علموني اشلون اتعامل مع بنتي (5 سنوات)

كتكوته نايمه 15-04-2008 4 رد 13,140 مشاهدة
ك
بنتي عمرها 4 سنوات و10 شهور يعني تقريبا 5 سنوات
البنت عصبيه وايد
وعنيييده ماتسمع كلام حد ..حتى لو هددناها بالضرب مافيه فايده (انا نادر ما ألجأ لضربها اذا سوت غلط كبير وكانت معاندتني ) اعرف ان الضرب غلط ..شسوي معاها ما تعتدل بالكلام الزين حاووولت وايد ...واذا افقد اعصابي اضرب بس طبعا مب الضرب المبرح ..ومع هاي احس بالذنب لأني خليتها تخاف مني ..وأدري ان هاي الخوف مؤقت لأنها بعد شوي بتكرر الغلط نفسه ..اف مادري شسوي معاها هالبنت كل ماتكبر تتعبني أزيد وأزيد ..
وسلبيه ..بمعنى لو كنا مستانسين ونضحك تصرخ علينا وتقول هدوووووووووء
هي بطبعها تلعب عادي وتسولف وتغني وطبيعيه البنت بس مرات تكون عصبيه
وماتفتكر بصغير او كبير ..عادي عندها تهاوش اي واحد كبير عندنا اذا ماعجبها تصرفه ..واحنا عيزنا معاها عيب وعيب مافيه فايده ..وتعبت وانا اعلمها نادي الكبير عمي أو خالتي مافيه فايده ..كل ماتبي تقول شي اتطقطق كتفه look look ..
على فكره هي دارسه سنه ونص في روضه امريكا بحكم ان احنا مقيمين فأمريكا مؤقت وراجعين ان شاء الله قريب ..علشان جذيه احسها ماخذه من طبعهم وحركاتهم مع اني دايما معاها وأعلمها ..لكن مثل ما قلت في موضوع ثاني قديم ..شكلها تحس ان معلمينها فالروضه قدوتها بس مهما كان هذيله مجتمعهم وتربيتهم غير...


علموني اشلوووون اتعامل معاها ..؟؟؟؟؟؟
اتمنى أكون صديقة بنتي وأعرف شلون اتعامل معاها تفهمني وأفهمها

ههههههههههههههه
انا خالطه كل شي على بعضه لأني معصبه عليها من شوي
T
والله لحد الان ما جربت هالشئ
ولدي عمره 3 سنوات وشهرين
مينن فيني بس اراعيه لظروفه انه صغير وايد
ك
تسلمين يا اختي على مرورج ومشاركتج
وياليت اللي عندها خبره تعلمني
اكون شاااكره
d
الله يعينج يارب صج الاطفال هالسن صعب التعامل وياهم وانا ااعاني من هالشي
بس وحده قالت لي الله يجزيها خير .. الطفل يقلد هله هو عصبي لانه يشونا معصبين ولازم لوصاح اوعصب ماتعطينه اي اهتمام والله اليوم ولدي جرح جبهته فوق عينه بالمدرسه الصبح كان طالع من البي رافض يلبس ملابس الرياضه مايبي يلعب وهاوشته ويوم دخل الصف المدرسه تناديه وهو يبي طلع ويا الشغاله وضرب راسه بالدرج ووديناه وخيطوا راسه والحين يقول اللي يسوي غلط ومايسمع كلام امه يروح الامرجنسي:) الله يصلحهم يارب
ا
الله يهديها
X