خطيبي مسافر شلون استقبله؟؟!! واللي ترد علي يارب تنول اللي فبالها

M

Mrs. 7ala

عروس متألقة

17-04-2008 | 03:46 PM

السلام عليكم ......بنات انا عندي مشكلة

خطيبي مسافر صار له شهر وزيادة عنده دورة..

وكنت مستعدة ومجهزة أفكار عشان استقبله لكن

يدتي توفت من اسبوع الله يرحمها ويغمد روحها الجنة انشالله...

فالحين احس مالي مزاج اسوي شي ومافي شي في بالي

ونفسيتي تعبانة كلش...

ابي افكار حلوة لان هاذي أول مرة

نفترق فيها عن بعض وهو كان يخاف اني اتعود على فراقه

واتغير واقسى وأنا مابي احسسه ان هالشي صار

لاني والله العظيم لانسيت ولا قسيت بس نفسيتي مب ذاك الزود

لأن يدتي الله يرحمها وايد غالية علي وهي اللي مربيتني

وكنت دووم عندها ومعاها ومتعلقة فيها واايد....

فأبي افكاركم ونصايحكم....

وفي شي ثاني طبعاً أنا ماقلت له اللي صار ولا كلمته بهالفترة...

فمب عارفة شلون أقوله الخبر لأنه هو بعد يحب يدتي الله يرحمها واااااااااااايد

لدرجة اني يوم قلت له ان فيها الخبيث -بعيد الشر عنا وعنكم- دمع وبجى عليها

لأنه يعتبرها في مقام يدته الله يرحمها ويرحم يدتي وجميع موتى المسلمين..

فشلون أقوله بصراحة ماودي اضايقه،، وأنا بروحي متضايقة وودي أشكيله

من كل اللي صار في غيابه بس مابي أخرب فرحته...

أتمنى انكم ماتبخلون علي بالرد....

والله ينولكم اللي في بالكم ولايحرمكم من كل خير...."ااااميييين"

أ

أم صغيروونة

عروس نشيطة

17-04-2008 | 04:52 PM

هلا حبيييبتي
اول شي عظم الله اجرج

بالنسبه اشلون تستقبلييين زوجج مابقوللج حطي ورد وشمووع لان الوقت مب مناااسب انا من رايي انج تلبسييين وتكشخيييين وزيني له طاولة الطعام بس ماعندي فكره اشلون بالضبط انشاءا لله البنات يساعدونج

وبالنسبه اشلون اتقولين له الخبر انتي اقعدي معاه فالبدايه سولفي وتطمني على اخباره عقب قوليله عن يدتج
شووفي انا ماعندي فكره عن هالسواالف واايد خخخخخخخخ بس ماحبيت اطلع بدون ماارد عليج

n

nisreen naser

عروس مشرقة

17-04-2008 | 05:28 PM

مساء الخير يالغلا

عظم الله أجرك في جدتك واسكنها فسيح جنانه والله يرزقكم الصبر وانا لله وانا اليه راجعون

أنا تقريبا مثلك حبيبتي بس خطيبي يغيب عني كل شهر لانه يدرس في الشرقية وانا في جدة وينزل وقت

الاجازات

صراحة كل المرات اللي ينزلها اهتم بنفسي بلبسي وشعري والعطر اللي احطه يكون هوا يحبه كثير

واغلب الاحيان اقوله اش تبغاني البس او ايش اسوي في شعري وكيف تبغى الميك اب(رغم اني ما اعرف بس احاو وهوا يقدر اهتمامي ومحاولتي لانه دليل على حبي له)وهوا يختار وهذا يبسطه كثييييير

وبالنسبة للاستقبال اكون مشتاقتله مرررة واحسسسه باني لمن شفته حسيت بالامان

وانتي بالعكس حسسيه انو وجوده معاكي يخفف عنك الم فراق جدتك وهوا حيساعدك ويخرجك من احزانك

وممكن في طاولة العشا او مع كاسات العصير تحطي ورد ابيض او احمر والله حتى لو كان بسيط حيقدره مرررة

سامحيني على الاطالة وان شالله اكون افدتك

والله يسرامورك ويسعدك ويوفقك ويزيل عنك الهموم والاحزان يااارب ويتمم زواجك على خير

M

Mrs. 7ala

عروس متألقة

17-04-2008 | 07:39 PM

أم صغيرونة و Nisreen Naser

تسلمون عالرد حبيباتي...

20 وحدة دخلت ولا ردوا ؟؟؟؟؟؟؟؟؟؟؟؟

حتى ماقالوا عظم الله أجرج>>>>ماهقيتكم جذي يابنات المنتدى وأنا اللي كنت احسبكم خوات وقلوبكم على بعض

د

دلوعة بودي

عروس ماسية

18-04-2008 | 01:05 AM

عظم الله أجرج والله يصبركم وربي يرحمها برحمته الواسعة واسكنها فسيح جناته

k

kholoud_sa

عروس ماسية

18-04-2008 | 01:16 AM

عظم الله أجرك في جدتك واسكنها فسيح جنانه والله يرزقكم الصبر

م

ميااانه

عروس مشرقة

18-04-2008 | 01:48 AM

عظم الله اجرج

أسمحيلي يا أختي ليش تهدينه يوم بتزوجين أهديه لين تشبعين
وتغلي عليه حتى تكبرين في عينه أريال بأتفه الأشياء يشك

M

Mrs. 7ala

عروس متألقة

19-04-2008 | 02:32 PM

دلوعة بودي;5753900:
عظم الله أجرج والله يصبركم وربي يرحمها برحمته الواسعة واسكنها فسيح جناته

أجرنا واجرج اختي.... وجزاج الله خير

M

Mrs. 7ala

عروس متألقة

19-04-2008 | 02:32 PM

kholoud_sa;5754023:
عظم الله أجرك في جدتك واسكنها فسيح جنانه والله يرزقكم الصبر

أجرنا واجرج حبوبة

M

Mrs. 7ala

عروس متألقة

19-04-2008 | 02:43 PM

ميااانه;5754354:
عظم الله اجرج

أسمحيلي يا أختي ليش تهدينه يوم بتزوجين أهديه لين تشبعين
وتغلي عليه حتى تكبرين في عينه أريال بأتفه الأشياء يشك

أجرنا واجرج اختي....

بس ليش يشك شمسوية أنااا عشان يشك...

هو زوجي على سنة الله ورسوله

وحفلة الزواج هاذي مجرد شكليات..

وبعدين الهدية تقرب بين القلوب.....وانا مابي أهديه ولا اسوي حفلة

أو شي لأنه مب وقته الحين ولا لي مزاج وهو لو عرف شصار بيتضايق

فشلون نحتفل؟؟؟؟!!!

أنا ابي طريقة حلوة وبسيطة استقبله فيها واقوله الخبر بس...

وصدقيني لو شفته يشك فيني

وفي أخلاقي وتصرفاتي مستحيل أرتبط فيه لأن أهم شي الثقة

والاحترام والحب...

واللي مافيه هالاشياء مايستاهل ان الوحدة ترتبط فيه وتتركه

أحسن لها لأنه بيوريها نجوم الظهر وماعلى مثله حسايف...

وتسلمين يالغالية على النصيحة...

غ

غواااني

عروس جديدة

20-04-2008 | 03:36 AM

عظم الله اجرج ..
حبيبتي مادري شقولج بس انا لو منج اقوله الحين مش الوقت اللي راح يجيني فيه
وعشان بعد ما ينصدم بالخبر و خاصة انتي اتقولين انه يعزها و يحبها يعني بيتأثر هو بعد بوفاتها الله يرحمها انـ..شأالله ..يعني لو اتقولين له الحين جيته لج بعدين بتكون اخف وتقدرين حتى انتي انج تكشخين و تبرزين له شي .. بس اذا ما قلتيله بيكون تفكيرج كله منصب اشلون بتقولين له خبر الوفاه ..
تقبلي مروري يا قلبي ..
و الله يوفقج انـشألله
أختــــــــ غواااني ـــــــــــــــج

a

amira hesham

عروس برونزية

20-04-2008 | 04:02 AM

السلام عليكم

عظم الله اجركم

وانا بردو خطيبي مسافر زيك

بس انا شايفه ان البساطه

هنا مهمه يعني وهو مش هيفهم من كده ان البعد بيقسي

وبعدها تقوليله على الخبر وانك فى اشد الحاجه ليه فى الوقت ده

ر

روح أبوها

عروس متألقة

22-04-2008 | 09:49 AM

عظم الله اجرك حبيبي
استقبليه عادي وحاولي تنبسطي معاه واذا مشي وراح لبيته قوليله عالخبر او في الزياره الثانيه قوليله

و

وحدااانيه

عروس مشاركة

26-04-2008 | 01:06 AM

عظم الله أجـرك يالغاليــة .. إن شاء الله تكون آخر أحزانكم

برأيي أنالوقت مايساعد أنك تحتفلين وتسوين شي كل اللي عليج

تكونين كاشخه وكشخه بسيطه حتى الميك آب بسيط كلش كلش لأن ماصار شهر على فاة جدتك

بس سوي له عشـاء لأن حتى هو مابيكون له نفس لما يعرف الخبر .. ولازم يعرف أن أنتي تهتمين لهالأمور

لأن اللي توفت جدتك مو أي أحـد .. يعني صعبه يشوفك عادي كاشخه حدك ولااهتميتي لوفاة جدتك صح وإلا أنا غلطانه

أ

ألم غربه

عروس متألقة

26-04-2008 | 01:22 AM

عظم الله أجرك في جدتك واسكنها فسيح جنانه والله يرزقكم الصبر

P

Princess qtr

عروس مشرقة

26-04-2008 | 06:51 PM

عظم الله اجرك يالغاليه والله يرحمها ويسكنها فسيح جناته يارب ..

والله يعينج يالغاليه والله مهب سهله فديتج انج تفرحين بشوفت خطيبج وانتي بحزن جدتج ..

طمنيني عليج شو بيسير معاج !!

ا

ام حتومه

عروس مبدعة

27-04-2008 | 10:01 AM

عظم الله اجرك يالغاليه والله يرحمها ويسكنها فسيح جناته يارب ..

م

ميلادا

عروس مشرقة

01-05-2008 | 04:53 AM

عظم الله أجرك حبيبتي ....الله يرحمها فقد الجدة امر صعب جدا الحمدلله على كل حال ...

نصيحتي خلي الامور عادية لاتخبرينه من اول لقاء بعدين قوليله احسن ...

استقبليه بأحسن لبس وحاولي تكونين عاديه وبعدين قوليله

ا

اسيرة البحر

عروس متألقة

02-05-2008 | 12:37 PM

اول شي عظم الله اجرج حبيبتي وبعدين احسن شي تسوينه انج تبتسمين في ويها وتلمينه وتهمسين في اذنه وحشتني يالغالي الله لا يحرمني منك وتسولفين وياه وتجوفين اهو شكان يسوي شكان ياكل شلون وضعة هناك وطبعا تكونين بكامل زينتج وبعدين تقولين له انج تبين تكلمينه في موضوع وتفتحين وياه الموضوع والله يصبركم