مجهودي الشخصي وتعبانه عليه هذي سفرة اختي من تصميمي وبمساعدت خواتي والوالدة
الوالدة الله يخليها جابت السفرة من ايران في وحدة من سفراتها وخزنتها وجى وقتها كان ما عندنا
وقت كلش بس قلنا خلنا نسوي شي بسيط ومرتب الوالد سوى لينا قاعدة السفرة لانه نجار ابناً
عن جد وشرينا القماش قطعة خضراء حرير والثانية تور ذهبي وغطينا بها القاعدة شرينا المكسرات
وصبغناهم اخضر وكانت الوالدة جايبه مع السفرة بيض بلاستيك صبغناه بعد ومعاصر جلتر (أخضر و
ذهبي) وجلتر بودرة (أخضر وذهبي) وسوى لينا الوالد قاعدة من الخشب لأواني السفرة الذهبية
لصقت المكسرات في القاعدة ووضعتهم داخل الاواني وزينتها بالجلتر عشان الصمغ مايبين
ورتبناهم في السفرة وزينا السفرة بالفرش فلور اترككم مع الصور
وهذي صور لأجزاء من السفرة
سوينا توزيعات بس نسيت اصورهم كانت عبارة عن اكياس اورجانزا بيج وشكولاتة مربعة وخرز
حلاوة ذهبي وفضي صغار للزينة طبعت مثل الاسامي الي يسونها المحلات نفس الاستيكرس ولصقونهم
على الشوكلاته طبعتهم عل ورق عادي بيج مقوى وقطعناهم على قياس الشوكلاته ولصقناهم
وحطيناهم في الكيس مع شوية خرز وطلعوا روعة جنهم جاهزين