الى دبدوبه زوجها والى كل من تشتكي ظلم عمتها ......اسمعوا قصة عبير

السلام عليكم ورحمة الله وبركاته


الى اختي دبدوبه زوجها.............
يعلم الله ان بعد ماقريت قصتك وانا افكر فيك وشوفي انا ابقولك على حاجة والشيء هذا مايصلح يكون رد من الردود لموضوعك يصلح يكون موضوع كامل عشان الكل يقراه ويستفيد منه
انا الي فهمته من قصتك ان عمتك ام زوجك ماهي طيبه معاك لا هي ولا بناتة ولا ولدها بعد, بس
زوجك معك وهذا يكفيك والله ان اغلب البنات مظلومات من ازواجهم ومن ام ازواجهم لكن حالتك غير
وافضل لان زوجك واقف في صفك ومعك ويحبك وان شاء الله دوم يارب اسمعيني انا ابحكيلك قصة
واحدة اعرفها شافت من الظلم الوان واشكال وهي مظلومة بس.... ربك كبيـــــــــــــر..... ماينسى عبادة......
شوفي قصتها قريبه من قصتك ......اخذها زوجها بمهر قليل واقل من قليل اخذها بعشر الاف بس.... وامها ما اخذت شيء ولا سولها عرس مجرد عشاء بسيط على قد المقام ولا شرت ذهب ولا شيء..... العشر الاف اعطتها لابوها واخوانها لانهم محتاجين...... وهي قالت زوجي ان شاء الله يصرف علي والحمد الله تم الزواج وراحت لبيت زوجها .........او اصح بيت اهل زوجها كان البيت عادي مثل اي بيت....... الحمام مشترك والمطبخ نفس الحاله والتلفزيون ما تعرفة ولا شيء ومع ذالك ساكتة وفوق هذا كله كانت عمتها ماتحبها لانها كانت تبي بنت اختها لولدها بسو ولدها هو ما يبغاها واخذ البنت الي يحبها وعلى قولته عشق الطفوله.......
المشكله ماهي هنا المشكله ان الولد بار بامة لابعد درجة ويسمع كلامها ويصدقها في اي شيء لدرجة ان الناس قالوا هذي لو امة تقول ان ابليس اسلم كان صدق من كثر ماهو معجب وبار بامة .........
المهم البنت عاشت مع زوجها في بيت اهله وطبعا عمتها بتلعب فيها هي وبنتها... شيء طبيعا ما يبغونها ,وصارت عمتها تدعي عليها كل ما شفتها وتقول ولدي بار فيني وعمرة ما عصاني كلمة وانت السبب الي يخليني غاضبه علية ليوم الدين انت السبب الله لا يسامحك جعللك للطاعون يصيبك انتي واهلك وجعلك ما تخلفين عيال وعسى ربي ياخذ روحك اليوم وافتك منك ويرجعلي ولدي الله يلعنك ويلعن اليوم الي جيتي فيه>>>بالله هذا كلام ينقال لواحدة مسلمة بالله في واحدة عاقله تقول الكلام لا الي يزيد الطين باله انها كل ما دعت قالوا بنتها آآآآآآآآآآآآآآآآمـــــــــــــــــين......لا اله الى الله شوفو التخلف لفين وصل المسكينه ما بيدها شيء وش تسوي تصدقين انها كانت تكمل يومين ما تشرب مويه ولا تاكل كله قاعدة بغرفتها عشان ما ماتسمع شيء يضيقها والبنت نحفت نحف ولا كانها من مجاعة افريقيا والمصيبة انها كانت حامـــــــــــــل بالشهر الثاني يعيني يبغالها غذاء زايدة مو تجوع نفسها .......... مات الجنين من سوء التغذيه وتنومت بالمستشفى اسبوعين وطبعا زوجها كان عسكري فكان يرابط كذا يوم وهو يدري بالسالفة من اولها لاخرها بس يقول مابيدي شيء هذي امي وراح يعتذر من زوجته و وعدها ان الحال يتصلح ويكون احسن من قبل وطلبها ترجع للبيت ... ورجعت معه على امل ان الحال يتصلح ماتوقعت المسكينه انها هذي بدايه كل مشكلها...........
البنت كانت ثالث كليه حولت انتساب عشان تفتك من كلام عمتها وبناتها الي حتى ما كملوا المتوسطة..(اللهم لا شماته) المهم اول ما رجعت من المستشفى راح زوجها كلم امه واخواته وفهمهم انه هو الي راح يطلع من البيت معها اذا ما تعدل الحال وخلاص وعدتة امه على انها تغير اسلوبها وتعدل من تعاملها وتقول هي الي غلطانة..... ليه ماقالت انها حامل عشان نعدل الاسلوب قال هذا مشكله انتهت بوقتها نبي نبداء من جديد وصفحة جديدة ونكون عائله واحدة...... يايمة هذي ام احفادك ......هزت امه راسها وقالت ابشر كم عندي محمد انا.... عبير زوجتك احطها بعيوني
على فكرة اسم البنت عبير و وزوجها اسمه محمد.......
العمة الخبيثة عشان ماتزعل ولدها و تنتقم من البنت صار كل ماجاء ولدها تسولف مع عبير وتضحك معها وتضمها وتقهويها واذا راح ولدها لعبت بحسبتها لعب ....عبير مع هذا كله ساكته لانها تحس ان زوجها صار مبسوط ومرتاح نفسيته فخلت اللعبه تمشي عليه بدون ما تتكلم ومرت الايام والشهور على هذا الحال وحملت وجابت اول مولود ولد وسمته عبدالرحمن على اسم ابو زوجها
وبعدين جابت ثلاث اطفال بعد ولدها عبدالرحمن بنتين و ولد
عبير بعد 7 سنين من العذاب لما جاء عمر ولدها 6سنين قالها ليه ياماما جدة تهاوشهك وتقول انك انتي ملعونه.... قالت له هذا جدتك ما اقدر اقولها شيء ...قال الولد طيب ابوي يقول من يقول الله يلعنك ردعليه وقالوة هذا حرام لان الساكت عن حقه شطيان اخرس ......ماشاء الله على الولد رغم انه صغير الا ان الله ارسلها ولدها ليخلصها من كل مشكلها........بعدين عبير شافت ان ولدها معه حق قررت انها تدافع على حاله وتتكلم الى متى وهي ساكتة وهضمه حقها و ولدها صادق الى متى تتحمل هي لازم تواجة عمتها وتوقفها عند حدها>>>وياليتــــــــــــــــــــــــها ما سوت
وبعدين راحت المطبخ ولاول مرة بحياتها تطبخ بالمطبخ لما شافتها عمتها خافت وقالت لا والله طلع ريشها وان لازم اوقفها عند حدها ولا راح دوس على ارقبنا ....استنت لما تجمعوا بنتها بنهايه الاسبوع وقالت يابنات انا خايفة منها صارت تدخل وتطلع على كيف كيفها و وين ماتبي ولاصارت تحسبلي اي حساب كاني مو موجودة والله احس لساني انربط وانا كنت اتوقعها خوافه اثريها صبرت لاين جابت العيال وضمنت حاله والحين تبي تاخذ حقها .....قالولها بنتها يمة انتي لازم تلحقين عمرك قبل ما تطردك من البيت وتكره ولدك فيك شوفيلك اي طريقة... الحرمة زاد خوفها وصارت الاوهام تمليء رسها لا وصارت تحس انها مظلومة ولازم تاخذ حقها ..........
ومرت الايام و العمة ساكتة ماتتكلم ولا تاكل ولا تقول لعبير شيء........عبير المسكينه وفرحت قالت لتني سوت الحركة هذا من زمان صدق الضعيف ماعاد يعيش بزمنا,والعمة زي ما قلت ما تاكل وهي معها ضغط و سكر وجاء يوم واغمت عليهم و ودها المستشفى و اخر لحظة لحقوا عليها وعلوجها ولما جاء ولدها محمد يعتبها ويقول ليه ما تاكلين يايمة.....
نظرت فيه وقالت..... اكل....ليه اجل حرمتك سمحتلي اني اكل ولا حتى اسويلي اكل بالمطبخ....
الولد كان احد صفقه على وجهة ...ويش يمة انتي ويش تقولين عبير ما سمحتلك والله ماني مصدق يمة تكفين قولي غير كذا يمة الله يسعدك ....
ليه ياوليدي لعبت بعقلك لدرجة انك تكذب امك ....اجل انا ويش الي يردني اني ما اكل غير حرمتك وانا واحدة كبيره وعارفة اني مع امراض ويش الي يردني هاه انا بس ما حبيت اقولك عشان ماتزعل شفتك مبسوط ياوليدي وماحبيت اخرب عليك واذا كنت بار فيني صدق سوي الي ابقولك عليه.....
قالهاانت تامرين امر والله اسوي الي تبينه اضربها واكسر راسها والله لو تطلبين اني اذبح عيالي والله لاذبحهم عشانك بعد.........
ضحتك قالت لا لا لا هي مالها قعدة بالبيت بعد الي صار.........
كيف يمه وين تروح بدوني اذا طلعت لازم اطلع معها ولا ناسيه اني زوجها .......
لا مانسيت انا ابيك تطلقها وتطلعها برا البيت وتتزوج بنت خالتك الي لسه تستناك.......
......اطلقها.....وعيالي يايمة وين يروحون وين اوديهم .......
مال شغل انا مالي رجعه على البيت الين تطلقها وهذا اخر ماعندي يا انا يا هي.........
هز الولد راسه وقال ابشري وهو عرف من يوم ماقلتاه امه طلقها ان عبير ماله دخل بمنعها عن الاكل وانا خطة عشان تطلع برا البيت..........
راح محمد البيت وحكى لعبير القصة وطلب رايها وقال عبير امي ياعبير ماتوقع انك ترضين ولدك عبدالرحمن يعصيك ........
بكت عبير بكت وقال والله يامحمد مظلومة والله ماسويت شيء اني انا بنفسي اجبيلها الاكل وهي ترفض والله العظيم ماسويت شيء هي ليه كرهتني انا ويش سويت والله حرام ......
قالها امي حلفت ماترجع للبيت الا وانتي مطلقة وعند اهلك دبرني ياعبير انا محتاس والله ما ادري ويش اسوي....
سكتت عبير وقالت خلاص زي امك ماقالت سوي هذي امك وعني انا مسمحتك ولاني شايله على قلبي شيء منك والله يوفقك في حياتك..........
وفعــــــــــــــــــــــلا تطلقت عبير وصار سلفتها على كل لسان وعمتها ماخلت احد الا وعلمته وكل الناس مو مصدقين معقوله عبير الهادئه الساكتة يطلع منها كذا..... هم يعرفون ان عمتها والعياذ بالله انها ما تخاف الله..........
طبعا الحين الحرمة تبي تخطب لولدها.......... وافق ولدها وقال بشرط بنت خالتي ما اخذها هذا اذا كنتي تبغيني اتزوج قالت امة .......اجل ليه تطلقت حرمتك على كذا........
نظر فيها وقال انا طلقتها لانها جوعتك ولا نسيتي.....هي بالحظة هذي سكتت وقالت ايه صح بس انت لازم تتزوج ماتقعد بدون حرمة وعيالك من مسؤل عنهم انا حرمه كبيرة ويدوب يدوب نفسي وانا بخطبلك واحدة تخاف عليك وعلى عيالك ..........
قالها محمد.....ماتوقع يايمة اني في واحدة بالدنيا تخاف على عيالي مثل امهم.......
قالت وهي تضحك .....ليه عمرك ماسمعت عن ناس يتزوجون خالات عيالهم عشان العيال مايضعون
قال كيف انا اتزوج اخت عبير والله صعبه يايمة.......
ماهي صعبة ولا يحزنون بالله عليك مين يخاف عليهم اكثر من خالتهم والخاله تعتبر مثل مقام الام........

بعدها وافق محمد بالحاح من امه واخوته وانه مو اول واحد الي يتزوج اخت زوجته عشان العيال....
بس تتوقعون ان ام محمد كان قصدها شريف لا والله كل الحركات كانت تقصد تغيض عبير المسكينه الي عمرها ماشافت غلط منها........
وجاء اليوم الي يخطبون فيه مها اخت عبير البنت كانت بالثانويه اخر العنقود يعيني القعدة..........
وراحوا لبيت اهل عبير ياحرام اهل عبير كانوا مبسوطين متوقعين انهم راح يرجعونها ويلمون الشمل من جديد ........
بس الصدمة لما عرفوا انهم جاين يخطبون مها ابوها انصدم وسكت ولا هو داري ايش يقول وصار بين نارين ,نار اذا رفض يضعون عيال بنته واذا وافق ما يدري ايش يصير بعبير ............
قالهم عطونا مهله اسبوع عشان نفكر......... وهو طول الوقت ينظر بمحمد الي ما رفع عينة عن الارض طول ماهو قاعد واخوة الي يتكلم بالنيابه عنه.....
الوالد جمع بناته وامهم وقالهم بالسالفه كلها عبير ما انصدمت لانه ماتوقعه منهم اي شيء واختها مها راحت تصيح وتقول...... الحيوان المجنون التافه والله انه ماعندة شهامة ولا كرامة كيف يفكر بعد عبير بواحدة ثانيه والله انه ما يستاهلك ياعبير كيف كنتي عايشه معه طول الوقت احمدي ربك انه فكك منه ......
تتوقعون عبير ايش قالت .........................................................
راحت عبير لاختة وقالت.......مها محمد مافي مثله بالكون والله انه يخاف الله فيك ويداريك و ان كلمه رجال قليله في حقة خوذيه عشاني و عشان عيالي............
مها رفضت وبكت وقالت الموت اهون علي ...... وبعد اسبوع جاء محمد واهله عشان يعرفون الرد...قالهم ابو عبير والله ما ادري ايش اقول البنت رفضت .......بعد دقيقتين ما سمعوا غير صوت باب المجلس لما ضرب بالجدار من قوة الدف له.....كلهم نظروا لباب وشاف محمد.....مها اخت عبير بعبايتها وتبكي وتقول ..........
والله يامحمد انك احقر واحد عرفتة بحياتي وانك نذل وحيوان وستين حيوان احد يسوي مثل الي سويته فرقت ام عن عياله وخليت امك تشهر بعبير وهي ماله ذنب انت تسمي هذا بر لا والله هذا اكبر ذنب تسويه بحياتك وبكرة عيالك بيكبرون ويعرفون السالفة كلها وانت راح طيح من عيونهم ولعلمك لو تلف بنات الديرة واحدة واحدة ماراح تلاقي من توافق عليك لانهم عارفين امك وبلاويها السوداء واخواتك بعد الي مايعرفون حق الله واخوك الي المسجد عمرة ماصلى فيه ركعة تف عليك وعلى اهلك.............
وطلعت مها من المجلس.... وابوها فرح و حس كانه رجع شيء بسيط من حق بنته لاكن محمد كان احد صب عليه مويه باردة ولا هو عارف يتكلم ...قام واقف ونظر بعمه وقال العذر والسموحة وطلع ........
محمد بعد ذاك اليوم مرض وتنوم بالمستشفى 3 ايام كاملة .............
وامه طول الوقت تدور له واحدة توافق على ولدها مالقيت غير بنت اختها وقالت لولدها ان كل الناس رفضوا يعطونا بناتهم .........
ضحك محمد وقال ما كذبت مها لما قالت مافي احد يوافق علي....سوي الي تبغينه يايمة انا راضي بـ اي احد ان شاء الله لو انها بنت خالتي........
وملك محمد على بنت خالته وحددو ليله الزواج وطبعوا الكروت وعزموا الناس ....عبير بالحظة هذي راحت لبست احلى فستينها كانت ايه بالجمال واهلها منصدمين ويقولون انتي بتروحي بعد كل شيء .....
ايه بروح عادي ماني اول واحدة احضر زواج ابو عيالي يالله انتو تشيكوا معاكم لساعة لثمانيه عشان نروح للزواج.........
كلهم راحوا الزواج وكان الزواج بــــــــــــارد بارد بمعنى الكلمه لا ضيافة زي الناس ولا خدمة القهويجيات زينة ولا دق الدقاقات مثل العالم .........
قعدت عبير باول طاوله عند المنصة هي اهلها....... وعمتها ولاكانها شيفتها راحت لعمتها وسلمت عليها وراحت للعروس وباركتلها بوسط ذهول الناس الي يقول مجنونه والي قول الحين تنفجر وغيرة وغيرة.....
عبير اول مانزلت من المنصه شافها عبدالرحمن ولدها ....وراح يصرخ ماما ماما ماما شافت هي وركضت له وضمت وحبته وتشمه كم لها عن ولدها ..............
الي تحكي القصة تقول نص القاعة من الحريم الي تبكي معها والي تدعي على عمتها والي تدعي ان ربي يرجع يلم شملهم من جديد ......
عبدالرحمن نظر بامة ويقول ماما ابوي كل يوم يبكى واذا نام يقول اسمك والله ابوي يحبك يالله ارجعي للبيت...... قالت قريب ان شاء الله .......نظر فيها وقال انا بروح اعلم بابا عشان يفرح.....
وركض الولد وطلع من قاعة الحريم وراح يم الرجال وشاف ابوة قاعد بالبشت الابيض وسط الناس وطول ماهو يركض ينادية بابا بابا وابوة ينظر فيه قال خير ايش فيه لما وصل عند قال ماما جات قلب محمد انتفض بين ضلوعة وقال ماشاء الله عليها وقطع عبدالرحمن كلامة وقال يووووووة يا بابا ماما حلوة مرة حلوة احلى من العروسه انا قلتلها تعالي معنا البيت قالت قريب ان شاء الله ......
محمد اول ماقال ولدة الكلمه هذي الكلام وقف من مكانة وراح يمشي لابو عبير والناس منصدمين وجلس على ركبه ومسك يدين عمة وقال ........والله انا غلطان تكفي سامحني انا ابي ارجع عبير معي والليله كفايه عذاب ماعاد اقدر اتحمل اكثر من كذا .......
ضحك عمه وقال وهي لك وترجعلك والليله كمان بس اذا هي وافقت..........
عبير لما جاها الخبر بكت وضحكت والمشاعر عندها اختلطت عليها وبركولها اهلها والعروس مصدومة وطلعوا من الزواج عبير ومحمد وملكوا من جديد اما العروسه طلقها وعمتها قبل زواج محمد زوجت ولدها وربي ارسلها واحدة تجزيها عن كل افعالها وحست انها ظلمت عبير بذاك الوقت واعتذرتلها و سمحتها وبدت عبير حياتها الي كانت محرومه منها.


انا اسفة اذا طولت القصة بس انا حبيت اقولك يادبدوبه زوجها ان في ناس حالتهم اقوى من حالتك ومجرد ان زوجك واقف في صفك هذا يكفي وربي كبيــــــــــــــــــــر ماراح ينساك وخلاص لا عاد تدعي عليها انت بكل الحالتين كسبانة اذا ما حسنت تعاملها فلك الاجر واذ حسنت نلتي الي تبغينه ..........
والله يوفقك ويوفق كل البنات.........
والكلام لكل من تشتكي ظلم عمتهاوسامحوني على الاطاله
لاتقول يارب همي كبير قول ياهم ربي اكبر

البنـــــــــــــــــــــــــــــــــــــــــــــــــــــــــــــــــــــــــــــــــــــدري