بنتى عمرها 5 شهور كم مره لازم تاكل

اميرة بو ظبي شاقول لج

صحيا المستشفيات دائما ينصحون بالطعام نهاية الشهر السادس

وتبدين تعطينها وجبة وحدة من نوع واحد في اليوم وتجربين وياها كل نوع مدة ثلاثة ايام عشان تشوفين انها تتحسس منه والا لا

وبعدين تكثرين لها عدد الوجبات

وكلما كثرتي الوجبات قللي عدد مرات الحليب

هذا صحيا

بس عادةً الطفل من عمر الاربع شهور ما يشبع من الحليب بس

فاللي المفروض يسوونه في السادس احنا نسويه في الرابع

وان شاء الله البنات يفيدونج

ينت البحرين كفت ووفت

حبيبتي ليش ما تسوين بحث في القسم بتلاقين وايد مواضيع تخص سؤالك

بالتوفيق

مشكوره بنت البحرين على المعلومات ...

ابرار الجنه .. دورت على عدد المرات .. هل اللى اكثر شى ابا اعرفه .. مالقيت شى

انا بلنسبه اطفالي دكتوره بريطانيه قالت لي ابدي ااكل طفلي في الشهر السادس ليش حتى نتجنب الحساسيه من الاكل وهاي الشغلات بس نعطيه في الشهر الرابع الشوربه مالت الاطفال الماصخه مره وحده بليوم اما بعد السادس اول شي تعطيه الماصخ يعني اطبخي جزره واحده وبطاطه وقرنابيط بروكلي طماطه وهاي الشغلات لمن يستوي زين اخلطيه بلخلاط وطعمي طفلك مره بليوم منه الاسبوع وقبل النوم مع الحليب اخلطي ملعقه واحده نستله اما في النهار العصر اعطيه رظعة عصير اطفال لازم عصير اطفال في الشهر السابع زيدي بلنهار بسكويت اطفال وهاكذا انا برنامجي مع اطفالي اما بعد اسبوع الخضروات اطعمي طفلك فواكه من كل نوع قطعه وخلطيها بلخلاط هاذا الي عندي وصحه وعافيه لطفلكي حبيبتي

سلام عليكم جميعا

اختي اميرة بوظبي عادي تأكلين بنتش مافي اشكال الحين المستشفيات عموما كلها تنصح ان الاطفال يآكلون من عمر 6 شهور بس آنا آكلت ولدي من عمر 3 شهور بس ماكنت اسوي حقه الأكل مكثف مثلا عندش أكل الاطفال اللي في السوق كنت اسويه له مثل الحليب وعدد الرضعات تكون من بين 2 - 3 ساعات بين كل رضعة عرفتي وبعدين آنا يوم دخل ولدي 5 شهور أكلته 3 وجبات على اساس يقولون في المستشفيات ان معدة الطفل ماتتحمل بس اكلي بنتش حبيبتي خفيف عشان تقدرين تعطينها حليب وخصوصا حليب الام يكون خفيف على الطفل غير عن الحليب الصناعي

تحياتي للجميع

السلام عليكم الافضل للطفل ياكل من عمر 6 شهور
لان الحين في دراسه مسوينها اكثر الاطفال اللي تجيهم حساسيه
كانوا اهاليهم يوكلونهم مبكر والافضل انج توكلينها رقائق الارز وهو عباره
عن ارز مخفف حيل وتبتدين معاها بملعقه وحده واليوم الثاني بملعقتين
وهكذا لان الطفل ماراح يتحمل الاكل مره وحده وراح يجيله امساك او غازات
وبعدين تبتدين بالاضافات مثل الفواكه والخضروات المسلوقه ولا تبتدين بالموز
لانه ثقيل حيل علي الطفل وهذي تجربه شخصيه وحطي الحم والدجاج بالتدريج
واخر شي البيض والسمك البيض من 9 اشهر فما فوق والسمك 10 شهور الي سنه

البيض حبيبتي قالتلي الدكتورة من 6 شهور مو 9 لانو الطفل يجتاج البروتين من 6 شهور
تعطية صفار البيض مسلووق طبعا

انا بديت مع ولدي يوم كمل ال6 شهور

وجبه وحده في اليوم وكل شهر كنت يا أزيد الاكل او أزيد الوجبات

بس في البدايه وجبه وحده لين تتأقلم معدتها على الأكل

البيض قالولتى الدكتوره من 8 شهور مو من 6

انا نفس الشي ان شاء الله جريب باكل بنتي .... اكلات خفيفه ومهروووسه ....

وعصير البرتقال يمدحونه بس يكون مخفف جدا

للرفع