الوظيفة ولا تربية ولدي ..؟؟

السلام عليكم ورحمه الله وبركاته ..

اختي كل قرار يتحتم عليه ... خسائر .. انا ما انكر وبقولج شي .. لو مب ظروفي الماديه الحاليه .. كنت ما اشتغلت وتفرغت لبيتي ... لكن اختي باين والحمدالله زوجك متفهم .. ومب مقصر .. ليش تخسرين فتره امومتك الي انا خسرتها ,, وصارت حتى الخدامه تعرف عن بنتي اكثر مني , وصارت تنادي امي بماما .... وانتهت علاقتي ببنتي إلى نواح وصياح وعناد وصراخ ,,, وهي الحين سنه ونص .. وصارت تلعب مع غيري وتضحك مع غيري وتطلع مع غيري ...

وقلبي يتحرق , ووظيفتي من ثمان لين اربع ونص ,, يعني وقتي معاها ساعتين بس .. وانا احترق .. بس عشان خاطر ظروفنا الماليه ,, ,الي مهون الموضوع ان امي الي ماسكتها بمساعده من الخدامه ... والحمدالله والله يصبرني ويفرج همي ,,, وافتك من الشغل وهمه..

تحياتي ام جنى

السلام عليكم
اختي لو كنتي محتاجه جان باقولج الشغل لكن مدام زوجج ما يقصر الله يخليه لكم ليش الشغل و الدوام وااااايد طويل الياهل بيتلته مسكين خله يكبر شوي و ممكن اذا انتي تبين تشتغلين دوري شغل دوامه اقر يعني لي الظهر مب لي العصر

مشكوره فديتج ..

وما قصرتي والله والله يساعدج وترجع بنتج حقج لان الظنا ماله غير صدر أمه ..

والله نصيحتج على عيني وصدق تربية الظنا تسوى الدنيا كلها ..

مشكور أختي ..

الحمدالله ريلي متفهم ومش مقصر معانا أبدا الله يحفظه يااااااااارب ..

بس يلسة البيت ممله .. بتريل لين ما يكبر ولدي وبحاول أشتغل فالحضانه ألي بيدرس فيها لان تخصصي رياض أطفال ..

السلام عليكم

انا رايي في هذه الفترة من عمر الطفل اي حتى عمر 7سنوات الام تكون مع طفلها حتى لوكانت محتاجة

لان كل شي يتعوض الا الانسان ..يعني اذا ماكانت الام مع طفلها في وقت حاجته لها اكيد لما يكبر مايكون


انسان سوي مية بالمية..وهذا رايي..


مع تحياتي.

انا رايي من راي البنات انج تكونين مع ولدج ع الاقل لما يدخل الروضه ذاك الوقت اشتغلي..

دام زوجك ماشاءالله ماهو مقصر ليش تشتغلين...

هو صح الحين اتقولين ملل بس مع الشغل بالتملين اكثر
لان كل يوووم لاازم اتروحين حتى لو انتي مثلاً يوم مالك نفس ولا شي
وبعديـــن الدوااام طووويل... فوايد بتحنين لودج وبيتك......

أختي بصراحه أنا أشوف ولدج أهم بوايد من الوظيفه،،، شو تبين ابها دام ريلج مب مقصر عليج،، و فوق كل هذا يقولج شو تبين بالوظيفه،،

صح بالوظيفه بيكون لج راتبج الخاص و تساعدين فيه ريلج،، بس دام ما عليج قصور ايلسي مرتاحه،، أبرك لج من لوية الشغل،،

و تبين الصدق أوقات أحس راتب الزوجه يبعدها أشوي عن ريلها،،

حبيبتي أنا أشوف أخيرلج تربين ولدج و ربي يوفقج و يحفظه لج غناتي،،

لاتشتغلين

الفلوس مب معوضه ولدك عن أمه

المره ملكه في بيتها وخدامه في شغلها

هذا الواقع ولو حتى الناس بيتفلسفون وبيقولون كلام غير جذي

اختي حنان الام ما يتعوض، ان كان في هالعمر والا عشر سنين صعب انج تبعدين عنه، بتقولين القعدة في البيت مملة، بس انتي بتصحين الصبح بتجهزينه حق المدرسة بيرجع بيلاقيج تنتظرينه تجهزين له الغدا، العصر بتقعدين معاه تراجعين له دروسه، هذا غير غسيل الملابس والصحون وتنظيف البيت، والله الشغل في بيتج ابرك ووناسة اكثر، لانج قاعدة تسوين شي كبير لعيلتج هي محتاجته اكثر من حاجتج للشغل، وبعد المغرب تلعبين ويا عيالج وتقعدين معاهم...
بس تخيلي نفسج تشتغلين، بتصحين الصبح واحتمالتطلعين قبل عيالج للشغل، ترجعين العصر تعبانة تبين تنامين، وما بتصحين الا المغرب، تبين تشربين شاي لان راسج بيكون مصدع، لين ريحتي تبين تشتغلين في البيت وتسوين العشا، هل عيالج قدروا ياخذون حقهم؟؟؟ هل زوجج اخذ حقه؟؟؟ حتى لو كنتي محتاجة للفلوس والله هالفلوس ما تسوى انج تضيعين عيلتج عشانها...
انا حبيبتي اقول هالكلام لان امي كانت تشتغل ولا يمكن اني اغلط نفس غلطتها مع بنتي، لاني ما عرفت امي عدل الا بعد ما تقاعدت، علشان جذي عزمت اني ما اشتغل وبنتي اولى بوقتي وحناني

وطبعا هذا كان رايي الشخصي

على فكره انا بين ناريين مثللج وعندي حفل التخررج بعد شهر او اقل ولييييييين الييوم ماججهزت شي لانه ريلي يقولي ماشي شغل فاقولل ليش بعد اسير اخذ الشهاده وولدج وبيتج اولى مع انى ماعندي بيت برووحي وهذا اللى بااط جبدي بس ريلي يقوولي ولدج يحتااجج انتى ماايحتتااج امى اللى هى عمتى فراااااااااااااافض الشغل ابد ابد وعناد فيه قلتله بتفصل فستاان لحفل التخرجج وغاللى عسب استانس بالشهاده دام انى مابشتغل حرام عليه درست 5 سننيين هندسه واخر شي ايلس بالبيت يعني شوفي انتى درستي ريااض اطفال بس انا حرام دارساه هندسه واقدر اييب ضعف راتببه بس حسااففه قال ماشي شغل يعني ماشي ربيعاتي يوسووسسون فيني ويقولون لاتسمعى كلالامه وياما هالشي سسبب مشاكل لي لكن لاززم خلاص ارضى بالواقع بس اذا ريلج مقصر مععااج من حقج تشتغلى انا ريلي الحين يسووي بيزنز عسب مايقصر علي لانه مدييون اتخيلي كل ها عشان انا مااشتغل دام انه ريلج قالج ماشي شغل خلالاص رااوييه انه انتى مااشتغلتى عشان بيتج وعشانه عسب يحببج اكثر واكبر دليل انه يحببج انه الريال يبى يسفرج ومخيررج بين بلدان تختارريها وهذانادر انه ريال يسوويها هالزمن انا اختى كملت سنتيين مثلج والله انه ريلها حتى مايابلها هديه وانا اشتريتلها هديه عشان ماتزعل ريلج فرصه وكنز لاتخسريه عسب بيزات ولاياثروون علييج البنات ادري انه احنا عايششين بززمن صعب وانشوف كل البنات يشتغلن فاتحسين انه انتى غير عيل انا شواقول لما كلل خوات ريلي يشتغلن وباختلالاط وانا يالسه بالبيت وشهادتي احسن منهم بملييوووووووون مره بس يلا لالازم مانخسر ريايللنا عسب فلووس لانه الفلوس مب كل شي سافري واستانسي وانسي الدوام ولي كبر ولدج اشتغلى

اذا كانت ظروفج الماديه زينه اختي بنت ليوا فاحسن لج اتمين عند ولدج ترى ما في حد في هاي الدنيا احن ولا احسن من الام في تربية عيالها والله يوفقج يالغاليه


" alt="" loading="lazy">

كلكم راعي وكلكم مسؤو ل عن رعيته ولدك هو الي راح تنسألين عنه يوم الدين الزمي بيتك وربي ولدك وحمدي ربك على العافية

أختي كل أم تحسبها حسب الوضع اللي تعيشه...

يعني في أم تكون أسرتها محتاجة دعم مادي...

في أم تقول لك لا شخصيتي و كياني و المجتمع و هالكلام

في أم تقول لك أروح أسلي وقت الصبح و أشوف ناس مثلي أتكلم معاهم

في أم تقول لك محتاجة راتب يغنيني عن زوجي و أستقل ماديا عنه و من هذا الكلام...

و في أم تقول عيالي بالدنيا و محتاجين لي...و كل أم أدرى بحاجة عيالها لها...


لكن برأيي...طفلك سنه مناسب...و محتاج شويه ينفصل عنك علشان ما تتعبي بعدين لما يكبر...

نصيحتي...دخليه حضانة...و يا ريت لو عرفتي تشتغلي في هالحضانة...و خليه يشوف أطفال مثله و يلعب معاهم و يتأقلم على وجود الناس...هذا أحسن لشخصيته و مستقبله...

و لا تنسي الإستخارة...و الله يوفقك يا رب...

والله الشغل راح تتقيدين فيه فاحسن شي قعدي مع ولد والله احسن لج اسال مجرب انا اشتاق لبنتي وايد واذا مريضه وانتي ماعندج اجازه والا ماتقدرين تطلعين شوفي الوهقه والضيقه،، ودام باباكم مو مقصر خلاص قعدي بالبيت احسن لك وعقبالنا ان شاء الله:)..

مشكورااااااااااااااااااااات خواتي عالردود الطيبه والحلوه ..

وباخذ برايكن ولدي اهم عن الشغل وبيتي وريلي حبيبي هو أهم شي عندي ..

ولدج محتاج لج مب انتي محتاجه للفلوس .. دام ريلج مب مقصر معاج فشو لج هالشغله ..

يعني لو تيسلين في البيت واتشوفين احتياجات البيت احسن من الدوام وصدعت الراس .. واذا عن الملل ،، يلسي اقري قصص حق ولدج او العبي معاه .. او اطلعوا مع بعض عند اهلج او اهل ريلج ..

والله بتتلعوزين ويا دوامج .. خصوصاً ان دواماتنا في من 8 لين 4 العصر .. احسهاا واااايد ..

مشكوره الغاليه عالرد ..

خلاص أنا صليت الإستخاره وحسيت في لا أريحلي من كلمة نعم وصدق مشكورات أقولها من قلبي لاني كنت محتاجه حق خوات مثلكن ينصحني ..

دام ريلج مب مقصر عليج في شي ليش تشغلين بالج في الوظيفه


حبيبتي لا تشتغلين ولا شي انتبهي لولدج وبعدين ليش تجمعين فلوس زوجك يعني تبينه يتزوج مثلا لا سمح الله عليج حبيبتي طالما ما في حاجه تخليج تشتغلين ليش عوار الراس والله الدوام مشاكل وبلاوي سوده خليها بس على الله ولعانه ونذاله وكل شي تتوقعينه !!!


انتبهي لزوجك وولدك احسن وخلي الشغل بعيد عن بالج طالما زوجك موفر كل شي لج !!!



تحياتي اختج : دلوعة