ممكن تساعدوني في حل مشكلتي قبل ماانجن

السلام عليكم حبايبي اعضاء عروس
حابه اعرض لكم مشكلتي واتمنى منكم تساعدوني
خصوصا انه مشكلتي متكونه من عده مشاكل

مشكلتي هي ابتدات بالاتي

بعد ملكتي الشهر الي طاف وطبعا تعرفون خلاص
الان هذي الفتره يبدا التعارف خصوصا اني انا ماكلمته قبل الملكه
لاعرف شخصيته اكثر ..بس طبعا شافني نظره شرعيه قبل الملكه

اول ماتكلمنا بــ ليله الملكه كلام يجر كلام اكتشفت انه من هو صغير متغرسه في عقله
فكره الزواج من لبنانيه لانه على قولته كل الي يشوفه يقوله شكلك ماراح تاخذ الا لبنانيه وقالي انه خلاص صارت عنده قناعه انه خلاص راح ياخذ لبنانيه...بس اهله قالو له انه افضل له ياخذ من هنا
وراح يختاروا له وحده جميله واختاروني ويوم شافني يقول خلاص اقتنع انه الله عوضه بالي احلى من البنانيه...بس انا الي زاعجني
انه دايم يكرر لي سالفت لبنان كل مره يجني ولا اعرف كيف اشيل منه هذي الفكره لاني بصراحه
متخوفه انه بعدا كذا يعيد النظر لهذي الفكره لانه دايم يكررها ويخليني اعصب بس مااوضح له هذا الشي اخر مره قال لي هذا الشي عصبت في قلبي وقلت لازم اعصبه وقلت له تصدق انه جاني في هذا السبوع عرسين يطلبون ايدي بس امي قالت لهم خلاص هي مخطوبه وجبتها عن مزحه قلت له اني قلت لامي كان خليتنا نفكر اشوي بالامر:confused::tongue:(وهذا الامر صحيح صاير مو كذبه).. وخليته يعصب وتشتعل نار الغيره :wink:(بس الى الان مااحس اني قدرت اني اخلي يبطل عن هذا الكلام)
غير انه شغلته ممرض ويشوف ناس اشكال والوان كل يوم... ولا دايم يكرر لي هذا الشي منشان اغير بس انا اطنش لانه عارفته انه يريدني اغيرعليه (ولا يريد حياتنا مثل مسلسل هناء وجميل)
ويحب المرأه الغيوره بس انا مااحب هذا الشي لانه المرأه من غير شي غيوره و لاني احب حياتي تكون هدوء وتفاهم مو حياه كلها شك وغيره وغير أنا صغيره مااريد ابدي حياتي بهذا الشي ..ويوم اقول له كذا.. لا مصر على حب الحياه الي تكون فيها غيره
وحاسته انه راح يجنني بهذا الشي غير انه شغلته تساعده في هذا الشي:tears:
وماعارفه كيف اغير تفكيره

وغير هذا الشي (والله خجلانه اقول لكم هذا الشي بس مو لاقيه حد يساعدني)
يطلب مني اني اعمل له المستحيل ...انه يريد اقوم بضمه واخذه لحضاني
بس انا مستحيـــــــــــل مااقدر انا ايدي مسكه مره وياالله بسرعه شلتها
عشان هذا الشي كان والله مااقدر احط عيني بعينه
صحيح اني اعتبر ملكه بس انا مااقدر اعمل هذا الشي الا بعد الحفله الحقيقيه
خصوصا اني من ملكت عليه ماصار شهر شفته بس 3 مرات وكذا اتصال احس اذا قلت له كلمت احبك فقط بهذي الفتره
احس اكون كذابه لاني الى الان تونا بمشوار الطريق مابعد اعرفه عدل او احبه بعد

وهو يعصب ويقول انه هو ماملك الا بعد ماوصل حده لانه كل يوم
يشوف في شغله اشكال وانواع...وانا الان ملكه فالمفروض احقق له كل الي يريد الي يسد حاجته

مثل ماهو يقدم لي الحنان والعطف بكلامه الحلو الي اريده انا
هم هو يريد
اقدم له الي يريده.....


ارجوكــــــــــــــــــــم لاتحموني من مساعدتكم بكل الي قلته