هذا أول موضوع لي في المنتدى هني وانا احب سوالف العروس والحفلات لدرجه اني في العايله يعتبروني المستشارة القانونية لهذي الاشياء وعندي كولكشن كبير من صور المسكات ميمعتهم من كل مكان وما نحطو في القسم هني من قبل ويلاا بسم الله نبتدي
طعبا هالبوكيه نعووم بشكل مو طبيعي ولاحضتوا الالوان اللي فيه غريبه يعني لين الحين ما رحت عرس وشفت وحده مسكتها هاللون
الباقه صايره حلوه والاحلى نهايه المسكه شفتو شلون مسوينها يعني شي بسيط ويمكن ان تستغنوا عن الورده الملفوفه بس تعملوو الحركه اللي في النهايه طبعا حاسبوو ... هالنوعيه من الباقاات لا اللي تكون بهذا الشكل حاسبو ان المسكه ما تكون عريضه اذاا كانت عريضه بتصير بتواجهه العروس صعوبه في حملها لانها تكون اعرض من قبضه اليد (( وحده من العايله اخذت هذا الديزان وراحت شوتها طلع البوكيه روووووووووووووووووعه اختارت الوان غير بس كشل طلع حلو بس ما نهبت على الفلبيني اللي هناك على سالفه المسكه فصارت المسكه عريضه وما عرفت تمسكها عدل )))
هذي الباقه حلوه مووت يعني يا بنات حالو تغيروون من انواع الورد اذاا كنتي تحبين ا لشي الغريب اطلعي عن المالوف لا تحطي في الباقه روز لان ثلاث ارباع عرايس الخليج مسكاتهم الورد الاساسي فيها روز :) مجرد وجهه نظر
هذا البوكيه يجنن و والميكب يطلع جنان بشكل مو طبيعي لا حضو شلوون حاطين الخرز على اطراف المسكه ممكن تستبدليها بسلسه فضيه تجي بالطوول ممكن بشي ثاني مثلاا ( وحده من البنات خبرتني انها محتارة ما تبي تحط خرز ولا تبي سلسله فقترحت عليها شي مجنون تعرفو الازرة الكبار حطت على طول المسكه ازرة كبار فلاش تركواز و برتقالي طلعت مسكتها رووعه
نوعيه هذا الورد ناعم مررره وما يحتاج اي شي معاه يعني لو تحطين لج سبع وردات منها وتربطيها لو بشريطه من عندج بتطلع رووعه
الحين الدارج في المسكات الشي الناعم والكلاااس يعني الورد هو المهم ما عليج من شي ثاي
اهم شي تكون الورده فريش فاهمين علي يعني موو ذبلانه وفي بعض الورد يكونون احلا وهم مو مفتحين
لاحضو نهايه البوكيه لازم تكون اطراف البوكيه مستاويه هذا شي تغفل عنه معظم المحلات يعني يا عروس مطلوب منج تلاحضين للتفاصيل في البوكيه
أبسط انواع المسكات هذي وارقاها
وهذا بوكيه ثاني وما يتحتاج شرح لانه متداول بس الورد يلعب دور
شوفوو هذي صوره ثانيه للبوكيه شفتو شنو مسوين حوالي البوكيه شي بسيط خلا البوكيه يطلع روعه
البساطه قمه الجمال بس من وجهه نضري حلوه بس السيقان صايريين مو حلوين موو ستريت
اذا بغيتي بوكيه يكون بهذا الشكل السيقان طالعه لاحضي لها لازم تكون انيقه وستريت يعني مو تطالعين الورده من فوق وتكتفين طالعيها من كل الجوانب
يتبــــــــــــــــــــــــــــــــــــع<<<<<<<<<<<< انشاء الله
للامانه :لا احلل نقل الموضوع من دون ذكر اسمي و ذكر اسم الموقع
