سينابون مطبخنا و لا أسهل }~ مصور

السلام عليكم و رحمة الله و بركاته

أسعد الله أوقاتكم بكل خير

عاد اليوم جايبه طريقة سينابون إنما أيه

بصراااحه كم مرررره أجرب طرق لعجينة السينابون أبيها تصير مثل محل سينابون
لكن مافيه أمل إلا هالمره من جد نفس طعم السينابون و كأنه من برا
حتى صورته لكم بعد ما خلص :D


أنتوا جربوا ثم احكموا (y)

*
*

المقادير :

كاسين ونصف دقيق أبيض
كاس ماء
فنجان زيت
فنجان حليب بودره
فنجان سكر مطحون
ملعقتين صغار خميره

الطريقة :
- نخلط بالخلاط الكهربائي ( السكر + الحليب البودره + ماء + زيت + ملعقة صغيره خميره ) ..

- نحط بزبديه كاسين دقيق + ملعقه صغيره خميره ..
ثم نصب عليها الخليط السابق ونقوم بعجنها حتى تتماسك العجينه .

نترك العجينه ساعه كامله حتى تتخمّر ..


مقادير الحشوة :

زبدة - سكر مطحون - قرفه مطحونه

----------

بعد ماتتخمّر العجينة نقسمها نصفين ..
و نفرد القسم الاول على شكل مستطيل وندهنه بالزبده ( بعد ماسيحناها على النار )

- نرش فوقها الحشوه اللي عملناها ( القرفه + السكر المطحون )
( تقدرون تضيفون عين الجمل المجروش أو أي نوع من المكسرات ع حسب الرغبة )

- بعد ماحطينا الحشوة نلف العجينة بشكل اسطواني ونقطعها لقطع بحجم 7 سم تقريباً .
- ونعمل القسم الثاني من العجينة بنفس الطريقه السابقه .. بعدين نصفها بصينية ذات قاع متحرك ..

و بعد مانصف السينابون ، نتركه على جنب لمدة ربع ساعه حتى يتضاعف حجمه ( قبل ما يدخل الفرن ) ..
لما يتضاعف حجم السينابون ..ندخله الفرن حتى يُخبز لمدة عشر دقائق مع تحمير الوجه من أعلى ..


[[التــزيين]]

( نصف علبة حليب نستله ( حجم كبير ) + قشطه + خمس حبّات جبن مثلث
( تقدرين تستخدمين اي نوع جبن تحبين )

نصب الخليط على السينابون بعدين نصب الهيرشي فوقه بشكل عشوائي ،
ثم نرش فوق السينابون مكسرات عين الجمل أو أي نوع حسب الرغبة ..

*
*

و هذا الشكل النهائي :)





[[ للأمــــــــــــــــــــــــــــــــانه ]]
الطريقه منقوله وصلتني من وحده على الايميل
لكن الصور من تصويري بعد التطبيق

*
*

صحتين و عافيه ,,