لكل أم ربت (ولد) تتفضل ،، واللي عتدها (بنت) وما جربت الولد تتفضل تاخذ خبرة

ش

شهيرو

عروس نشيطة

13-04-2008 | 12:28 PM

السلام عليكم ورحمة الله وبركاته ....

شلونكم بنات ؟؟ ان شا الله بخير حال ..

حبيت أسألكم عن الطريقة اللي تتبعونها وقت (طهار ، ختان) الولد ..

كيف تتعاملون مع الجرح ؟
شتحطون عليه ؟
وطريقة النوم والمهاد (اللفة) ؟

انا بالنسبة لي :
أكون مجهزة (شاش طبي) ولما أفتح الحفاظ
أنقع الولد من تحت بوعاء كبير معقم فيه ماي وملح..
دقيقتين بس ،، وأشيله ..

وبعدها على طول أكون مجهزه منقوع الميرامية بمقدار كأس ،،
ويكون دافئ ، أصبه على موضع الطهار .. وجذي أكون خلصت من حوسة الحمام..

أطلع وأكون لافته زين بالفوطة وأجي أفتح الحفاظ الجديد وأغمس الشاشة الجديدة
بزيت زيتون وأضعها بالضبط على(......) بحيث يغطيها .. ثم أسكر الحفاظ كالمعتاد ..

وبجذي تكون العملية انتهت ..

الماي والملح اواظب على استخدامه 4 أو 5 أيام .. وكذلك الميرامية ..

أما الزيت غالبا عشرة أيام أو تزيد شوي ..

هذي انا .. وأنتوا شتسوون ......؟!

أبي تفاعل عشان الكل يستفيـــــــــــد ..
ودمتم سالمين ..

ش

شهيرو

عروس نشيطة

13-04-2008 | 02:03 PM

حـــــــــــــــــرام عليكم !!

13 يطلون عالموضوع ولا في تفاعل ..

ليش ..؟؟

ما عليــــــه .. أدري فيكم طيبين ، ما تكسرون في الوحدة !

انتظركم ..

ع

عروس جنان

مشرفة سابقة

13-04-2008 | 03:11 PM

يا هلا أختي شهيرو حللللوة خطواتك لولدك
أنا اشتريت بودرة من الصيدلية والحمد لله ما طول جرح ولدي

C

Candle

عروس متألقة

13-04-2008 | 04:00 PM

والله ودي اشارك بس ماعندي عيال للحين...
الله يرزقني ان شاءالله...

موضوع مفيد.. جزاج الله كل خير عليه
والله يحفظ ولدك ان شاءالله

ا

العصفورة الهادئة

عروس مشرقة

13-04-2008 | 04:05 PM

انا عن نفس يوم اطهر ولدي اخاف كنت اداوي الجرح فامي الي كانت تحط عليه زيت زيتون وما ادري بعد شنو ،لان اخاف اطالعة وما ادري امي شنو كانت تحط ليه

!

! أنــثــى !

عروس ماسية

13-04-2008 | 04:53 PM

موضوعك مهم خيتو .. !

انا نصحني الدكتور بالسافلون .. و كنت اغمر القطن فيه و اخلي لولدي بعد تغيير كل حفاض و الحمدلله يومين و تخلصنا من الالم !

ح

حبي الغالي

عروس ماسية

13-04-2008 | 06:03 PM

هلا أختي

موضوعج حلوو

انا كنت أحط مرهم وزيت الزيتون عليها وفي اليوم الخامس طاحت الربله وعقب في كل تغير حفاظه كنت أحط عليه مرهم الا عطاني أياه الدكتور

أ

أم زهاري

عروس مبدعة

13-04-2008 | 06:09 PM

هلا خيو اتمنى الاخوات يفيدوكي لاني ماعندي خبره

م

ماما حسون

عروس برونزية

13-04-2008 | 06:10 PM

انا عندي اولاد اثنين وفي المرتين كانت امي الله يخليها هي اللي تتكفل بهم وقت الختان ههههههههههههههه
بولدي الكبير ما اتذكر الصراحه شكانت تسوي بس بولدي الثاني كانت على ما اتذكر تحط دهن الزيت على ال .... علشان الحلقة تطيح بسرعه ، وفي المرتين الحلقة كانت تطيح خلال 5 - 6 ايام من الختان :)

م

مناهل78

مشرفة سابقة

13-04-2008 | 09:01 PM

عندي ولد واحد، وطهرته من بعد الولادة مباشرة،، بس تصدقون ولا مرة غسلته والحلقة فيه، أمي الله يخليها كانت تنظفه وتغسله،، بس عقب ماطاحت الحلقة تكفلت فيه..

وماكنا نحط شي لأن المستشفى قالوا لنا لا الحلقة راح تطيح بروحها ويكون مايسبب له إلتهاب...

والله أول مرة أسمع عن الميرامية، ،إذا الله كتب لي طفل ثاني وطلع ولد باجرب....

ش

شهيرو

عروس نشيطة

13-04-2008 | 09:40 PM

أشكركم خواتي عالمرور ، والتفاعل ..

أثلجتوا صدري ..

طبعا الخطوات اللي ذكرتها في طريقتي ..

أمي الله يحفظها تسويها ، وانا أقعد أساعدها وأشوف عشان أتعلم ..

والحمدلله في عيالي الأثنين تكررت نفس الخطوات ..

لذلك حفظت الطريقة ..

الله يحفظ لكم عيالكم ،،ويرزقكم برهم.. اميـــــــــــن

ف

فراشتكم

عروس نشيطة

13-04-2008 | 10:40 PM

انا بولدي ختنوه ثاني يوم من جبته ويوم طلعت قالت لي الدكتوره لا تحطين له شي وكان ملفوف بشاش بس قطري عليه ماي وملح وتقريبا اسبوع وطاح الشاش بنفسه وتميت اطهره بماي بملح تقريبا يومين وخلاص عادي يعني

ا

ام حمود وبرور

عروس جديدة

13-04-2008 | 11:30 PM

انا ولدي طهرته بعد اسبوع بالضبط من ولادته
والدكتور قالي احط عليه بعد كل تغيير حفاظ دهن الزيت.. او كريم اخده من الصيدلية..
والحمد لله بعد خمسة ايااام طاحت ... :)

ر

ربيعيه

عروس ماسية

14-04-2008 | 03:36 AM

اني ولدي عمره 12 سنه يعني كانت جراحه مو ربله لكن الدكتور لفها ويوم ثاني فليناه في الماي وكنا نحط عليها مكر مكرو الي لونه احمر ويوم رابع حطينا عليه مرهم ولما تشافى كانت

امي تستخدم له فودر دكتارين وكل المهام كانت على امي استحمام تغير حفاظ رضاعه سهر ما كنت اسوي له اي شيء

لانه رفض الرضاعه الطبيعيه وكان عمري 18 سنه مو حاسه بمسؤليه

أ

ألم غربه

عروس متألقة

14-04-2008 | 08:03 AM

هلا حبيبتي
أنا كنت أحط فازلين بناء على نصيحة الدكتور

ر

ريحانتي

عروس ماسية

14-04-2008 | 08:16 AM

انا خفت الصراحة مرررررررة مع انه ما عندي ولد
بس الله يرزقني بخلي امي تتكفل به انا خوااااااااااااافه..
اخذت فكرة بس مستحيل احاول ما اعرف ارتجججججججججف حاسه حالي!!

*

**ام يارا**

عروس فضية

14-04-2008 | 09:18 AM

انا في ولدي الكبير مااحطيت عليها شي لانها كانت عبااره عن حلقه بلاستيك ,,والدكتور قال لاتحطوون عليها شي هي بطيح من نفسها ,,وبالفعل 5 اياام وطاااحت ,,,

اما الثااني كان على موضع الختان شاش وجدا كاان متعب لان كاان يتوسخ الشاش ومااقدر اشيله ,,
الدكتور قال بكره غرقيه بزيت الزيتون معا كل تغير حفااظ واليووم الثالث جلسيه في مويه داافيه وهي راح تطيح من نفسها ,,,ولمن جلسته على الموويه الداافيه فكيت اللفه شوويه وكاان متدلي وسط الموويه وماانزل الى لمن ولدي شد الشاش برجله ووجعه وصااح من الالم وبعدين سرت احط عليه زيت زيتوون وماشاء الل مرره كوويس ,,,

موضووعك جداا رائع

بسلموو

ا

ام عمـار

مشرفة سابقة

14-04-2008 | 12:11 PM

انا عندي عمور و طهرته من كان عمره اسبوعين

ما اتعذبت معاه وايد لان امي ساعدتني

كان اهم شي انه نغسل جسمه من تحت كل يوم بماي دافي و صابون بدون ريحة عشان ما تتجمع وساخة و بكتريا

و ثاني يوم شلنا الشاش من على العضو

و لبسته ثوب يومين و كان حظي حلو لانه نولد بالصيف

شكرا لك على الطرح الحلو

*

**ام عبادي القمر**

عروس ماسية

14-04-2008 | 02:39 PM

زيت زيتون واجد زين
مع كل تبديل حفظا كنت اخليى الى عبادي والحمد الله رب العالمني
ماشاء الله يوم ثاني راح الالم لكن ماطاحت الربلة الا يوم 7 كانة على مااعتقد

C

Cute Mother

عروس فضية

14-04-2008 | 02:53 PM

هلا اختي

ولدي كنت احط له على ..... زيت زيتون بعد كل تبديل
والحمدلله الحلقة في بعد 3 ايام طاحت