[CENTER]بسم الله الرحمن الرحيم [/CENTER]
الحمدلله انقضت اشهر حملي التسعة بدون مشاكل ولله الحمد والحمدلله على هاذي النعمة لكن ما ان وصلت الشهر التاسع الا وطفحت من الثقل والتعب وكل يوم ادعي ربي اني اولد لكن ماكان في اي بوادر بالمرة ...حتى اني نفسي يأست من روحي ....وكنت اتابع المستشفى اسبوعيا واخر موعد حمل كان ليي بتاريخ 24/3/2008 يوم الاثنين ورحت الموعد لكن كانت تنظرني مفاجأة انه الدكتور حدد ليي موعد للعملية القيصرية لانه ولادتي الاولى كانت قيصرية فخطر على الجرح اني اتأخرت في الولادة وعطاني موعد تاريخ 2/4/2008 للعملية ...مع انه في نفسي ماكنت ابغي اولد بعملية بس في النهاية قلت الخيرة فيما اختارها الله ...وهذا اكيد بيكون في صلاح لنفسي واللهم لا اعتراض ...على عكس خوفي من اول ما حملت واني دائما اكرر خوفي من الولادة الطبيعية ...واني ابغي اولد قيصرية ايح واحسن ...
فبعد مارجعت من المستشفى خبرت زوجي وقلت ليه عطوني لولادة قيصرية ورتب نفسك واجازتك لاني لو كنت بولد ولدت مافي امل اولد طبيعي ...فهو قال الحمدلله هاذي امر الله وسلمنا امرنا لرب العالمين ....انزين وتضايقت شوي خصوصا انه اغراضي جاهزين وكل شي مجهز .. بس كنت انتظر لحظة الولادة ....
ونمت بعد ماقلت لزوجي وبعيد قعدت وتغديت .....
وصار المغرب صليت ونزلت تحت وكان ليلة المولد النبوي ....وكنت اشوف الشارع مزين والناس فرحانين وكنت اقول في نفسي ياليت ولادتي تكون في هاليوم ...بس سكتت حتى زوجي ماقلت ليه امنيتي هاذي ....
وزوجي كالعادة يطلع هالوقت مايرجع الا الساعة 12 في الليل ....اني جهزت العشا وكل شي بس ماوصل الا اني تعبانة حدي مو قادرة امشي قال ليي شفيش قلت ليه ظهري يعورني وراس البيبي احسه نازل عدل مو قادرة ....تعشيت وعلى طول نمت ما ادري عنه ولا عن ولدي....وكالعادة في الليل يوصيني اذا احتجتين اي شي قعديني ...قلت ليه مافي امل مني .....
لكن الفجر الساعة اربع حسيت ابغي اروح الحمام بس نزل مني شي ...اني قلت اوه لايكون هذا بول كرمكم الله ...ورحت الحمام وغسلت وبدلت ثيابي .....بس رد نزل مني ماي .....وقعدت في الصالة .....افكر ...شسوي اقعد زوجي لو انتظر المشكلة الماي كان لونه اصفر مو شفاف ....وهذا اللي حيرني....
وقمت ورد ينزل مني ماي .....هني اني قلت خلاص هاذي ولادة واقوم ليكم انظف شقتي كاملة واغسل الثاب واكوي ...لين ماصارت الساعة 6 وربع قعدت زوجي وقلت ليه وياي الم يروح ويجي وينزل مني ماي ....بس هو ولا كانه سمع .....
ورحت ليه مرة ثانية قلت ليه قوم روح الشغل لا تتاخر ورديت قلت ليه .....قال انه اول مرة ماسمع ....
وال مابيروح الشغل بس اني قلت ليه روح لانني مابروح المستشفى الحين توها الناس عليي ....عقب الغدى بروح يعني الساعة ثلاث ....
وتم كل حين يتصل فيني من الشغل اجي ليش لو شنو ....اكو شكلش تعبانة ...قلت ليه لحين اقدر اتحمل الالم ....وعلى الساعة عشر نزلت مني سدادة الرحم وابتدى ينزل مني ماي ودم ...
وللساعة 12 اتصلت ليه قال بجي بس هو مكان شغله بعيد واني اهني كنت موصلة حدي من الالم .....فاتصلت لابو زوجي وجى وداني المستشفى وعمتي كانت وياي وولدي .....انزين الحين رحت وكشفت عليي قالت 2 سم بس ....وودوني جناح المخاض والولادة وخلوني اوقع على مسؤليتي اني بولد طبيعي لانه محجوز ليي عملية ...ووقعت ....انزين نسيت اقول ليكم قبل لا اروح فوق وصل زوجي وولدي كان معاه عطوه كيس يحط في ثيابي والعباية والشنطة ...هني ولدي استانس حده وقال ليي ماما امم ...عطوش البيبي يالله خلينا نفتحه نشوفه ....هني هم قامو يضحكون عليه .....وكل حين زوجي يجي يشوفني ويطلع واني خبرته لا تقول لامي اذا ولدت بتصل ليها اني ...لكن هو خبرها .....
والحمدلله ولدت على الساعة تسع وربع في الليل ....من قالت ليي القابلة اني صرت تسعة ونص ....خلاص ادفعي...صرت مثل الحصان ونسيت كل تعب الطلق وشرف سيد قاسم في مولد نبي الامة ابو القاسم ....
واكتملت سعادتي بوجود اولادي وبكرم الله عليي .....الله يوهب كل محروم ويرزق كل مسلم ذرية صالحة .....
قصة ولادتي بنور عيوني سيد قاسم
ا
17-04-2008 | 10:25 PM
ر
17-04-2008 | 10:32 PM
الحمدلله على سلامتك يا الغاليه
ويتربى بعزكم ان شاء الله
ويتربى بعزكم ان شاء الله
h
17-04-2008 | 10:33 PM
مبروك حبيبتي الله يعطيج الصحه والعافيه باين عليج تعبتي وايد بس الحمدلله وتستاهلين السلامه ويتربى فعزكم واول بوسه من خالته ام هدويه
ا
17-04-2008 | 10:34 PM
الحمدلله ع سلامتج والف مبروووك ويتربى بعزج ياااااااااااااااااارب
*
17-04-2008 | 10:40 PM
الف الحمد الله عـ السلامه
الله يهنكي فيه وتشووفينه عريس على الكووشه
الله يهنكي فيه وتشووفينه عريس على الكووشه
C
17-04-2008 | 10:54 PM
حمدلله على السلامة
ويتربى في عزكم قاسم
ويتربى في عزكم قاسم
ط
17-04-2008 | 11:05 PM
الف الف مبروك
يتربى في عزج
يتربى في عزج
ا
17-04-2008 | 11:19 PM
رهينة الخيال;5752714:
الحمدلله على سلامتك يا الغاليه
ويتربى بعزكم ان شاء الله
الله يسلمش اختي وشكرا لردك الكريم
ا
17-04-2008 | 11:22 PM
haduih;5752725:
مبروك حبيبتي الله يعطيج الصحه والعافيه باين عليج تعبتي وايد بس الحمدلله وتستاهلين السلامه ويتربى فعزكم واول بوسه من خالته ام هدويه
شكرا حبيبتي هدوية ....صح تعبت بس الحمدلله شوفة ضناي تسوى الدنيا ونستني التعب ...وصلت البوسة ياهدوية وتسلمين يالغالية ....
ا
17-04-2008 | 11:23 PM
**ام يارا**;5752784:
الف الحمد الله عـ السلامه
الله يهنكي فيه وتشووفينه عريس على الكووشه
الله يسلمك ام يارا وتسلمين يالغالية على دعواتك الحلوة
ا
17-04-2008 | 11:24 PM
Cute Mother;5752894:
حمدلله على السلامة
ويتربى في عزكم قاسم
شكرا خيوتي كيوت مذر تسلمين والله يبلغش في ولدش يارب
ا
17-04-2008 | 11:26 PM
الحبُ الكبير;5752738:
الحمدلله ع سلامتج والف مبروووك ويتربى بعزج ياااااااااااااااااارب
تسلمين اختي والله يقومش بالسلامة وتشوفين ضناش يارب ويفرحش فيه يارب وتنضمين لينا في التربية والطفل ....
ا
17-04-2008 | 11:27 PM
طيف السلام;5752987:
الف الف مبروك
يتربى في عزج
تسلمين يالغلا على الدعوة الحلوة
m
17-04-2008 | 11:34 PM
[BLINK]ألف ألف مبروووك
الحمدلله على السلامة[/BLINK]
الحمدلله على السلامة[/BLINK]
س
17-04-2008 | 11:40 PM
الف حمد لله ع سلامتك والحمدلله
ع تيسسر اموورك
بس سؤال اي احسن الولادة الطبيعية او القيصرية بما انك صار عندك خبرررة فيهم
ع تيسسر اموورك
بس سؤال اي احسن الولادة الطبيعية او القيصرية بما انك صار عندك خبرررة فيهم
~
17-04-2008 | 11:53 PM
الحمد لله على السلامة
و يتربى سيدقاسم بعزكم
كنت احاتيش
و يتربى سيدقاسم بعزكم
كنت احاتيش
م
17-04-2008 | 11:54 PM
الف الف الحمد الله على سلامه يا ام سيد حسين ويتربى بعزكم قسوم القمر
والحمد الله يوم الله نعم عليش ولدتين طبيعى
والحمد الله يوم الله نعم عليش ولدتين طبيعى
س
18-04-2008 | 12:21 AM
مبروك ماجاكم خيوه
ووش حلاة الاسم الله يهنيكم فيه ويجعله من مواليد الهنا والسعادة
دعواتج لنا تتسهل ولادتنا خيوه ..
ووش حلاة الاسم الله يهنيكم فيه ويجعله من مواليد الهنا والسعادة
دعواتج لنا تتسهل ولادتنا خيوه ..
ح
18-04-2008 | 12:24 AM
الف الف الف الحمدالله على سلامتش يالغاليه
وربي يخليه لش وتفرحين فيه وفي اخووه سيد حسين
وربي يخليه لش وتفرحين فيه وفي اخووه سيد حسين
ع
18-04-2008 | 12:37 AM
الف الحمد لله على السلامه خيو وايد قصتش حلوه اللللللللللللللللللللللللللللليى حليو الحمال متى احمل مره ثانيه بس تكبر بتي شويه خخخخخخخخخخخخخخخخخخخخخخخخ مستعيله على روحي