((..أحلى نصـيحة زوجية..)) دعووة للمشاركة

هلا عزيزتي ومشكوره على طرح الموضوع ان شاء الله نفيد ونستفيد ...
أنا حبيت أقول ان الرجال مثل الطفل دلعيه وحققيله رغباته وما بيصير الا اللي انتي تبينه ...
وصرااااحه عن تجربه يا بنات اللي لين الحين ما تزوجت ... أنا عندي لكم نصييييييحه لوجه الله .... اهتمي في نفسج ودلعي نفسج ....يعني قبل لا تتزوجين وبعد ما تتزوجين ... نحن غلطنا انا تخلينا عن كل الاشياء اللي نحبها من تزوجنا و صبينا اهتمامنا كله على الزوج ...وعلى فكره هاي الطريقه ما تقرب زوجج منج بالعكس تنفره ...الزوج يشوف انج ما تهتمين في نفسج مثل ما تهتمين فيه .... يعني بمعنى ثاني لازم تكون لج حياتج الخاصه ...يعني تعودين زوجج ان لج أصدقاء ....ان لج مشاويرج الخاصه..بس طبعا ما تكونين متمرده وتهتمين في نفسج وتلبسين الزوج لا ... ومثل ما تسوين لزوجج مثلا ليالي رومانسيه وشموع ومساج وما عرف شو ...سوي لنفسج ..طبعا ما بتسوين لنفسج ليله رومانسيه ..لا ...بس مثلا وانتي يالسه بروحج فالبيت اترسي البانيو وحطي فيه رغوه وورود ...وانعمي بحمام دافي واسترخي ....أو مثلا انتي يالسه في غرفتج تشوفين التلفيزيون أو تقرين كتاب ....أو يالسه عالنت ....حطي ريولج في ماي دافي و يلسي على ضوء الشموع .. صدقيني اذا دخل ريلج وانتي مسويه لنفسج جو هذا الشي بيعجبه لانج تهتمين في نفسج وهو اللي بيتم وياج عشان يعيش هالجو معاج وانتي أصلا في الاساس مسويه هالجو لنفسج ....
طولت عليكم لكن والله لاني مابغي أي وحده اطيح في نفس مشكلتي ....

و أكيد تعرفون المقوله اللي تقول : حب نفسك عشان الناس يحبونك .....
واسمحولي عالاطاله ..

لسلام عليكم ورحمة الله وبركاته
تسلمين عزيزتي على الموضوع الحلو
والله البنات ماقصرو في النصائح
من واقع تجربه بسيطه نصيحتي هي
زوجك يختلف عن بقية الأزواج
هذي هي المشكلة التي تعرضت لها بداية حياتي الزوجيه فأنا لم أرى سوى أمي و أبي
فتعاملت مع زوجي كما يحب أبي أن تعامله أمي ونسيت أن زوجي له كيانه الخاص
فأصبحت هذه هي النصيحة الوحيده التي انصح بها
آسفه على الإطاله
تقبلي مروري