كل شي مات بليز ساعدوني

انا متزوجة من 9 اشهر انا من الاردن انا وزوجي وعايشين بالسعودية كنت حمل ونزلت وزوجي كل يوم يريد هالطفل المشكلة زوجي كتير طويل بال يعني حاليا نريد تلاجة ومكنسة ومن اول ما اتزوجنا ما جابهم عنا تلاجة صغير بس ما تكفي اغراضنا طويل بال كتير يعني من اول ما اجينا وانا احكي عن تلاجة وما بسمع كثير اتمنى اروح للاهلي مش موافق اروح لحالي للاردن . انا زهقت في السعودية وانا متعلمة ومعي شهادة بس زوجي ما بده اشتغل وانا زهقت كتير كل يوم اقوله خليني اشتغل ما برضى طبي خليني اروح دورات خياطة دوراات حفظ قران مش راضي
حاليا مش طايقة زوجي ومش طايقة العيشة معاه باله طويل على كتير شغلات انا زهقت كتير . وكتير افكر اتطلق وارجع للاهلي
احيانا احس زوجي مش شايفني يعني يوم اكون مرتبة حالي ولابسة يطلع من البيت مع اني كل يوم اترتب . والله مش مقاصرة معاه بشي

راتبه بياخد جزء والباقي ببعته لبيت اهله عمري ما سالت عن الفلوس مع انه حالة اهله المادية تمام
شو اعمل ما جوزي والله بدي اطفش شو ما اعمل احس ما يعجبه بس يجي عنا ناس الكل يحكيلي نيالك على هالزوج كتير يمزح ويضحك مع الجميع بس اكون انا وياه لحالنا دايما معصب شو اعمل مع اني كتير ضحكوكة ومن يوم زوجنا ما ضحكت واحس ماتت فيني اشياء كتيرة مع اني جلست كتير وناقشت مع زوجي بسس بلا فايدة . شو اعمل ارجوكم ساعدوني والله اشتقت للاهلي اشتقت احس بحالي وانبسطت نفسي احس بحالة عايشة لانه كل شي مات فيي واحس صعب يرجع وكل الحب يلي بيني وبينه طار بالهواء

ارجوكم ساعدوني