والله تعبت وحيرني زوجي ..ابي حل

هلاوالله اختي الغاليه
اصبري والصبر مفتاح الفرج وان شاءالله ربي يفرج عليك كربتك ويزيل كل همومك يارب ويخلي زوجك يوافق اليوم قبل بكره استفيدي من وقتك في قراءة الكتب القصص والمجلات الاسلاميه وفي حفظ القران اولا واخيرا واحضري المحاضرات وان شاءالله تلقين كل مايسرك والله يوفقك في حياتك ويسخرلك زوجك ويحفظلك بنوتتك
.
.
.
وكن سعيدا

الله يوفقج وتشوفين لج وظيفة وتكون مثل ما تبين
من رايي تشوفين الوقت المناسب وتهيئين له الجو وكلمينه عن الشغل بطريقة غير مباشرة وشوي شوي دخلي في صلب الموضوع وانشاء الله ربج يهديه

الله يفرجها عليكم إن شاء الله

[GRADE="00BFFF 4169E1 0000FF"]حبيبتي الله يكون في عونج انا زوجي نفس زوجج كان رافض شغل الخلط واحنا محتاجين لمعاشين عشان نفتح بيت وبس في الاخير اقتنع مدري شلون ؟؟ انا نفسي منصدمة اني اشتغل في مكان فيه رجال معي بس الحمدلله انا شغلي محترم ومافيه الا دكاترة

بس انتي حاولي معاه وقدمي في اماكن وايد حته لو كان خلط وشوفي استخيري وسبحان الله العبد ماياخذ الا نصيبه انا قدمت اوراقي في كل مكان واستخرت وسبحان الله جاتني وظيفة خلط ومدري شلون زوجي وهلي وافقوا انا لين يومج مصدومة بس هاي فيه خير سبحان الله ولا جان الله ماسهلي اموري فيه

فانتي حاولي قدمي والله راح يكتبلج الي فيه الخير [/GRADE]

وش تبين في الشغل ... كبري الوسادة ونامي .. انا انتظر بفارغ الصبر متى اتخرج من الجامعة وافتك.. انا احب الراحة والبيت اكثر من الشغل والدوام وقعدة الصبح .. ع الاقل اقوم ع كيفي وانام ع كيفي

دليل انه يحبك ويغااار عليك ليه زعلانه اجل انا اش اقول اللي لاولد ولا شغل

السلام عليكم

حبوبة زوجج مقصر عليج بشي اشتكالج بأن المصروف غير كافي ؟؟

إذا نعم ، أنصحج مع راي زوجج عمل بلا اختلاط و المعلمة عزيزتي تقدر تبدع و تخرج أجيال علماء يعني وظيفة مو سهلة

و زوجج يغار عليج هذا شي طيب و لله الحمد و ليس ديوث يرضى على زوجته تطلع بوسط الرجال أعوذ بالله


إذا لا ، اقعدي و فرفشي نفسج في البيت و اهتمي بزوجج يمكن قعدتج بالبيت تسعده أكثر و يحب يشوفج

بوجهه إذا طلع من الدوام مستقبلته


الله يوفقج لما يحبه و يرضاه

والبنوته وشو مصيرها؟

حبيبتي خير الامور الوسط
اشتغلي بلي شار عليك زوجك مدرسه خاصه او شي غير مختلط تعرفين ليش؟
هو مش مشتهي يشغلك من البدايه واذا عاندتي ووقعتي باي مشكله بتفجر الوضع وبتخسرين استقرار حياتك الاسريه وبيشك ويتغير واهوووووووووووووو اشياء كثيره صدقيني حتى من اقل حركه بيتهمك
تعرفين الشغل المختلط فيه اهوال وعجايب وما تتحملها الي متزوجه واحد تفكيره زي زوجك
ابعدي عن الشر وغنيله واشتغلي شغل مناسب لطرفين وجيبي خدامه لبنتك وعيشي حياتك
تحياتي

ياقلبي عليك..

يابنات ياحبوبات انتو تقولون تشتغل مدرسه...يعني انتو تدرون ان الحين مافي وظايف مدرسات

ولا حتى بمدارس اهليه الااااااااااااااا بجهد جهيد او واسطه....

حتى البنك برضه ومعرووووووووووف انه بواسطه..

والحين اكثر الاشغال صارت خلط..الا اذا كان شغل من انتاجها



انا معك ان جلسة البيت مو سهله..وحاسه انك مو بس للشغل كمصدر دخل

انتي تبغين تغيرين جو خصوصا ان شغله طووويل..وبرضه علشان تشوفين الدنيا والناس

تحسين انك موجوده بالمجتمع وهذا من حقك..

طيب.............

انتي الحين اول شي تحطينه ببالك ان شغلك مايكون دوامه طويل علشان البيبي

ثاني شغله انك مأمنه المكان اللي بتخلين عنده البيبي

ثالث شغله اوكي نراعي غيرته عليك وياحلوها من غيره...ندبر شغل مانخليه مختلط قدر الامكان...

رابع شغله...ما يأثر شغلك على علاقتكم يعني ماتشتغلين وهو زعلاااااااااان

طيب...نجي للطريقه

<<<طبخه ههههههههه



اتوقع انك بالسعوديه...

خذي جريدة الوسيله او المبوبه وشوفي الاعلانات..لابد يجي اعلان عن وظيفة نسائيه بمكان مو مختلط

وطبعا نراعي ميولك..

اممممممممم ياكثر طلبات المندوبات

المحاسبات في المشاغل النسائيه

بالطفره مدرسات بمدارس اهليه

كوافيرات

وغيرها...

اذا حصلتي واتصلتي عليهم وشفتي انها تناسبك روحي لزوجك بدلع ودلال وسوي له ليله حمرا رومانسيه

وبعدها فاتحيه بالموضوع بدون عصبيه واهم شي ماتبينين له انك تخبرينه لااااااااااااااااااااااااااااااااااااااااااااااااا

قولي له كأنك اخذين رايه ووضحي له وجهة نظرك برقه ونوووووووووو للعصبيه...اذا خليتيه يحس ان القرار بيده

وخلش كذا نعومه وتكسرين الخاطر بيرضى....الرجال اذا حسو انك بتسوين شي وتقولين لهم كخبريه مو مشاوره

يعصبووووووووووووون.....يحسون انهم على الهامش..بس اذا كان زوجك عنيد الله يعينك...

اي وبعد...لا تجيبين له طاري انك بتشتغلين علشان تساعدينه بالمصاريف نوووووووووووووو طبعا مابيرضى بيحس

ان كرامته منهانه....



يوووووهـ اهذر طويل كالعاده.....

المهم


في شي بعد.....

اذا عندك ميول جماليه ..

تقدرين وانتي ببيتك تشغلين وقتك

يعني مثلا...تجهزين دفاتر تحضير للمعلمات

تسوين بطاقات او تغلفين هدايا معازيم

او انك...

تصيرين مدرسة تقوية مواد بالبيت للاطفال

او...

اذا انتي رسامه صيري حنايه او تحطين ميك اب

او...

مندوبة عطورات او ملابس او ميك اب

او..

او..

او..


لابد في شي...




ادري طولت بالكلام..

بس اللي بغيت اوصله لك اني اعرف شعور انك جالسه بالبيت مقابله الجدران

خصوصا انك مجتهده وتعودتي على المذاكره وانشغال الوقت...واذا جلستي بلا ماتسوين شي تتعبين نفسيا..

<<<محلله خخخخخخخ

لاني مثلك وما استويت زينه الا يوم اشتغلت...





وان شاااااااااااااااء الله تحصلين لك شغله حليوه ترتاحين فيها ويوافق زوجك عليهااااااااااا

وطمنينا عليييييييييييييييك

الله يفرج همك

الف شكر لكل مرور
الف شكر وورد لكل رد حلووو من قلب يفيض بهالمشاعر
حسيت ببوارق الامل تتدفق الى شاطئ غربتي واغترابي

اشكركم
لكل من قالت اطيعي زوجك
لكل من حاولت ان تجد لي الحل الشافي
لكل من اتعبت اناملها وكتبت لي دعوة جميلة ولو بخاطرها دون ان تكتبها وتسطرها اناملها

حاولت شتى الطرق سنة واكثر وانا احاول مع زوجي ولكن كانت حلوله الغير مقنعة
راتبي يكفينا ...سكري الموضوع .. مافي شغل وخلاص...اغار عليك .... بيتك اولى فيك ...
اشتغلي بمكان مو مختلط ومو بعيد ...

حيرني احسه مايبيني اشتغل واحيانا يبيني اشتغل بس يعاند

الي سألتني عن مصير بنتي
امي الله يحفظها ماقصرت فيها من يوم هي بنت شهرين وانا اتركها واروح الكلية علشان ادرس

والحين البنت كبرت وبتروح الروضة قريب
وانا من لي
,,,,,انا للزهق والملل والروتين الي يقتلني ببطء
سبحان الله كانكم تدرون
احب ادرس وافهم اي احد مو فاهم شئ ولو بسيط
احب الميك اب وانا الي احطه وازين اهلي واخواتي
احب ادلل نفسي واحط لي كل شئ حلوو وجميل
انا ببساطه قنوعة مسالمة عنيدة حبوبة امينة متواضعة حلووه راضية وحالمة وطموحة وحنونة
لو اكمل بتقولوا تمدح نفسها بس هذي نبذة عني
التمس منكم الحل الشافي لاني تعبت من الليالي الحمراء والرومانسية التي لاتخلو من طرح هذا الموضوع الذي يلاقى في الاخير بالرفض
انتظر رررررررررر