السلام عليكم ورحمة الله وبركاته ،،
خواتي العزيزات احلى عرايس اتمنى انكن تفيدونـــي،،
آخــر دوره لي كان اول يوم لها 26-10-2007
السؤال الاول انا بأي شهر بالضبطــ !!
والسؤال الثاني وهو مصدر حيرتي حركة الجنين بطيئة جدا احس بها مثل النبض !!
اريد افادتكن يا خواتي انا بالشهر الخامس او السادس !!
وكل ما تسألني وحده تقول لازم تحسين بحركة قوية للجنين !!
انا في حيرة ابيكن تطمنوني عسى الله يوفقكن ويحقق آمالكن !!
السيده فندي //
منتظره ردودكن بأحر من الجمــر
/
\
الله يتمم لك على خير اختي ,,
بس انا ماعندي اي فكرة ولا بعد جربت لكن الله ييسر يارب ,,
يا اختي الاحسن لج وعشان تطمنين اكثر
روحي للدكتور واستفسري
وان شاء الله خير
ولا تخافين..
موفقه ان شاء الله
هلا خيتو .. ماعليك شر ان شاء الله .. !
انتي تاريخ 26 من هالشهر ان شاء الله بتكملين 6 شهور ..
و حركة الجنين مافي تخوف منها دامه يتجرك .. و راقبي حركته .. اذا تحرك باليوم الكامل 10 مرات .. الحمدلله بيكون بخير و سلامة و هذي قاعدة دكتورتي ..
لكن اذا كانت حركته كلش قليلة ضروري تشوفين الدكتورة !
التاريخ المتوقع للولادة 1/8/2008
عمر الجنين 24 اسبوع و 6 ايام
يعني انتي بالشهر السادس
وربي يسهل عليج
يابعد عمري الله يسلمكن عالردود اللي تشرح الصدر ،،
جزاكن ربي خير وعساكن عالقوة وربي يوفقكن ويرزقكن اللي تتمنون يارب
تحياتى لكل عرايس عروس اللي ردو علي شكرا جزيلا ما ننحرمش
بس حبيت اضيف ان الجنين في الشهر السادس يكون بعده صغير يعني حركته مب بهاذيج القوة،، مثل ما قلتي مثل النبض بس صبري لين الثامن والتاسع بتكون صدق قويه واذا كان حد يالس عدالج بيلاحظ حركته ^_^
شئ ممتع ،، الله يسهل عليج
انا مارح ازيد على كلام خواتي
وان شاء الله تقومين لنا بالسلامه
الله يسلمكن خواتي وجزاكن الله خير وعساكن عالقوة
وربي يحقق آمالكن وامانيكن يارب
انتي بكر .. والبكر ماتلاحظ كثير الحركة
ثانياً توك على الحركة القوية مرررة عن كلام اختي بالسابع والثامن تبدأ الحركة تبين مضبوط
ولاتحاااتين ابد ان شاءلله البيبي كويس
انشالله تقومين بالسلامه
واذا تبين تعرفين
احسبي اخر دوره متى جات طيب
احسبي اسبوعين بعد الدوره وبيطلع معك
الحساب الصحيح
انا ماعندي اي فكرا حبيتبي عن الموضوع و انشالله تكوني استفدتي من كلام البنات انشالله تقومي بالسلامة ياربي
اختي حتى انا نفسج صارلي اذكر بالخامس لين السابع كانت حركة الجنين حييل ضعيفة و كنت خايفة طبعا و هذا شي طبيعي , لكن لما سويت سونار و راجعت عند الطبيب قالي كل شي تمام و مافيه الا العافية , وحتى اذكر انه اخت صديقتي تقولي انهم يشوفون حركة الجنين من على الملابس عشان جذي انا كنت خايفة , بس مالا شغل لان هلشي يختلف من وحدة ليالثانية و انشالله مافيج الا العافية ,,,
بس نصيحة انتبهي حق حركة الجنين اهم شي في الشهر التاسع و اذا حسيتي انها اقل من 10 حركات بالساعة سارعي للطبيب :)))
مشكورااااااااااااااات عزيزاتي على الردود ربي يعطيكن العافيه وماتقصروووووون يالغاليات
ربي يوفقكن ويحقق مناكن يارب