ممكن رايكم بنات لو كان عندج خيارين اول خيار....

وعليج السلام والرحمه

اكيد طالع اسمكم في الاسكان هههههههه

مبروكين وتتهنون فيه ان شا الله

بالنسبالي انا فكرت فيها

اتعرفين اذا طابقين اتحسين البيت ارتب ان فوق غرف نوم وصاله وتحت الميلس وغرفة طعام يعني في ترتيب البيت احلى مب شرط اتسوون فيلا عوده لا حتى لو الغرف صغبره .. يعني انا اعرف بيت صغير بس طابقين حلو ومترب ...

حتى لو سويتو طابق واحدبييكم البيت مساحته أكبر يعني في هالمساحه بتوزعون الغرف والميلس والصاله وغرفة طعام يعني كله على بعضه

وبعدين هالأيام البيوت اتكلف لا تقولين الطابقين اغلى كله نفس الشي ...........

السلام عليكم ورحمه الله وبركاته

مبروك اختي على البيت اولا

ثانيا يعتمد على عدد الغرف وتقسيم المنزل ... يعني لو الغرف ما تكشف على الصاله وبعيده عنها .. افضل طابق ..

بس الاحسن يكون في طابق فوق حق غرف النوم مثل ماقالت الاخت والارضي الجلسه وغيره ,, والله يهنيكم


تحياتي
ام جنى

مشكوره على رايج red earth وترى محلج من المحلات المفضله عندي....:bigsmile:

مبروك عالبيت أول ، انا برأيي طابق واحد احسن لانه بتحسّين انه بيت بسيط و Simple و أحلى

مشكورين خواتي لينا وNoor على رايكم ما قصرتو

انا من راي الطابقين احلى واشيك وارتب ومثل ما جالو البنات
وبالتوفيق وربي يرزجكم بيت في الجنة يارب

بالنسبه لي بختار طابقين
موفقه حبوبه

السلام عليكم


مبروك عالبيت وعقبالي يااااااااااااااااااااااااااارب..

حسب مساحة البيت لومساحته كبيرة الارضي احسن لانه بيت العمر والواحد لما يكبر ويكبروا الاولاد بيصير


ماعنده جهد يصعد وينزل من الدرج...لكن لوالمساحة صغيرة دورين احسن حتى تستغلي الدور العلوي..


عتبة فرح ان شاء الله..

انا بعدي ما حصلت بيت يالغاليات بس بغيت آخذ رايكم لأن في بعض المشاريع السكنيه في دبي ممكن الشخص يختار عدد الغرف دورين ولا دور وطبعا هذا مب منحه وان شا الله الله يرزقنا كلنا بيت الاحلام اللي نتمناه ويزاكم الله خير

صرآحه

كله حلو لو كان الديزآين منآسب

تقبلي تحيآتي

أختج

والله اختي نصيحه دور واحد احسن و علشان الترتيب وهالسوالف لا،، والله انا اشوف بيت دورين ماتشوفين عيالج والكل متنثر اللي فوق واللي طلع وماقال ولا تدرين عنه،، احسن دور وملوم شملكم فيه ان شاء الله احسن،، والله انا ودي بيت ليوان بس مايصير مافي هالتخطيط من الاسكان الحين،، وصدقيني اقولج هالكلام عن تجربه وانا لاحظت الناس يهتمون بالبيت وبمنظره اكثر من القرب النفسي بينهم..

الله يوفقج بالاختيارين:)..