جهاز البخار للشعر - منتديات عروس

ت

تراتيل السماء

عروس مشاركة

17-04-2008 | 09:55 PM

قوة شابات ..

شريت جهاز البخار لأني عرفت اش قد هو مفيد عشان شعري يستفيد اكثر من الخلطات اللي احطها ..

بس ما اعرف شلون استخدمه .. اهو نفس اللي في الصالونات ..

وابغي خلطات معينة اللي ممكن احطها واستخدم هالجهاز ..

وتشكرون خواتي ..

o

om asmaa

عروس ماسية

17-04-2008 | 10:00 PM

مبارك اختى على الجهاز
الله يباركلك فية
ان شاء البنات هيفيدوكى بس حبيت ابارك

ت

تراتيل السماء

عروس مشاركة

18-04-2008 | 01:28 AM

مشكورة اختي ودودة ، الله يبارك فيش

أحد يرد علي؟؟!!

س

سكراااا

عروس متألقة

18-04-2008 | 01:38 AM

مبــروك اختي على الجهــاز....

بــس أنتي تبين تعرفين خلطات ,, ولا اشلون تستخدمي الجهاز؟؟

أذا كان عن الجهاز فهو سهل جدا انا عندي واحد فى البيت هو تحتين الماء داخل الغرشة الشفافة الاوراء الراس.. وتحطي الوقت الا تبين بتلقين التيمر مال الوقت تحت الغرشة.وكمان مفتاح التشغيل رقم 1و2 احسن تحطي رقم 2 علشان تكون الحرارة اقوة.. بس

اما الخلطات الاخوات ان شاء الله يفدونج.... وبالتوفيق عزيزتي..

تـــــحــياتـــيــ.
**ســـكــرااا**

ق

قطوه بحرينيه

عروس مبدعة

18-04-2008 | 09:25 PM

بنات شنو ذي الجهاز و شنو فايدته علموني

من وين شريتيه اختي و بجم

هو نفسه الي يحطونه في الصالون حق حمام الزيت ؟؟

ت

تراتيل السماء

عروس مشاركة

20-04-2008 | 12:07 AM

شكرا اختي سكرااا عالرد الحلو

قطوة بحرينية

اي نفس اللي في الصالونات .. هذا هو ..

خالي جابه لي من آفاق لمستلزمان الصالون .. اهو اخذاه ب 65 دينار تقريباً .. بس يقولون الحين زاد السعر

تلاقينه في السعوديه أرخص ..

بحثت في المنتدى لقيت مواضيع مفييييييده تخصه .. بحثي عنها اختي

ع

عشيقة المتنبي

عروس جديدة

22-04-2008 | 06:01 AM

والله انا مفكره اشتريه عشان يستفيد شعري منه اما بالنسبه للخلطات فهي كثيره حطي زبادي مع البيض مره مفيد وبعد خلطة زيوت مثل دابر وزيت زيتون ونارجين وجرجير وخروع وان شاء الله تستفيدين ...

ك

كتم المشاعر

عروس مشرقة

22-04-2008 | 04:11 PM

هذا الجهاز مفيد

لكريم حمام الزيت

مثل فاشكول او اي حمام كريم زيت

بعد ماتغسلين شعرك بالشامبو تروحين تحطي على شعرك اي كريم حمام زيت للشعر

وتشغلي الجهاز وتجلسي تحت البخار لمده من 15 الى 20 دقيقه

وبعدين تقومين تغسلي شعرك بالماء فقط

وان شاء الله شعرك بيصير حلو طري وناعم

ودعواتك الحلوه

ر

روضة القلب

عروس مبدعة

23-04-2008 | 01:05 AM

تسلمووون

ت

تراتيل السماء

عروس مشاركة

23-04-2008 | 08:53 AM

مشكورين خواتي ..

اختي داخله دورة شعر ومكياج .. واليوم بيعلمونهم أكثر عن هالجهاز ..

ان شاء الله اذا قالت شي جديد أفيدكم

بس أريد أعرف .. هل لازم ألبس قبعة بلاستيكية .. وكم مرة في الاسبوع أقدر استخدمه ..

ك

كتم المشاعر

عروس مشرقة

24-04-2008 | 04:39 PM

مره في الاسبوع استخدميه

اذا شعرك خشن كثير خليه مرتين في الاسبوع

القبعه مش لازم تلبسيها اهم شي تحطين الكريم كويس على فروه الرأس والشعر

وان شاء الله شعرك بيصير حلو

ت

تراتيل السماء

عروس مشاركة

25-04-2008 | 09:57 PM

شكرا خيو ..

شعري مو خشن .. بس متدرج وتعبان .. الشعره نفسها فيها تدرجات مو طبيعية ..

حسب كلام المدربة في الدورة قالت اذا الشعر يحتاج واجد نبدأ ب 3 مرات في الاسبوع ونقللها بالتدريج ..

بس ناويه أقص شعري بالأول بعدين أبدأ المشوار ..