مشكلة ابني..............

السلام عليكم ورحمة الله وبركاته .......كيف الحال خواتي عساكم بخير
انا اليوم جايبه مشكله واتمنى اللي عندها خبره او حل لها ما تقصر لاني ما ابغاها تتطور
المشكله .ان ابني اللحين عمره 8 سنوات احيانا اجي عليه القاه حاط على قناه في التلفزيون فيها يا حرمه مو لابسه زين يا منظر من المناظر اللي تعرضها الافلام اياها ( مع اني حريصه على اني حاذفه كل القنوات مالت الاغاني الخليعه والقنوات الوسخه لكن في بعض القنوات تعرض لقطات )وانا حابه اعرف هل هو في السن هذا يفهم ولا افهمه ولا اسيبه لحد ما يفهم هو .............محتاره مع اني كلمته انه هذا حرام بس هو يدور في راسه ليش حرام ليه انا ما يصير اشوف وهو معروض في التلفزيون
انا خايفه وايد عليه وحابه اني احافظ عليه طول ماهو عندي لاني عارفه انه بعدين بيصير هو يتعلم حاجات من برى ... الله يخليكم اللي عندها خبره ولا حل تدل اختكم والله يجزى الجميع خير