ادوخ .. واكلم شباب .. وعمري 16 سنة

السلام عليكم ورحمة الله ..


شحالكم بنات ..

ممم بغيتكم تساعدوني بموضوع ... تخيلوا نفسكم مكاني وقولولي كيف راح تتصرفون ..

ردة فعلكم ..

والشئ اللي لازم اتخذه ..

بليييز كل وحده تقرأ الموضوع ترد ولو رد بسيط ..



محتاجة حد يساعدني ...



انا بنت عمري 16 سنة .. وعندي اخت عمرها 23 سنة (مالجة بس معلقه)..
وكنت اعيش وياها بحياة منفتحة بطريقه خايسه .. يعني كنا نسير ونرد ومحد يدري وين رحنا وشو سوينا ..

وكانت اختي موزة قدوتي في كل شئ يخص الخراب .. وكنت احبها لأنها لو كنت محتاجة رقم واحد او بيزات او امر الشيشه اشتري باكيت سجائير .. كانت ماترد لي طلب دامه بصالحها ومايضرها..

خلوني اوصف لكم حالي وانا بهالعمر ..

كنت .. وارجع اكرر كنت .. اشرب السجاير ( ادوخ) بيشراهه وكنت مدمنه ..

وايد عندي علاقات وتخيلو بهالعمر .. وعلاقتي معظمها بشباب .. وكنت اظن اني لو إلتزمت خلاص بتركهم بيكون عندي واحد بس..

وكنت جريئة ومااستحي مثلا اطلع قصتي كلها شعري ريولي ..الخ وانا طالعه المول مثلا .. وممكن اسولف مع أي احد جدام الناس .. ماعندي قيود ولاحدود ..

وطبعا هاي كله بدعم من اختي العزيزة !!

كنت مااشوف اللي اسويه غلط بالعكس كنت اشوفه عادي.. لأنه اشوف اختي الكبيرة تسوي ..ربعي.. المجتمع الخربان اللي حولي .. فكنت اشوف اللي اسويه بالعكس هذا المفروض يكون..


طبعا بتسألون وين اهلي (امي وابوي واخواني الكبار)

بقولكم .. طبعا كل شئ نسويه بالخش .. وكانوا ماخذين عني فكرة وايد زينة .. ولو قلت أني بطلع مع اختي مايقولون شئ لأنهم واثقين فيها ..

كنا نبين لهم شئ ونحن من وراهم شئ ثااااااااااني ..


لين ما اجا اليوم اللي انفضحت فيه .. وهاي قصة طويله بس بقولها باختصار ..اني يوم من الايام طلعت ويا ربعي بدون ما امي تعرف .. ويوم عرفت عصبت وكعقاب سارت تبغي تشيل كل اغراض غرفتي .. واكتشفت وايد اشيا خراب كالساجير وحبوب ترقد وغيره ..

فطبعا امي تخبلت فسارت تبغي تعرف شنو عندي بعد .. جيكت تلفوني وعلى فكره عندي للحين تلفون ثاني بالخش ..

وحصلت رقم واحد من اللي اعرفهم جان تتصل وكلمته سمعت صوته .. طبعا الريال بند بوجها ..


فطبعا امي سارت عند اختي الكبيرة اللي يزعم هي قدوتي ..وخبرتها السالفه ..


وموزة لأنها انانية وفكرت بس بعمرها .. عطت امي التفاصيل بكل نذاله .. ومن ذاك الوقت امي شافتها شريفة مكة وملاك ..

وطبعا السالفة كبرت ووصلت لأبوي واخوني وضربوني ضرب وكلهم غيروا فكرتهم عني .. ويشوفوني بنت موب زينة ..

حتى امي كانت تقول انها كرهت البنات مني .!


وفي تفاااااااصيل طويله ماراح اقولها لكن اعرفوا انهم ماارحموني وطلعت انا البنت الخايسة وموزة اللي كانت تساندني وبالعكس تسوي اخس عني ب وايد ( تواعد شباب وتطلع معاهم وشوفوا شو يستوي.. ويوم ملجت من ولد عمي ظلت ترمس شباب .. وماكانت تحس بتأنيب الضمير )

انا مااقول اني ماغلطت ادري اللي سويت وايد كبير . انا كنت طفلة وعقلي صغير ومازلت توني صغيره .. ماالوم حد كثر ماألومها هي لأنها سبب في خرابي... لو كانت عندي اخت صالحة وملتزمة كنت استويت جذي؟



انا الحين استويت وايد زينة... الحمد لله محافظة على صلاتي ومتحجبة وتركت كــــــــــــــــــــــــــــــل سوالف الخراب.. والحمدلله على التوبة ويارب يغفر لي ..

والحين كل شئ اسويه احاسب وارضي ربي فيه .. والحين احاول احسن علاقتي باهلي واللي يظنون اني امثل عليهم مثل قبل ..


بس بذكر شي واحد. ترى لولا مرت اخوي جان تميت على حالي.. لأنها ملتزمة.. ومتحجبة وكانت تطلع معاانا وكووول على الاخر يعني ماتشاركنا بالخراب بس تطلع وتونس نفسها .. وايد وايد ساعتني و غيرتني هالانسانه و أنا ممتنه لها لين نهاية حياتي الله يحفظها لي فديتها..

شو الموضوع :


اني بديت ابتعد عن موزة وعن طلعاتها مع بنات عمي وربعها ..لأن طلعاتهم ماتخلو من الخراب ..

بديت اتقرب اكثر من مرت اخوي .. وسرنا نتشارك بوايد اشيا نسمع محاضرات اناشيد نرقص نطبخ .. بديت امشي بالطريج الصح ..

خبرت الكل منهم ربعي بهالشئ

الموضوع ان اختي موزة منقهره وبدت تعاديني ومسويه حزب ومشوهة صورتي وصورة مرت اخوي عند الكل .. خلاتي بنات عمي ربعها اهلي .. ومايندرى شو الكلام اللي بطلعه لأمي ..


مو عارفه كيف اتصرف وياها ..المشكلة انها تظهر لي ويه ومن وراي تتكلم ونفس الشئ مرت اخوي ..تضحك وياها وتسولف ومن وراها تسبها...





بلييييز ارجوكم ساعدوني كيف اتصرف معها ومع اهلي ..كيف ابين لهم اني زينة وهي اللي تلعب (المشكلة من ثقتهم فيها مستحيل يظنون فيها السوء والمشكلة بلاويها طاحت براسي وانا اللي بلعتها...الله يسامحها )

بصراحة خاطري اهلي يعرفون انها خايسه اكثر ممن كنت انا خايسه .. حتى لو ماعرفوا عني اني زينة ..


كيف انا ومرت اخوي نتصرف وياها ؟؟ هل نظهر لها ويه ونعاملهابالزين ؟ او نعاملها مثل ماتعاملنا بخياسة نفس !!

احتاج مساعدكم

وانتظرها