زوجة تعاير زوجها بدل ماتخفف عنه..شو تعتقدون نهايتها..؟

المفروض تصبر يمكن هذا اختبار لهاا من رب العالمين ..

ولازم الزوجه تصبر على حياتهاا .. وشو يعني لو بتعايره بتلقى كل شئ ..

مع اني مب متزوجه .. اكره شئ عندي يوم اشوف الشخص يعاير الشخص الثاني ..

انا اختي الله يهديهاا ويحنن قبلهاا على بنتهاا .. اتعاير زوجهاا انا دايما اقولهاا يا اختي ان الزوج مايحب يسمع الكلام والمعايره من زوجته ولو فيه عيوب الدنيا .. بالعكس لو تمدحينه راح يحس .. الصبر ثم الفرج .. بإذن الله تعالى ..

خليهاا اتكلمه بالاسلويب الحلو مب اتعايره .. وبعدين الريال مب مثل الحرمه في صبرهاا ..

الله يهديهاا بس .. خليهاا تحمد ربهاا في كل الاحوال .. ربي ايسر امورهاا .. آآمييييييين ..

[FRAME="14 70"]الله يهديها[/FRAME]

راح اقول لج شي،، وحلو انها بتدخل وتقرا ردي هذا علشان تعرف نفسها اكثر
المرة لما تقبل على الزواج وتفكر انها تصير زوجة لازم تحط في بالها شي واحد، وهو انها بتبني بيت،، ليش دايما يقولون وراء كل رجل عظيم امرأة، وما يقولون وراء كل امرأة عظيمة رجل؟ واللي يبنيه الاب في سنين تهدمه الأم في يوم؟ لان المرأة تأثيرها قوي على الريال، وصديقتج الله يهديها في بالها احد هذي الامور: يا انها كانت تحلم قبل الزواج انها تعيش عيشة لاغنياء والقصور وتبي تصير مثل فلانة وعلانة... يا انها تعطي ريلها فلوس او انها تصرف على البيت فعلشان جذي محترة على الفلوس ليش يوديها على فلان وعلان... يا انها ما تحبه بس تدعي حبه لان اللي يحب الشخص يستحمل المر علشانه،،،
الريال ممكن يسكت في البداية ويراعي شعورها والضغط اللي هي عايشته، ولكن مع ترديد هالكلام بيحس انه عاجز وأنه عاله عليها، وبيدور اللي توقف معاه وتعينه وتحبه وتشجعه، وبتصير زوجته مجرد مسجل يعيد ويزيد في الحنة وعوار الراس... المرة اذا كانت دايما تمدح زوجها فهذا هو الشي اللي بيخليه يتشجع انه يدور الحل لمشكلته ويتخلص منها، دايما تشجعه وتساعده وتقول له انت تقدر، وراح يقدر باذن الله، لان الواحد لما يعيد الكلام على مسمع اللي يحبه ترتكز الفكرة في راسه، فهي قاعدة تحطمه تدريجيا والله العالم اي اللي راح يصير في الريال، والله يكون في عونه

بصى ربنا يهديها يارب بس ميصحش ابدا انها تعاير زوجها المفروض هى اللى تخفف عنه و بعدين الزواج مشاركة فى السراء و الضراء مش فى الفرح و بس و بعدين المفروض تصبر على ظروفه لان الله مع الصابرين وان من صبر فى الشدة شارك فى النعمه

سهلة انه يرميها لو حبها يشقق قلبه لاعافت النفس عافت طاريها

وترى الرجال يصبر بس لانفجر ماااااااااااااااااتقدر تسوي شئ بعد كذا

سهلة انه يرميها لو حبها يشقق قلبه لاعافت النفس عافت طاريها

وترى الرجال يصبر بس لانفجر ماااااااااااااااااتقدر تسوي شئ بعد كذا

انااااااااااااااااا معاك بيرمييييها

الله يهديها ويفتح على قلبها وينور بصرها ....
والله اكبر غلط انها تعاير زوجها بهالظروف هذي ... بدال ما توقف معاه وتدعي له وتساعده اذا كان معها شوية فلوس !!!
سبحان الله هذي بنعمـــه وأعظم نعمه ( بيت - زوج - أولاد ) وداستها برجلها !!!! وبكل سهووله !!!
الله يستر وش نهاية هالفسق اللي فيها ؟؟ !!! ....
ألف وحده يتمنون ربع النعمه اللي هي فيها ....
انصحها انها تحمد الله وتشكره على النعمه اللي هي عايشه فيها وتصبر وتدعي بكل وقت وبتشوف ان شاءالله نتيجة دعاءها لنفسها وزوجها
وانصحها انها تكبر عقلها شوي وما تناظر للناس اللي أعلى منها ... المفروض تشوف للي أقل منها وتحمد الله .... لأن والله نهاية الفسق بالنعمه مرررررررررررررره راح تعيش معها طول عمرها !!!

والله يا أختي أنا حابه إساعدج بس مامريت إو ما عشت مثل هلمواقف...

لعل ورى هلمواقف والمصاعب ...الفرج الكبير...

انصحها توقف معاه وتدعي له بالوفيق والرزق الواسع والهدايه وان الله يسخر قلبها له وبسخر قلبه لها ..
وتبتعد عن هالحركات اللي ما تسويها الا وحده جاهلة بالحياة ... الحياة فيها الحلو وفيها المر يعني مب كل يوم حلو ولا كل يوم مر .. خليها تفهم انها بعد كل عســــــر يسرا ... والصبر مفتاح الفرج بصراحة الله يعين زوجها عليها اذا هذا اسلوبها ..

وخلها تحط في بالها شئ " دعـــــــــاء الزوجة لزوجها مستجاب "

يعني لا تقصر في الدعاء له ولها ولأولدها ...
وعن تجربة عن نفسي كل مااشوف زوجي ضايق باله من دوامه ولا من فلوس ولا من اي شئ على طول ادعي له وربي مااشوفه الا زال همه وتغيرت احواله والحمد الله على كل شئ ...

[COLOR="Magenta"]حبيبتي الي تسوية صديقتج اكبر غلط

انا امر بالي تمر فيه صديقتج انا عشت في بيت هلي عز ودلال انا كنت عارفة انه مافي رجال راح يقدر يعيشن بنفس الوضع في بيت هلي كنت ابوي يعطيني فلوس بالهبل كله شنط ماركات وكل صيف باروربا نقعد بالشهور ودوم يحجز لنا درجة اولى ......... الخ هاي كانت حياتي في بيت هلي تقدمولي ناس كثير ومن بينهم شباب من عايلتنا عندهم فلووووس بالهبل بس معاملتهم للمراة معاملة خايسه كنت اقدر اتزوج واحد منهم بس انا ماكانت تهمني الفلوس وخذت زوجي وانا كنت ادري انه على قد حاله ماعنده الا معاشة بس اخلاق راقية وانسان طيب ويعاملج احسن معاملة مانكر اول ماتزوجت تعبت واااااايد من الناحية المادية لانه الصرف الي كنت متعودة عليه اختفى مافي سفر مايعطيني الا مصروف بسيط مايكفيني حته اسبوع ومرة تهاوشت مع زوجي نفس صديقتج بسبب انه مايسفرني ولا يجيبلي هدايا غالية قالي كلمة جرحتني قالي انا بالي عندي احاول اسعدج وترى الفلوس تجي وتروح بس يتم الرجال والله قعدت اصيح من كلامه انا عندي زوج طيب بكل معنى الكلمة يسويلي اشياء بسيطه بس اهم شي يحاول يسعدني يكفي حبيبتي في هاي الدنيا راحة والله انه الشباب الي يقربون لي والله انه زوجاتهم عندهم كل شي من الناحية المادية بس مو مستانسين لانه ازواجهم مايعاملونهم زين ولا يقعدون معاهم ولا يطلعونهم ولا كل ماسمعهم يتشكون اقول الحمد لله على الي عندي والله انه الفلوس ولاشي اهم شي الانسان ولا خليها تنتبه لا تخسرة ترة الازواج مايبحون الهواش ولا المشاكل انا يوم كنت اتهاوش مع زوجي والله انه كان يهرب من البيت لاصحابة بس من بديت اطول بالي واصبر صار مايحب يطلع من البيت واذا طلع يطلع معاي ترى هم يحبون راحة البال اذا كان زوجها مايقدر على مصاريف الببيت والعيال خلي صديقتج تشتغل عشان تساعده وترتاح انا الحين الحمد لله حصلت شغل وان شاء الله بحاول اساعد زوجي لانه الرجال ترى يبيلهم وقت طووويل عشان يقدرون يوقفون على رجولهم لو تحبة تصبر ترى الزواج يبيله تضحيات

والله يهديها لزوجها يارب [/COLOR]

تحترمه عشان مايدور غيرها ويتركها وتندم على مافات تصحح اخطاها وتتعهد على نفسها ماتقسى عليه

:sm229::think:هلا اختي بصراحه وايد اتاثرت بس الله يهديها هيا وزجها
سؤال يااختي هل هذي اللي تتكلمي عنه تعرف وهل هيا راضيه

الله يهديها يارب

تصرفها أكبر غلط في حياتها

الرجال ما ينسى ابدا

ويوم ورا يوم راح يبعد عنها

الريال الحين حرمته زييييييييييينة ويتزوج عليها ،

كيف عاد مضيقة به!!!!!!!!!!!!

الريال يكرره المعاير ،، ويكره كل انسان يعايره

قوليلها ريلها بيكرها ويمكن مستحملنها عشان العيال ..

أنا أعرف وحده جي بكل شي تعايره حتى لو جدام الناس وتطري اهله وتغلط عليهم جدامه وهو صابر مب حبا فيها بس عشان العيال بس بعد يفكر احيانا يتركها من أسلوبها ..



وربي يهديهاا

الله يهديها بس بليز وصلي لها كلامي الرياااال ذبحيه بس ماتعايرينه ف شي والله اني ماريد اطلع من بيت اهل زوجي الا عشانه ومراعاه له لانه طالع داخل مايسمع الا السب من امه جوفي حبيبتي انا اول ماتزوجت كان زوجي يسحب المعاش منيه ويخلصه نفس الوقت تدرين اوقااات كان يروح شغله ماعنده للبترول كان ياخذ من امه وامه تعايره طووول الشهر بس تدرين شو سويت كنت آخذ فلوس من مخباه اول الشهر واظمهن له ويوم يكون محتاج اعطيه بس يوم يسالني اقوله اني خذتهم منه وابوي كنت كل اسبوع اروح عنده كان يعطيني بالخمسميات وبالميات كان مفروض اني اخليهم لي بس والله من حبي لزوجي ماريد حد يعايره كنت اعطي زوجي الفلوس الحمد لله والله فرجها علينا الحين زوجي مايطلب من احد الحمد لله اللهم لك الحمد والشكر
قولي لها تدعي ان الله يفك كربت زوجها وخليها تقرا سورة الواقعه كل يوم ف اليل هي وزوجها والله سبحانه وتعالى بيفك عنهم الدين ان شاء الله وانا بروحي مجربتنها الحمدلله على نعمه والله مفروض انها تحمد ربها على النعمه الي هيه فيها يعني الصحه والاولاد والزوج كنز لا يفنى.......

الله يهدي الجميع قولو امين

كسر خاطري زوجها.. الله يعينه ويهديها ويهديه ويصبره
واصدقت اللي قالت الحين في رجال زوجاتهم يشيلونهم فوق راسهم
ومع ذلك يتزوجون عليهم شلون لو وحده ماذية روجها؟
سبحان الله اذا زوجها صبر عليها الله بيرزقه بوحده احسن منها حتى لو ماعنده فلوس
الله مع الصابر و بيسهل عليه ويتزوج غيرها
في وايد رجال على قد حالهم بس متزوجين اكثر من وحده ماشاءالله
خليها تعقل قبل لا يفوت الفوت
سبحانك اللهم وبحمدك وتعالى جدك ولا اله غيرك