قصيدة رفيف الغيم للشاعرسليمان السناني

كثــــر ليلٍ لمسته بالضلــــوع ولا لحقـــت اقصاه

كثر دمــــعٍ ذخــرته للطـــريق الموحش الخالي

كثـــر ما نوّخــت ســـود الليالي في حشاي الآه

كثــــر هــمٍّ تهادتــه القـــلــوب وحـلّ في بالي

كثر رمل الطريق اللي نسى سمعه وجيب خطاه

كثـــر صــوتٍ شربته ما ازهرت به روضة وصالي

احبك . . يا اول دروب الهــوى وآخر غــرام اغشاه

احبك لو غـــدا ظنــّك رداي .. وخوفك اسمالي

احبك من عشــق قبلي شقاه برغبــتـه واغــلاه

وطــيفٍ لا لمــع ضــــوّه يدبّ النـــور فـ او صالي

وحــزنٍ ما لمحت اطهـــر ولا اشهى منـه إلا اياه

يجي كنّــه رفيــف الغيـــم لامس نشوة ظلالي

حبيبي من يقـــــول ادمى زلال الما جفن مجراه

وزعم ان الحرير اقسى من المخشوشن البالي

يقول اني قدرت انسى حبيبي واشــتري فرقــاه

لك الله ما نسيـت الا ســواد وجيــــــه عـذالي

بقى حبٍ تنامى فـ الخفــوق ولا قـــدرت اســلاه

بدونه كانت ضلوعي طـــــريقٍ موحـشٍ خالي !