خالتي يام زوجي انتي وبناتك وولدك حسبي الله ونعم الوكيل فيكم

دبدوبه زوجها;5678732:
حسبي الله ونعم الوكيل حسبي الله ونعم الوكيل حسبي الله ونعم الوكيل

قبل كم يوم خالتي ام زوجي كانت زعلانه ان زوجي ما يعطيها فلوس واقنعت زوجي يكلمها ويفهما ظروفه ولما كلمها واقتنعت وعرفت الاسباب قالت خلاص ورضت ومشت الامور عادي

لكن بعد كم يوم رجعت تزعل مدري من اللي غيرها وقلب راسها حسبي الله عليه
وصار لها كم يوم زعلانه قام زوجي كلمها يبي يسلم عليها الا قبت في وجهه
انا ماني راضيه عليك طول ما الحرمه هذي على ذمتك :eek:
وانا ما ابيها وبناتي ما يبونها طيب ماكنا قبل كم يوم مبسوطين وش اللي قلب الحال
وقالت انك انت من تزوجتها معد تظم خواتك ولا تبوسهم وبس جالس جمب حرمتك
طيب الصاله مليانه كنبات وكلنا جالسين مع بعض خواته وامه واخوه اكيد زوجي بيجلس جمبي يعني وين تبيه يجلس

المهم قالها زوجي خواتي عندهم رجالهم يبوسونهم ويظمونهم قالت ايه رجالهم يبوسونهم بمكان محترم مو مثلك تجينا ورقبتك مبقعه ورقبه زوجتك مبقعه
طيب هي ليه زعلانه مدام بالحلال زوجي وانا حره فيه ابوسه واضمه محد له شغل
بنتها اول ماتزوجت كانت تجي ورقبتها مبقعه بعد ولا حرام على ناس وحلال على ناس
المهم زوجي قالها انا ما اتصلت عشان تسمعيني مشاكل انا اتصلت اسلم عليك
راحت ام زوجي وكلمت امي حسبي الله عليها ونعم الوكيل
وقالت لها ترا بنتك بتجيك مطلقه والله ما اخليها مسكينه امي فيها القلب وتعبانه وخافت قالت ليش وش صاير قالت بنتك تبوس ولدنا وتناديه باسم دلع ماتناديه باسمه اللي سميناه به
وتسكر سحابه قام ابوه بنتك تغار من بناتي
بنتك طالعه بالليل مع تكسي تروح المستشفى اذا انتو يرضيكم احنا ما يرضينا ليش ماكلمتنا نوديها والله والله والله اني اتصلت عليهم وكلمت عمي وقالت له روح المستشفى الفلاني ترا ولدكم تعبان
وقالت كلام حسبي الله عليها حسبي الله عليها

والله والله والله اني ماغيرته عليهم ولامنعته منهم والله اني اتصلت على عمي وعياله يجون يودوني عند زوجي بالمستشفى والله والله اني في حالي وماضريت احد حسبي الله عليهم

متضايقه عشاني اسكر سحاب زوجي وعشاني ابوسه طيب مو بالحلال مو هو زوجي

وتقول اني اتصل على اخو زوجي وهو مو محرم لها يعني مو محرم لي
انا ما اتصلت عشان سواد عيونه انا اتصلت ابيه يفزع لخوه

اللحين صار مو محرم ولما كنا نتشارك نفس الحمام كان محرم لما كنا ناكل سواء ونفطر سواء ونتغداء سواء كان محرم لما كان يوديني الصالون ويوديني لهلي اذا زوجي مداوم كان محرم
ولا اللحين يوم زعلت ماصار محرم
طيب وخوياته اللي يكلمهم ويغازلهم ويطلع معهم ويمارس معهم الحب وامه تدري وساكته هل هم محرم له ؟؟ ولا الحرام مايعرفونه الا معي

والتبويس اللي في بناتها حلال وانا حرام ويوم بنتها تلبس بنطلون وكلوتها طالع مو حرام ولما اخته تطلع لنا بقميص النوم اللي قسم بالله فوق الفخذ مو حرام
مو حرام يتعرون قدام اخوهم
الا تبي فلوس من زوجي واحنا قسم بالله قسم بالله ان الاثاث والمكيفات والمكنسه والسياره واجار البيت كله من الجمعيه الخيريه اذا احنا عايشين على الصدقات كيف تبينا نعطيها فلوس
حسبي الله عليها وعلى بناتها ونعم الوكيل الله يوريني فيهم يوم الله يوريني فيهم يوم اسود من الليل عاجلا غير اجل
حسبي الله على من ظلمني حسبي الله على من ظلمني حسبي الله على من ظلمني
تبي تفرق بيني وبين زوجي الله يفرق بينها وبين عيالها وبناتها والله اني ما اغار من بناتها ولاهموني والله اني اسكت واذا نطق الحجر نطقت والله اني اسمع تهزيئ من الصغير والكبير واسكت المشكله اتصلت تشتكي من الحلال ماقلت بنتك تغلط علي بنتك تنافخ وترفع صوتها بنتك قليله ادب الحمد لله مالقت علي الا اني ادلع زوجي واهتم فيه وانه يجلس جمبي

حسبي الله ونعم الوكيل انا ما ادري وش اسوي معها

ياخالتي يام زوجي ياللي ابوس ايدك وراسك حسبي الله عليك حسبي الله عليك ونعم الوكيل
حسبي الله عليك حسبي الله عليك حسبي الله على بناتك حسبي الله على ولدك حسبي الله عليكم كلكم الله اقوى منك الله ينتقم منكم الله ينتقم منكم حسبي الله عليكم ونعم الوكيل
والله اني ادعي عليك وعلى بناتك وعلى ولدك الله يوريني فيكم يوم اللهم انك عزيزذوانتقام
بدعي عليك في التهجد بدعي عليك في صلاتي بدعي عليك عند نزول المطر بدعي عليك في اخر ساعه من يوم الجمعه بدعي عليك في الثلث الاخير من الليل حسبي الله عليك الله لايسامحك
الله يشغلك في نفسك الله يشغلك في نفسك
حسبي الله ونعم الوكيل
تبي تفرقنا تبي تحرق قلبي الله يحرق قلبها تبي تحرمني من الحلال الله يحرمها من العافيه
الله اكبر هي اقوى منيبس الله اقوى منها الله يسلط عليها من هم اقوى مني ومنها الله يسلط عليها من هم اقوى مني ومنها الله حسيبها الله لايوفقها وين ماقفت وين ماكانت حسبي الله عليهااا

النسبه للبنات اللي اول مره يقرون موضوعي ماراح يفهمون شي الا لما يقرون مواضيعي السابقه
بحاول اجيب الروابط

تكفون يابنات ادعوا لي

حسبي الله ونعم الوكيل
اللهم من كادني فكده ومن بغى علي فاهلكه ومن ارادني بسوء فاشغله في نفسه

دعوه المظلوم مستجابه وما اقول الا حسبي الله وعم الوكيل

http://www.3roos.com/forums/t325435.htmlhttp://www.3roos.com/forums/t322119.html



http://www.3roos.com/forums/t327233.html