الله يوفقها الي ترد علي.........

انا سمعت ان زيت السمسم حلو للشعر
كنت استعمل حبوب كبد السمك من غير خلطات ولا زيوت وشعري تحسن ووقف التساقط بس رديت احط زيوت شعري يتساقط اكثر من الاول
ياريت الي تعرف تفيدنا

وين فزعتكم يا عرايس 18 الي دشو محد رد غير ليالي الله يوفقا ونولها الي تبي انشاءالله

والله الي تعطيني حل للتقصف اني لدعيلها من كل قلبي في صلاتي
يلا عاد وين مشاركاتكم الشافيه باذن الله

حبيبتي عسى خير

توني اليوم سالت خبيره تجميل مغربيه تشتغل بمشغل
هل يسبب مضره وضع الزيت بشكل يومي وغسله قالت لي ابد مايضرك
لانك انتي تعتني به فاكيد مايضرك
فالتقصف الي بالاطراف الشعر تخلصت الان منها بقص شعري بس بقي الي قدام
بالخصل وعملت بحث بالنت عن وصف للتقصف فشفت باكثر من منتدى موجوده هذي
الوصفه وفكرت اني استخدمها لانها سهله راح استخدمها يوميا

وهي عباره عن
ملعقه كبيره زبادي او قشطه لكن الزبادي افضل
ملعقه كبيره زبده
ملعقه كبيره عسل نحل صافي......اخلطيهم وضعيها على شعرك
غطي شعرك بواسطه بونيه الحمام وشغلي مجفف الشعر عليها
حتى تشعري ان شعرك امتصها
وخلاص

لاتنسيني من دعواتك بس استخدميها يوميا منشان تفيدك
هم انا راح استخدمها من الليله

اختي انتي قصدج الشعر متقصف ولا متقصص ومنتف؟
لان التقصف ماله علاج غير القص، للاسف
وفي بعض الخلطات او الكريمات اللي حق التقصف بس هي في الصج تسوي طبقة على الشعر تخلي الشعره لاصقه ببعضها (لان الشعر المتقصف تكون فيه الشعره منقسمه لشعرتين)
بس بعدين مردها الخلطه او الكريم بيروحون من الشعر وبيرجع التقصف

وعن الزيوت، مايضر استخدامها اليومي
بس مايكون بطريقة تغرقين بها الشعر
ممكن تمسحين بها على الشعر، وزيت اللوز واايد حلو للشعر وخصوصا اذا خلطتيه مع زيت الخروع لانه يعتبر مرطب زين
وزيت السمسم بعد حلووو للترطيب
والاثنين انا مجربتهم وشفت منهم فايده في الرطوبة وليونة الشعر

عيوني لازم تقصين اطراف شعرك
والزيوت اتستعمليهم كا حمام زيت ثلاث مرات بالاسبوع او اقل
واذا بتسوين حمام زيت خلي الزيت على شعرك
نص ساعه اذا عندك بخار او بدون بخار ساعه
ولا تخلينه يطول اكثر من ساعه لو خليتيه راح يتسقط شعرك
وما هي مشكله اذا مسحتي شعرك (وركزي على الاطرف) كل يوم بأي
زيت السمسم او الوز الحلو او الخروع كلهم حلوين لشعر التعبان والمقصف

الله يوفقكم ويعطيكم العافيا ويرزقكم من حيث ما تحسبون

الاخت الي سالت متقصص او متقصف لا متقصف ليمن الجذور يعني ما اقدر اقصه ولا اصير قرعا
ههههههههههههههههههههههههههههههه