زوجي يخوني

اصعب شئ انو الرجل يخون زوجته لكن بقولك شئ اشبعيه بالحلال وملي عينه واذا كانت عيونه ماتبي الا الحرام قولي له وحدة من صديقاتي شافتك في السوق اليوم وحددي له الوقت عشان مايقدر ينكر
وهدديه بانك محا تستمري معاه اذا كان بهالصورة او اذا يخاف من اهله قولي راح اقول لاهلك واهلي راح يدروا
الا انك تعاهدني بالله ماترجع لهاالشئ
ولاتنسي تدعي له ان يصرف قلبه عن هالشئ لانومرض خليه يصلي يقرا قران يبعد عن الرفقة السيئة
والله ييسر امركـ

الله يسخرلك زوجكويبعده عن هل طريق
حبيبتي واجهيه وقوليله وهدديه ادا ماتاب راح اتركك
ولاتتركين بيتج ابد ابد وقولي امه او ابوه حتى يوقفوه من هل مصخرة
وانتي ادلعيله وصيري نعومه معة وسويله كل الي يحبه
ومالج غير الدعاء والاستغفار

:9_28::9_28:حبيبتي الله يعينك انشاءالله لكن مثل ما قالت اختي من قبل اشبعيه بالحلال
وكل شي يحبه سويه ولازم تواجهيه عشان لا يتمادا والله معاك ...............تحياتي

يا أختي والله ما أدري وش أقول ..
بس ما أملك الا الدعاء ...
الله يهديه ويفتح على قلبه وينور بصره ويسهل له طريق التوبه ....
لا تنسين تدعين له بأوقات الاستجابه مع تجربة حلول الأخوات .... وانتبهي مو كل تجربه تصلح ... شوفي اللي تناسب وضعك وجربيها ...

الله يهديه يااارب ادعيله حبيبتي وحاوليه انج انتي الي تشغلين تفكيره يعني خليه يتعلق فيج ودلعيه وسويله كل اللي يبى
ياااااااارب تهديـــــــــــــــــه

الله يهديه ويسخره لك ...وتتم حياتكم بسعاده وهدوء ..جربي حلول الاخوات ..لكن سكوتك راح يخليه يتمادى..

احمدي ربك مليوووووووووووووووووووووون مره لانك ماحملتي منه

بسألك سؤاال انتي لأاي درجه تحبينه ؟

يعني اذا ماكان حبك له ذاك الزود هدديه واجلسي عند اهلك فتره تبين نصيحتي

خبري ابوك او اخوك عن سوالفه لانه اذا ماخاف من اهلك وتعدل ماراح يتعدل بعدين

بعدين زوجك كم عمره يمكن لسى في مرحله مراهقه وهذا يتفع معه الاسلوب والعلاج يعني فتره بس يعقل اما اذا كان كبير الله يكوون بعونك

انتي شوفي نفسك مقصره معه في الامور الجنسيه ولا ؟؟

في بعظهم مايعرفون يحلون مشاكلهم الجنسيه مع زوجاتهم ويلجؤن للمغازل والخرابيط

اكيد انتي تعرفين نفسك اكثر منا

لا حول ولاقـوة إلا باللـه

كثرت الخيانات بهالزمـن

أختي الله يكون بعونك ويفرج همـك

ويهدي زوجـك ويسخره لك يــارب

والله الخيانه صعبه والله اني اتضايق كل ماقرا قصة وحدة يخونها زوجها بس حاولي تغنينه بالحلال شوفي شو الي خلاه يطلع ويروح للحرام اكيد فيه سبب او هو حاس انه لقى برا الشي مالقه برزوجته مدري سوالف الخيانه معقدة وتكون لها اسباب كثيرة مع انه ساعات احس الخيانه شي طبيعي ويجري في عروقهم

الله يهدي زوجج ويسخرة لج يارب =(

الله يهدي زوجج ويسخرج ياه يا رب فديتج لازم تعرفين سبب خيانته والا هاي عادة متعودها من زمان لازم يترك هاي الشي ويذكر ربه

اختي الفاضلة ممكن اعرف كم عمرك و كم عمر زوجك قبل ما اجيبك ان شاء الله و اقول لك رأيي في الموضوع و في انتظار ردك انصحك لا تقولي للأهل الآن اي شئ و اكثري من الاستغفار و الدعاء و تقبلي مروري

انا عندي الحل البسي لزوجك وتكشخي وكل شي .. حتى بالطلعات البسي عباية كشخة وشيلة كشخة خليه يطالعك انتي وبس ..

وعن سالفة المغازل اذا استمر فيها احرميه من الشي اللي يحبه يعني من البوسات من العلاقة الحميمة .. بس نصيحة مني لا تخبرين اهلج بالموضوع مو حلوة .. تكون صورة زوجج عند اهلج كذا ...

هذ الشي بينكم بس :)

والله يهديه يارب ويرده لصوابه ويصده عن بنات الحرام...

لا تسرين بيت اهلج ولا هم يحزنووون

يلسي يلسي ويااااه وخليج قويه وقوليله شوووف حبيبي اختار يا اما انعيش حياة حلوه او كل واحد بطريق لو انت بتستمر في حركات اليهال والمراهقين

قوليله يوم وافقت عليك كنت ادري انك ريال ونعم كل الريايل بس حركاتك صدمتني وما توقعتك جي انا انسانه تزوجت استر بيتي وزوجي واربي عيالي احسن تربيه ما ابا باجر عيالي يكبرون ويعرفون ان في يوم من الايام ابوهم كان يسوي هالحركات....

ولا انسانه ترضى تعيش يا واحد خاين هددديه خليه يحس انج صدق بتخلينه وبتروحين عنه..وبينيله انج صدق تبين حياه حلووه مب تعال وتزوج وخووون...

ترا حتى الحريم يرمون يخونوون بس لو ما كنا نخاف من ربنا وعقابه وجان سوينا اكثر عن ما يسون الريايل

المشكلة اذا كان متعود قبل الزواج

يعني الوضع سار ادماااااااان

ذكرية بالله وان كل اللي يسوية ربنا راح يحاسبة

وان لة اخوات وبكرة راح يسير لة بنااااااااات

والدنيا دوارة

بس نصيحة مني لا تخبرين اهلج بالموضوع مو حلوة .. تكون صورة زوجج عند اهلج كذا ...

انا مع دريم ويب بس هدديه عشان يخاف اذا كان يخاف واذا مايهمه الموضووووووع لاتجيبي سيرة وتقولين بعلم اهلي بعض الرجال ماهمه ولو حط شئ في راسه يالطييييييف عليه اكيد فهمتيني

الله يهديه ويسخره لك ..

الله يعينج يالغاليه الصراحه ما ادري شو اقولج حاولي اتغيرينه ودوامي على الدعاء و الله يهديه ان شا الله

ادعي وقولي اللهم ابعد عن زوجي جميع الفتن واجعلني فتنته الوحيد
اللهم قنع زوجي بي وقنعني به

هلا خواتي مشكرات على الرددود وما قصرت

ريلي اصلن قبل العرس يغازل والله انا اموووووووووت فيه ....
انا مشبعتنه من كل شي من يقولي اريدج ما ارده ما كد رديته من عرست
واتلبسه كل شي حتى يوم اطلع اتلبس واتعدل ...... وامس رمسته في الموضوع وقالي انا ما اغازل وستوت امبنا مشاكل واخر شي راضني قالي ما اغازل ....... بس الله يهديه ان شالله