بنات البحرين.. ممكن تساعدوني

س

سيدوه

عروس جديدة

09-04-2008 | 05:33 AM

السلام عليكم.. هلا حبيباتي

اذا ماعليكم كلافه وأمر..تساعدوني:21_207:
انا بزور البحرين بعد كم يوم وابغى اعرف المحلات الي فيها تجهيزات للبيبي؟؟ وكيف اسعارهم؟؟
وبعد محلات يكون فيها ثياب للبيت تناسب لبعد الولادة اقصد عشان الرضاعة وثياب عشان استقبال الناس..مو تهملوني بعدين ازعل :sad:

س

سيدوه

عروس جديدة

10-04-2008 | 02:15 AM

:cry::cry::cry::cry::cry:
وينكم يابنات البحرين مافيه مساعدة
ولا ماعندكم محلات لتجهيز البيبي .. ما كانش العشم فيكم كده

n

nazoo alone

عروس متألقة

10-04-2008 | 02:26 AM

هلا اختي انا يمكن افيدج

عندج مجمع السيف طبعا فيه مذر كير بريطانيا اغراضه حلوه وشيك ودبنهامز وماركس اند سبنسر ونكست عندهم ثياب حلوه

وحق جلابيات كشخه وحلوه حق استقبال الناس روحي على الرفاع البوكواره بتشوفين صفه محلات جلابيات

في بوري مكان اسوي افراشات احليوين وايد اسمه النجم الجميل وصاحبته موجود عندها اشياء اكثر في بيتهم في مدينة حمد واسمها ام محمد وصاحبته تصير اخت ام منذر اللي في السنابس ، يعني تقريبا اشيائهم متشابهه غير ان ام محمد عندها بيجامات وثياب النفاس اكثر من ام منذر ..

-في محل اسمه اريام لاصق في صيدلية ناصر وحلويات جناحي الي في النادي الأهلي وفراشاتهم كشخه وايد وايد اشغالهم حلوة ونعومة عجبوني وايد للاشخاص الي يحبون الاشياء الناعمة الاسعار غالية شوي بس الشغل حلوو

-في ام الحصم في مكان اسمه مبروك مقابل مدرسة ام الحصم الأبتدائيه للبنين وصاير مني صوب شيخ ميثم بس يقولون غالي ويقولون شغله مرتب ويجنن بس مارحته

-في محل في سوق المحرق اسمه سديم وفراشاته روعه روعة اشغالهم واسعارهم شوي مرتفعه بس ساعات يسوون تخفيضات بعد ويسوون التوزيعات لين تبغين طقم ويا بقيت الطقم مال البيبي ومال الأم

-كوخ الامومه اغراضهم غاليه عدل وهم بسيطين يمكن يعجبونكم

- [COLOR=red]بيبي بورن في جدحفص [/COLOR]شغله ناعم وحلو بالنسبة لاسعارهم ماعرف

- وبعد اشراقة رضيع عندها تشكيلات حلوة اعتقد في المنامه شغل بنات بحرينيات حلو شغلهم وتقدين انتي تعطينهم رسمة معينة ويقلدونها لج بعد
بالنسبة لاسعارهم نص ونص وعندج يسلمون الحاجة بالموعد بالضبط

- وبعد فارنا في المحرق والرفاع بوكواره او مدينة حمد مادري عن اغراضه بالضبط ولا اسعاره بس سمعت البنات يتكلمون عنه

- وبعد رياض المحروس في المنامه عنده اشيه بس عاديه

- وبعد في محل في مجمع العالي عنده اشيه حلوه بس مااذكر اسمه بس اسعاره مرتفعه شوي

-سوق واقف مدينة حمد في محلين واحد اسمه احلى الأطفال والثاني نسيت اسمه

س

سيدوه

عروس جديدة

11-04-2008 | 09:49 PM

هلا حبيبتي..
تسلمين يالغالية على الرد ..
ماتتصوربن شقد جوابك ريحني وإن شاء الله استفيد من المعلومات الي عطيتيني اياها
كل هالعدد من المشاهدات وبس nazoo alone الي ردت ..
عتبانه عليكم

ا

ام الغلا شهد

عروس مشاركة

11-04-2008 | 10:46 PM

تختلف الاذوااااااااااااق وانتي الحكم

في محل اسمه الملائكه الصغار صراحه روووووووووووووووووووعه...اشكال غريبه ...واشيا غير مكرره...الموديل في منه قطعه لو قطعتين...اسعارها جداااااااا حلوه...المفرش مع الشنطه وفستان البيبي والمهاد والبساط وتلبيسة المرضعه ب400 ريال وفي ارخص بعد...اسعارها تبتدي من 300ريال...

سديم اللي في محرق يفصل لك الطقم ((مفرش الام ومدس البيبي ..جلابية الام ...فستانين للبيبي ومهادين وتلبيسة المرضعه 2 وبساط وشنطه وسرير البيبي لاول الشهور))هذي كله ب 1700 ريال...والخلق حقه شيفون بس التطريز الوان واشكال

مبروووووووووك...في ام الحصم..المفرش ((المدس))ب400ريال..والشنطه ب350 ريال..وموديلاته مو ذاك الزود...يعني سديم اكشششششششششخ

اما ريام...فهو نفس موديلات الملائكه الصغار...بس احس ريام الوانه باهته...هذاك الملائكه الصغار احلى ...

اما باقي المحلات اللي ذكرتهم الاخت...نازو........ماعجبوني كلللللللللللللش مع ان اسعارهم رخيصه جداااااااااااااااااااااااااااا...وانتي وذوقج

ش

شمــــــــــــ 22 ايل

عروس جديدة

12-04-2008 | 03:24 PM

اختي الملائكة الصغار في وين بالضبط

د

دلوعة جاسم

عروس نشيطة

30-07-2008 | 12:59 PM

الملائكة الصغار في وين

ك

كتكوتة زرقة

عروس مبدعة

30-07-2008 | 01:25 PM

هلا الملائكة الصغار اذا انا مو غلاطانه في عالي

ل

لؤلؤة البحرين

عروس مشاركة

01-08-2008 | 04:22 PM

في محل اسمه كوخ الامومه في بوكواره و فرع في مجمع مدينه عيسى
عندهم ثياب و فوط و مهادات و مراضع و وايد اشياء حق البيبي و اسعارهم وايد زينه
و في بعد عندهم اسره و مفارض و شنط و تقدرين اتيبين لهم القماش اللي تبينه و يسون لج اللي تبينه حتى الكرسي اللي يقعد فيه البيبي حق الاكل بعد موجود عندهم و اسعارهم وايد زينه يعني ماتتعدي 300 ريال