مشكلتي مشكلة مع المغص و الاسهال يا ريت تفيدوني

بنات انا بكتبلكم معاناتي من يومين واللي عندها شي تفيدني فيه يا ريت ما تبخل علي ..أولا انا حامل بالشهر الأول ومن يومين بدأ عندي ألم خفيف أعلى المعدة (راس المعدة) بعدين بدا يقوى الألم وتحول الى نوبات يقوى كثير ويرجع يخف بس الم مش طبيعي .. اخر شي ما تحملت الالم واخذني زوجي عالمستشفى الدكتور كتبلي (مالوكس + أدول ) لاني ببداية الحمل وما حب يعطيني مسكنات ..لكن استمر الألم لثاني يوم وبعدين بلش عندي اسهال شديد ومغص عير محتمل .. تعبت كثير من الاسهال والمغص حتى المي ما كنت اعرف اشربها.. نفس الشي اخذني زوجي ثاني يوم للمستشفى واعطوني ابرة مسكن ومغذي لمدة ساعة وطلعوني .. المشكلة يا بنات الدكاترة كثير حريصين بالتعامل معي لاني ببداية حملي ومش عارفة شو العلاج الطبيعي اللي ممكن يريحني بدون خوف من الأثار.. اللي بقلي كلي بطاطا او اشربي حلبة... الخ ... يا ريت اللي عندها خبرة تفيدني شو اعمل لاني لحدا الان حاسة نفسي مش طبيعية وانا صارلي يومين ما نمت... كيف ممكن اتعامل مع هالحالة ؟؟؟


شكرا اخواتي ودمتن بود