هلا حبايبي أريد أجذب زوجي

أن شاء الله اني اقدر افيدك..
ابدأي اولا بنفسك تزيني البسي أشياء مغريه ومثيره عند النوم وكل يوم خلك متجدده..ويالنسبه لكلامك خليك دايم ذوووووق مع زوجك حتى لو صار بينكم خلاف لا ترادينه واعطيه من كلمات الدلع والدلال الى مالا نهايه..

يالنسبه لأولادك خليهم دايم يستقبلونه ببوسه ويضمونه ويحبون راسه ويده وحاولي وقت راحته انك تصرفينهم عند التلفزيون ونوميهم بدري احسن لهم واحسن لك وخليهم دااااايم نظااااف وريحتهم حلوه..

بيتك نظيف دايم ريحته حلوه ومرتب بطريقتك وخلي لمساتك تبان فيه...

وبالتوفيق أن شاء الله..

أتمنى اكون افدتك..

تحياتي..

الله يعينك ويسهلك ويصبرك يارب..

شوفي ياقلبي أهم شي اهم شي تهتمين بنفسك يعني غيري استايل لبسك مثلا لو مليانه انحفي يعني غيري بشكلك 180 درجه..
وغيري من طريقتك واسلوبك بالكلام يعني صيري ناعمه هاديه لا تصارخين على العيال قدامه اهتمي بتفاصيل نفسك اكثر وحتى تعاملك معاه خليه رقيق وناعم ترى الرجال يموووووووووت على الحرمه الناعمه..
صيري مرحه اكثر..
يعني بالعربي اتغيري تماما عن ما كنتي عليه.. للأفضل وابدا ابدا لا تجلسين تصيحين وتلومين انه تزوج حطي فبالك انه الله كاتبه. واهتمي بنفسك وهيئتك وثقفي نفسك وشوفي شي تشغلين نفسك فيه يعني عمل وظيفه او دراسه .. اي شي..
واهم شي لا تجلسين تدقين عليه كل شوي خليه هو اللي يتصل عليك ويدور عليك.. لأن الرجال اذا حس الزوجه تدور عليه وتلاحقه ما عاد يسأل لأنه متطمن انها تفكر فيه بس لو انشغلت عنه والتهت بنفسها وعيالها يدور عليها...
وابد لا تنكدين خليه يتمنى الجيه عندك عن الروحه لها..

والله معك لا تنسين الدعاء والقيام اخر الليل..

والله يسهلك امورك ويصبرك..

تبين الصراحه اختي
لا تخلين بعقلك انها ضره لك لا والف لا
اذا كنتي شفتي حلقة خطوه الي بالتلفزيون بتعرفين قصدي
هذي خلاص صارت منكم وفيكم ومحسوبه ام ثانيه لعيالكم
فالافضل تتاقلمين مع الوضع دون منافسه ولكن بابراز ماعندك انتي فقط
فكلنا نشتري منتجات لانها تفي بالغرض لكن يكون ميولنا لاخرى لو وجدناها بيكون اكبر
اختي الكريمه
لا تمثلين عليه الاهتمام والزياده فيه بالعكس ابداي بتصحيح نفسك شوي شوي
اشتغلي على عمرك
حاولي مايكون شغلك الشاغل جذبه للبيت وللعيال ولك لان لو كان هذا الهدف فبمجرد رجعته للبيت وطلاق الزوجه الثانيه بترجعين على ماكنتي عليه

اشتغلي على نفسك اهتمي اكثر بنفسك هواياتك اهتمي فيه بيومه ودلليله وخليه ملك في يومك انتي
ولو جاك بيومها قولي عفوااااااا الليله مب ليلتي وخليه يتحرقص عليك قولي اليوم الي بيكون فيها عنده
بيكون يوم اجازتك والعنايه بنفسك

اهم شيييييييي لاتخلينها ضرررررره لانك بتشيبين وتموتين قهر اذا خليتي هالفكره براسك
وقلبي معك
لاني حاسه باحساسك مع اكثر من زميله لي

السلام عليكم مشكورات ياخواتي (الجوهره الثمينه____ دلوعة حبيبي _____ وخلود السعوديه )
والله يجزاكن ألف خير بصراحه هو قبل ما يتزوج علي ولا مره شافني بلبس هب حلو ولا ريحه تبعده عني يعني دوم كان يشوف التجديد مني بلبسي بشكلي وريحتي بس هي كانت تلف عليه لين ما خذته المهم هي الحينه زوجته وألي هو يحبه ويهمه يهمني أكثر من أي شي الحينه أنا أريده يحبني أكثر لأني راضيه عن كل شي يساويه وعمري ما رديته بطلب هو يقوله ويباه ولو يطلب عيوني أعطيه ولا أقصر عليه وها هب مدحه بس ها هو الصدق لأني أحبه أكثر من أي شي حتى أكثر من عيالي بس ممكن تقولولي عن حركات حلوه أسويها أو أنواع معينه من الكريمات أو ألعاب أو أفكار ومشكورات على الرد علي الله لا يراويكم ضر بعزيز وغالي ياربي وأن شالله راح أساوي ألي قلتوه لي والتوفيق والتسهيل من الله

في فكره حلوه مررررره سويتها لزوجي لما رجعت لبيتي...

اول شي لاااااازم تصرفين عيالك عند اهلك واذا ماتقدرين نوميهم بدري...
بعدين رتبي بيتك وعطريه باحلى البخور الروائح العطريه المركزه تلاقيها عند نكتار..
طبعا انا رحت لأبو ريالين ولقيت عنده اشياء مرررره روعه اخذت لي شموووع على شكل قلوب وريش احمر وكنت ماااخذه من زمان ورد مجفف من ستي بلازا ريحته مررره روعه..

افرشي سريرك باحلى مفرش عندك وحطي الريش على شكل قلب ووزعي بانحاء الغرفه الشموع ولا تنسين تحطين فواحه بغرفتك..

اذا عندك حمام بره الغرفه مررره كويس استخدميه وقبل لايشرف زوجك يعني بربع ساعه جهزي البانيو وعبيه مويه دافيه ورشي ورد مجفف وانفخي بالونات صغار يعني ثلاث حبات تكفي وحطيها جوا البانيو ووزعي الشموووع حولين البانيو وفي الارض وعلى المغسله ولاتنسين تحطين في الحمام شامبو+شاور جل تكون ريحته حلوه وتلاقينه في نكتار اسمه فنتازيا مررررره حلو يجي مع طقم انا اخذت لزوجي لوشن وسبري جسم وشاور جل
وعلقي الفوطه بشكل مرتب وحطيله ملابسه جوا سله في الحمام عشان اول مايخلص يلبسهم..

انت طبعا خلاص تصيرين مجهزه نفسك تماما خوذيلك شاور وعطري جسمك زين والبسي احلى لبس مغرررررري عندك يعني يكون فيه حركه غريبه ومتجدده وصلحي شعرك وحطي ميك اب ناعم وروووج احمر مثير ويفضل يكون بنكهه روحي للبودي شوب تلاقين عند قلوس نكهات.)<<<هذ الكلام قبل لا يجي زوجك بساعه

وخلي عندك اناره خافته في الغرفه ويفضل لونها احمر يعني ابجوره صغيره تفي بالغرض وحطي كاسين عصير بالغرفه وشوي فراوله لانها فاكهه الحب والرومانسيه على الطاوله الي جنب السرير..

طبعا اذا وصل الاخ انت ما تستقبلينه ابدا.. لييييييش؟؟
لانك بتكونين مجهزه البيت وطافيه كل الانوار وتحطين ثلاااااث اسهم بالأرض يوصله للحمام طبعا الاسهم تسوينها من الشموع العاديه وبيطلع شكلها جناااااااااان وحطي على باب الغرفه ورقه واكتبي فيها(لا..لا..لاحبيبي لسه مو الحين اصبر شوي روح خذلك شاور بعدين تعال انااااااااااا بنتظارك على احر من الجمر..لو سمحت لاتنسى تطق الباب)واطبعي شفايفك بالاحمر على الورقه..

وانتظري لما زوجك يخلص من الحمام المنعش ..

واذا طق الباب افتحيله بس مو على طوووول يعني خليه ينتظر شويات وبعدين افتحيله والله الله بحركاااات الدلع والاغراء النابعه من القلب انه لا يخق مررررره عليك وينبهر بالحركات الحلوه لان بكذ الحرمه راح تصير اقرب واقرب من الرجل اذا كانت على طبيعتها
واشربو العصير واحلى شي اكلو بعض الفراوله وووووووو...

والله يجعل كل ايامكم سعاده ورضا ورومااااانسيه..

تحيااااتي

الله يعينك ويصبرك بس البنات ما ذكروكي بالدعاء عند السجود وبعد كل صلاة إنه يسخر زوجك لك ويسخرك له
والبنات عندهم حركات كثيره بس إنتي ماعليكي إلا تسوي بحث في المنتدى وراح تلاقي اللي يناسبك وإنتبهي من الإكثار من الليالي الرومنسيه لأنه راح يملها مع كثرة التكرار وحاولي تغيرين في ديكور البيت والأثاث والإكسسوارات
الله يسخر لك وجميع المسلمات الصالح من عباده

يا اختي ..الله يعينك..

و الله انا عارفه أنها حرة بالصدر..لكن اللي صار صار..و الحمد لله على كل حال..

المهم .. أنتِ لازم تهتمين بنفسك..مو بعشانه بس ..بس قبل أي أحد عشان نفسك..أرضيه و

أرضي ربك في التعامل معاه..بس لا تعطيه الاهميه اللي اكثر من اللازم..

لا تخلينه يشوفك بتموتين عليه..

تدرين عاد.. زوجي ..كان يحكي لي عن واحد تزوج على زوجته وظل يمدح له مزايا الزواج من

الثانيه ..وأن الموضوع صار تنافس و كل وحده صارت تعطي أحسن ما عندها..و انه مرتاح ومثل

الملك..أنا انقهرت و قلت له..يمكن ألحين يتنافسون بس بعدين ...لازم وحده بتمل..و حكاية انه

يبي نفسه ملك ..و حريمه جواري يخدمونه..هدا أستعباد مش شراكة في الحياة...وفعلاً ..يا دوب

مرت كم شهر اللي يقولي زوجي انه طلق وحده منهم ..

لأنها ما قدرت تتحمل الوضع.. فطلبت منه الطلاق..

أيش تترجين من حرمة..خلت شغلها الشاغل زوجها..و نست نفسها...و تصورت أنه كل

حياتها ..وينها هي من كل هالمعادلة..

مهو لازم أنها تكون شي عند نفسها عشان تصير شي عند غيرها..

أنا أقول فكري بزوجك ...ألف...لكن قبلها فكري .. بنفسك ..

و راعي ربك في معاملتك معاه..و لا تخليه يمسك عليك قصور..

الله يوفقك..

والله ياحبيبتي من كثر مااقرأ واشوف برامج عن الرجل حتى افهم شخصيته المستعصيه بالنسبه لي توصلت الى نتيجه وعذرا على الصراحه لكن حتى تعم الفائده 1) ركزي على الناحيه الجنسيه كثييييييييييييييير اكثر من الشموع والخرابيط الثانيه وبدعي بالحركات كل مره طريقه تقدرين تشوفين مواقع تشرح بطريقه محترمه عن طريق مجسمات خشبيه او كلام 2) بماانك منتبهه لشكلك فركزي على طريقه حديثك واسلوب تعاملك يمكن انتي تشوفينه كويس لكن مايناسب شخصية زوجك لان بعضهم مايحب اللي تندلق عليه يعني اللي يكون هو كل محور حياتها بحيث تخنقه حاولي تقرين كتب متخصصه اكثر افضل لك
والله يعينك لاتنسين الدعاء بان الله يسخره لك

شكورات عيوني على النصايح وأن شالله راح أطبقه بس دخيلكم لا تنسوني بالدعاء عسى الله يسخر زوج روضة الحب لها أمييييييييييييييييين