تبين تنجزي أشغالك بسهوله......

مرحبا بنات
هذا أول موضوع لي في المنتدى وإن شالله ينال رضاكم

من فترة قريبة تعلمت طريقة وايد حلوة
ساعدتني إني أنجز وااااااااااايد أشياء بفضل الله ثم بفضل

قائمة الإنجاز أو List -to -do



وطريقة هي أنج تكتبين في ورقة صغيرة قائمة بأهم الأعمال إلي لازم اتسوينها خلال يومج ... كل ما تنجزين شي أو تخلصينه اشطبي عليه أو سوي صح عدالة أو إلي يريحج

طبعا تقدرين تحطينها في جيبج أو شنطة عشان أول ماتخلصين تشطبين عليها وتحسين إنج أنجزتي

وشخصيا أستخذم نوت هولدر وأحطها في المكتبي ع شان أشوفها وتكون جدام عيني


وأحسن وقت لكتابتهم في ليل قبل لاتنامين أو في الصبح لما تصحين
وحاولي إنج تبدين بأعمال الأكثر أهمية

و في برامج خاصة في الكمبيوتر تأدي نفس الوظيفة
و حتى في كل المبايلات اليديدة بتحصلين ها الأبشين


طبعا إذا في البداية ما شطبتي ع كل إلي في اللسته مو مشكلة مع الوقت إن شالله بتقدرين اتشطبين كل اللسته


وياريت إنج كل ما أنجزتي أكثر اتكافئين عمرج بأي شي (تشترين شي تحبينه مثلا)

وإن شالله من بعدها شوفي شكثر حياتج بتتغير و بتتعودين ع إنجاز و بيرتاح ضميرج

تقبلوا تحيات