مساعده في إزاله برنامج

أهلين وسهلين ..
شوفي يا الغالية ,,
روحي عند لوحة التحكم ------ اضافة وازالة البرامج--
يطلعلك جميع البرامج الموجودة في جهازك -- بعدين اختاري اسم البرنامج واضغطي على ازاله
وبعدين راح يزيله باذن الله ..

تقبلي تحياتـــــــــِ ...

ياهلا ومسهلا اختي ام حموود ..
زي ماقالت اختي اداوي جروحي بروحي ..
تروحي من ابدا ---------> لوحة التحكم -------> راح يطلع لك صفحة اختاري منها اضافه أو ازاله البرامج كما في الصوره التاليه ..

ومن ثم تفتح لك صفحة فيها كل برامج الجهاز عندك دوري البرنامج اللي حملت واضغطي على ازاله .. وينحذف كلياَ . كم في الصوره التاليه ..

وان شاء الله نكون افدناكِ ..

يسلمو الغلا ع الردود وماقصرتن

بس انا مسحت البرنامج من كل مكان في الجهاز ودورته في لوحه التحكم اكثر من مره ومالقيته

بس الايقونه اللي في شريط القوائم موجوده مكانها ومو راضيه تنحذف وهذ دليل على ان البرنامج

موجود في لجهاز بس من وين احذفه نهائيا وكيف مادري ...


واسمحولي :o

وعليكم السلام ورحمة الله


هل البرنامج كان يشتغل تلقائي مع الكمبيوتر؟؟؟

جربي هالبرنامج بينظف الجهاز من البرامج ومخلفاتها بعد حذفها

http://go.3roos.com/MpGK0OnfVZu

او من هنا اذا ما نزل

http://go.3roos.com/4jlIht7J4yp










عموما البرامج اللي بقائمة ابدا

تلقينها هنا

C/document and setting
الحين في مجلدات صفر ادخلي على اسم جهازج

دوري على start menu

programs واحذفي مجلد البرنامج اللي ما تبيه

تسلمين ياقلبي على البال والله يعطيج العافيه

تعبتج وياي

وانا سويت كل اللي قلتي وحذفته من الريجستري بس مالقيت اسم البرنامج موجود في الادوات


والحين ايقونه البرنامج بعدها موجوده في شريط القوائم ؟؟؟

مرحبااااااااا وعليكم السلام ورحمه الله وبركاته

ماقصرت اختي على البال

لكن افهم من كلامج انج حذفتيه بطريقة حذف الملفات اليدوية ؟؟
يعني مب من Add/Remove عشان جيه ما حذفتيه كامل

عموما جربي برنامج اختي على البال

واذا ما ضبط جربي برنامج Uninstall لحذف البرامج كلياً

هلا الغاليه وردة الثلج

ماقصرتي الغلا وانا حاولت احذفه من Add/Remove ومالقيت برنامج Anti-Porn موجود


وجربت برنامج اختي على البال وبعد مافي فايده


وحملت برنامج Uninstaller Pro ودورت على برنامج Anti-Porn ومالقيته بعد...


وايقونه البرنامج مثل ماهي مانحذفت ؟ ؟ ؟

عيل بعطيج هالبرنامج regfinder وعلى اليسار في خانه search for entries containing اكتبي اسم البرنامج ثم اضغطي على search

واحذفي الملفات المتعلقة بالبرنامج فقط
ديري بالج تحذفين شي آخر بالغلط

وعقب من Start----------------search
اكتبي اسم البرنامج واذا ظهرت لج اي ملفات متعلقة بالبرنامج احذفيه

وبهالطريقة ان شاء الله تكوني حذفتيه بالكامل

وخبرينا بالنتيجة

والله مادري شقولج اختي وردة الثلج انتي ماقصرتي والله يعطيج العافيه

وانا سويت كل اللي قلتي وحذفت الملفات المتعلقه بالبرنامج

وسويت search من Start وحذفت كل شي يخص البرنامج

بس مافي فايده الايقونه بعدها موجوده



وكل شوي يتصكر الجهاز وها اللي يطلع

صبــــــــاح الخير
وجمعة مباركة :)

الغالية جربي هالطريقة ،، هي طريقة منقولة من احدى المنتديات وان شاء الله تفيدج
بس اتبعيها خطوة بخطوة اوكي
اقرأي الكلام كامل لآخرة وافهميه عقب نفذيه اوكي
ملحوظة: التاسك منجر يظهر بالضغط على الازرار التالية في الكيبورد Ctrl+Alt+ Delete


-------------------------

كيفية حذف عناصر بدا التشغيل المحذوفة سابقاا من قائمة Taskbar

هذه طريقة سهلة وبسيطة لحذف عناصر بدا التشغل

الموجودة في التاسك بار حتى بعد حذفهاا تبقهاا ملفات البرامج هناك

والمقصود بالبرامج كما موضح هناا

كليك يمين على START ثم Properties



ثم taskbar ثم Customize



الناتج هذه البرامج



وستلاحظ وجود برامج قد قمت بحذفهاا من فترة طويلة

جداا ولا زالت باقية وعالقة هناا
----------------------------------------

طريقة الحذف

اذهب الى start/run



ثم اكتب regedit



ثم تابع هالمسار

HKEY_CURRENT_USER\Software\Microsoft\Win dows\Curre ntVersion\Explorer\TrayNotify


من جهة اليمين احذف هذه القيم

IconStreams

PastIconsStream




الان اذهب الى ادراة المهام Task Manager

ثم اختر Processes ثم ابحث عن Explorer.exe واختر End Process.



ملاحظة سيختفي سطح المكتب فقط قم بضغط الازرار التالية

ctrl+alt+delete ليظهر التاسك مانجر ثم اعمل التالي



ثم اكتب explorer



--------------------------------------------------
واذا ما ضبطت خبريني وبشوف لج حل غيره ان شاء الله

ام حمودي;5751150:
مافي فايده الايقونه بعدها موجوده


وكل شوي يتصكر الجهاز وها اللي يطلع

الحل بإذن الله تعالى

# من إبدأ -> تشغيل

اكتبي msconfig ثم Enter

من التبويب Startup أزيلي التأشير المقابل لـ EagleSvr.exe ثم اضغطي Ok



تطلع لك رساله اضغطي على Restart لإعادة التشغيل

بمجرد إعادة التشغيل تطلع لك رساله اضغطي Ok


# احذفي الملف NFCHS.exe الموجود على المسار التالي:

C:\WINDOWS



# من أدوات -> خيارات المجلد -> عرض

اختاري إظهار الملفات و المجلدات المخفيه و أزيلي التأشير المقابل لـ إخفاء ملفات نظام التشغيل المحميه



تطلع لك رسالة تحذير اضغطي Yes

# اذهبي للمسار C:\Program Files\tuEagles ( مجلد البرنامج )

اعيدي تسمية الملف EagleSvr.exe لأي اسم آخر على سبيل المثال 11 ( بتطلع لك رسالة تأكيد اضغطي Yes ) ثم أعيدي تشغيل الجهاز

اعيدي تسمية الملف EagleAI.dll لأي اسم آخر ثم أعيدي تشغيل الجهاز





الآن بامكانك حذف المجلد tuEagles بما يحتويه من ملفات و تنظيف الريجستري باستخدام برنامج CCleaner كما وضحت اختي على البال

و انتهت المشكله :)

(i) لا تنسي استرجاع خيارات المجلد الإفتراضيه ( أدوات -> خيارات المجلد -> استعادة الإفتراضيات )

وردة الثلج

ماقصرتي وياي ياقلبي وادري اني تعبتج وياي

والحمدلله انحلت المشكله بالطريقه اللي قالت عنها اختي أصيــsaــلة

والله يعطيج العافيه

واسمحيلي

أصيــsaــلة

مشكوره حبيبتي وماقصرتي فكيتيني من هالبرنامج البلوه


والله يعطيج العافيه