لعبت بشعري لعب بس مع امانا كير رجع احسن بكثير<<< بساعدكم وساعدوني الله يخليكم

السلام عليكم ورحمة الله وبركاته

كيفكم يااحلى عرايس

انا سالفتي سالفه مع شعري

انا كان شعري مررره كثيف وناعم وطويل ويوصل لخصري <<< لاحظوا( كان)

وكنت دايم العب فيه من دون امي ماتدري لانها ماترضى لي احرك بشعري واعبث فيه

لدرجه اني دايم اذا جيت اتروش اتروش بحمامها الله يكرمكم لان فيه شغلات للشعر وخلطات واشياء زي كذا

وكنت اشوف فاشكول (حمام الزيت ) واحطه على شعري وكنت اقول واااااااااو شعري يجنن مع ان شعري مررره ناعم بس انا احب العب واحط شغلات <<< طماعه ابيه يصير انعم
من جد اذا حطيته يطييييييييييييح من النعومه وشعري ابد مايحتاجله عجبني الوضع اني اشوف شعري كذا

وقمت كل يووووووم احطه على شعري تخيلو كل يوم وفوق كذا كنت اول ماادخل احطه وما اغسله اقعد اتفرك واحط شغلات بجسمي واذا جيت اطلع اغسله يعني كل يوم منقع بشعري حوالي ساعه ولا بعد افرق بين الشعر واقعد امسح على فروة راسي تقولون زيت

وطبعا هذا حالي كل يوم بدون امي ماتدري كانت تسأل تقول الفاشكول مين يخلصه مااصدق بسرعه يخلص وانا اقول ابد مااحطه بشعري يمكن خواتي الباقيين
الين ماحت ونزل ثلاث ارباع شعري تخيلو مابقى الا ربع من شعري
وعرفت امي بعد لاحظت شعري بعدها ااعترفت لها
ومااكذب عليكم اكلت تهزئ مو صاحي
تخيلو كنت اشوف شعري واصيح مااحب افتحه وامي نفسيتها تأثرت عشاني خاصه اني توي صغيره ودمرت شعري الحين عمري 18 سنه
وصرت مااحب افتحه ودايم مرفوع وانحرج لحد قالي افتحي شعرك اشوفه :o
المهم انا لاني مالي خبره بالقصات والشعر قلت لأختي وش رايك اقصه عشان يكثر قالت لي حلو مع اني متمسكه بالشعر الطويل لحد النخاع وكل العيله ماتحب الشعر القصير
المهم قلت بقصه درجات ويبقى طويل ومن فوق الدرجات بيكون كثيف
رحت سلمت شعري للكوافيره وتحش لي اياه هو صحيح من فوق مره كثر وعرض وجهي وصارت تهبل علي بس انفجعت يوم شفته من تحت ( الطويل ) :rolleyes:شفتو الربع تخيلوا حشت ثلاثة ارباعه بعد ومابقى بشعري غير ربع الربع
والله لو تشوفونه تضحكون عليه وانا مستحيييييييييل اقصه مااحب الشعر القصير مع ان الاهل كلهم حاولو يقنعوني اقصه على قولتهم طويل بدون فايده ماعدا امي مسكينه شرت لي علاج من امانا كير وبجد انصحكم فيه يابنات بجد قمت اشوف شعر صغير بدا يطلع من فوق انا طرت من الفرحه قلت في امل يطلع لي شعر لاني جربت زيوت بس مانفع معاي الا امانا كير
طيب وانا الحين شعري من فوق كثير بس من تحت

( اللي تبي اوصف لها واتكلم لها عن العلاج تقولي )

امي تقولي انتظري يطول الشعر اللي نبت والقصه تطول ويرجع شعرك

بس مشكلتي الحين اذا فيه مناسبه عندنا مااعرف ايش اسوي فيه افتحه ولا اي تسريحه تلائمني لان اللي تحت عقدني لدرجة البكي

ويوم اقتنعت اقصه امي عيت اني اقص قصير :(

وانا الحين منقهره لان عندنا حفلة خطوبه بسيطه يوم الخميس وماني عارفه ايش اسوي بشعري

خاطري بتسريحه نعومه تبين شعري كثيف او ارفعه ولا ايش رايكم

والله نفسيتي تعبانه من شعري

ساعدوني يابنات ياهل الخبرات الله يوفقكم ويسهل عليكم
وراح ادعيلكم دايم :confused: