
8- مزيل العرق فيبيكس روعه يفضل اسبوع مع الاستحمام المتكرر وتعرقى براحتك لان اى منتج يحبس العرق بيبقى مضر جدا
9- كريم فولدكس لتفتيح الاماكن لحساسة شفت منه نتيجه مبدايا حلوة ولسه ان شاء الله هاداوم عليه
اى استفسار انا تحت امركوا يابنات وتحيا جمهورية مصر العربية:clap::clap::clap::ongue::ongue::ongue:

HOBBOZ;5756637:
شكرا يا قمر على الموضوع اللذيذ ده

وحبيت اسألك انتى بتقولى بتستعملى كريم جليسوليد , هو بيتباع هنا فين فى الصيدليه عادى

بس سمعت ان المصرى مش حلو لان اللى بييجى من الخليج مكتوب عليه صناعه المانى واحسن

انما المصرى مش حلو

وتانى حاجه انا كنت عايزه حاجه من منتجات اوريفليم للهالات تحت العين والتجاعيد وكده

تفتكرى ايه احسن حاجه يا ريت تكتبيلى اسمها لو تعرفى وتمنها ياريت كمان

HOBBOZ;5777868:
ليه طنشتينى كده بس ازعل يعنى .........لأ مش هزعل منك

اقرى مشاركتى بليز فى الصفحه الاولى وجاوبى على اسألتى بعد اذنك يا قمر