السلام عليكم ورحمة الله وبركاته
حبيت أخبركم خواتي باني ولدت والحمدلله.. والولاده كانت طبيعيه والحمدلله..
ويبت ولد ما شاء الله حليوووووو وسميته وكنت مختبصه شو بسميه وكنت مقرره اسميه خلفان وبعدين بغيت اتم على خليفه ويوم اتصل بي زوجي ربي يخليه علشان شهادة الميلاد في آخر لحظه غيرته ل راشد لان زوجي كان يبغي يسميه راشد بس قالي انتي الي حملتي وتعبتي فلج الحق انج تسمينه فبآخر لحظه حبيت اخلي اسمه باسم زوجي يفرح به..
فسميناااااااااااااااااه (راشــــــــــــــــــــد)..
ندخل لقصت ولادتي الي كانت صدق فلم رعب بنسبالي ههههههههههههههه..
قبلها بيوم كنت اقول لزوجي شكلي بولد بموعدي الي هو 3 أبريل الموعد على حسب الي عطوني الدكاتره.. ام الدكتوره الي اراجع عندها عطتني 5 أبريل..
فرحنا نشتري (المنز) للبيبي وبليل زوجي كان يعدله ويرتبه فمرت علينا الغرفه امي وقالت لا ترتبون شكله البيبي مالكم بيطول وما يبغي يطلع ههههههههههههه..
وسبحان الله الفجر علساعه 3 حسيت اني بروح تكرمون الحمام علشان اقضي حاجتي.. ولما خلصت وانا انظف المنطقه شفت افراز لونه مايل للوردي.. لان من اسبوعين تقريبا ينزل مني افراز بس ماله اي ريحه وهالافراز بسبب ان البيبي يالس ينزل شوي شوي فبسبب الضغط المنطقه تفرز افرازات بيضى.. المهم كان لونه هالمره مايل للوردي يعني ممزوج معاه دم.. فخفت على طول تذكرت الام الطلق لاني عن جد عانيت يوم ولدت ب حمدان.. فقلت لا يمكن مش يومي بروح اريح احسن لي.. رحت انام ما قدرت لساعه 4 وهنيه بدى الالم شوي شوي كل تقريبا 15 دقيقه.. والم بسيط وخفيف جدا.. فجأه زوجي نش وسالني شوفيج قتله يمكن اولد قالي والله :eek:وأخيراااااااااااااااا.. قتله لالا خلنا نصبر يمكن مش يومي هذا لان مرات اتصير فيني ويكون بس شوي ويروح..
وما اشوف الا الويع يزيد كل 10 دقايق.. الظهر والمنطقه الحساسه.. فقلت خلني آخد دوش دافي اريح اعصابي.. وخذت الدش ورجعت وانسدحت علشان اريح اكثر.. حتى صارت الساعه تقريبا 10 والالام اتزيد وانا ماسكه عمري ما ابغي اي حد يحس فيني (اتحسب عمري سوبروومن)..؟!
والساعه 10 قلت لزوجي يالله قوم خذ شاور وانا بروح اخبر امي على اساس بروح المستشفى..
وربع زوجي تكرمون الحمام وقتله لا تستعيل خذ راحتك.. ورحت لامي اشوفها تغسل ويه حمدان فقتلها ريقيه بسرعه قالت لي شو فيج ويهج متغير قتلها هيه اليوم هو يومي.. وجان تربع راحت تاكل حمدان..
ورجعت الغرفه امشط شعري واجهز عمري.. والالام اتزيد كل 5 دقايق..
فقلت لزوجي عجل احس اني بموت ما اقدر خلاااااااااااااااااااااااااااااااااااص :confused:
قالي يالله بسرعه بسرعه راح السياره وانا وراه وامي ورايي..
وفي السياره (فلم هندي) يوم يرجع الويع كنت ما اقدر اتحمله فكنت اطلع اصوات ههههههههههههه وامي تقولي هذا البيبي رقم 3 وانتي ما تقدرين تتحملينه.. اذكري الله.. وزوجي مسكين خايف كل شوي يشوفني ويسوق مثل المجانين بالشارع.. يلفلف على الخلق..
ويوم وصلنا المستشفى (الوصل) طوارئ.. مسكينه امي يابت لي ال wheel chair وتمت ادزني لداخل.. ويوم دخلت شفت نيرسه هنديه يالسه وانا ماسكه نفسي من الويع..
جان تقولي شوفي بنظرات مثل ويها.. وانا حالفه اي حد يقولي اي شي من هالهنديات والله لارد عليهن واسوي حشرة لاني يوم ولدت حمدان لعوزوني واااااااايد وانا ساكته..
المهم..
قتلها يايه الطوارئ يعني شو فيني يعني..!؟ بولد..
جان تقولي في ملف قتلها لاااااااااااااااا وحطيت جدامها اوراقي من المستشفى الي كنت اراجع فيه.. جان تقولي لااااااا ما في ملف ما في دخول ما في ولاده:rolleyes:
هنيه عصبت جان اقولها انا موااااااااااااااااااااااااااااااااااااطنـــــــــــــــــــــــــه.. وطولت علشان تفهمها عدل.. فقتلها ربيعتي قبل شهر ولدت عندكم بدون ملف ومحد قالها شي.. جان تسكت وتمت اترمس النيرسه الثانيه بلهجتها.. جان اقولها هاي الولاده الثالثه وانا في كل مره اسوي جيه واول مره اسمع انه ما يصير.. جان تقولي اوكيه بدخلج عند الدكتوره وبنشوف شو بتقول.. وودتني هناك والدكتوره فحصت عليي جان تقولي 6 سانتي على طول غرفة الولاده.. وزوجي وامي يتريوني برع على اعصابهم.. وعقب ودوني غرف الولاده وانا مره الام الطلق ذابحتني وماسكه عمري..
بدلت لبسي وانسدحت علسرير وقلت لامي وزوجي طلعو برع ما ابغي اشوف حد بهالحاله.. لاني ادري ان شفتهم بتم ادلع وبضعف جدامهم وما بغيت اشوف دموع امي ما اتحمله..
المهم..
رقدت على السرير ووحد من النيرسات كانت تعبي بياناتي بالملف وتمت تسال وتسال وانا حالتي حاله احس اني بولد والطلق حاااااااااااااار.. وعقبها دشت نيرسه ثانيه ونفس الاسئله.. وعقبها نيرسه ثالثه ونفس الاسئله وكل نيرسه تسال وتطلع وتدخل غيرها وتسال وتطلع.. وآخر شي دشت وحده زلمه يحليلها ونفس الاسئله وجان اشتط وقتلها كل وحده ادش ونفس الاسئله ونفس الملف بلا اساله ووجع الراس الاجوبه موجوده عندكم حق شو هالحركات؟؟ اتغير ويها وجان تطلع المسكينه..
ورجعت النيرسه الاولى وبندت الباب ويالسه اتكتب واتكتب بهالملف ومعطتني بولباس وانا مره ما قادره جان اقولها و ين الدكتوره خلاص ما اقدر تعبت.. جان تتصل بالدكتوره ويت اتشيك عليي جان تقولي 8-9 سانتي جان اقولها شو تترين قالت لي ببطل الماي علشان يطلع وعقب بتتويعين حيل وبعدين بخليج تولدين.. جان اقولها اكثر عن هالالم تبغين تعذبيني؟؟؟؟؟؟؟؟؟؟ قالت لي لازم ولا تحاتين هالمره بتولدين بسرعه عندنا طريقه حديثه بالولاده هي ترمسني بالعربي وانا ارد عليها بالانجليزي (والله متفيجه)..
المهم..
طلعت وخلتني بروحي مع النيرس.. وجان اصيح من الويع الحاااااااااااااار.. فقلت لنيرس وينها الدكتوره ناديها ما قاده خلااااااااااااااص.. فقالت لي هدي هدي المشكله ما بنقدر نعطيج مهدي ولا شي خلاص انتي بتولدين الحين فقتلها عيل شو تتريون تبغوني اتعذب وانا اصيح جنه حد ذبح حد من اهلي..!!
جان اتقولي فلانه هدي وتمت اتمسح في ظهري.. وعقب قلت في نفسي خلهم يولون بولد وبسوي push بروحي وبغامر وخلهم يولون من الطلق الحااااااااااااااامي هذا ما قادره خلاص..
يوم شافتني النيرس يالسه ادفع ركيض راحت تزقر الدكتوره..
وياو يشيكون والله ويهم تغير علطول الدكتوره لبست لبسها هذا وبندت الباب وهي والنيرسه ماسكيني اونه نامي على الجنب وادفعي فقتلهم لا مرتين ولدت عادي وانا نايمه على ظهري.. فقالت لي الدكتوره لا هالطريقه افضل فرديت عليها لااااااااااااااااا الطريقه الي مجربتنها افضل ويالسه اناحس معاهم.. جان تقولي ما بجبرج حاولي.. حاولت مره مرتين وما قدرت تميت اصيح.. فقالت لي شفتي الحين انجرب طريقتنا نامي على الجنب وادفعي..
ونمت وبالفعل مره مرتين وثلاث ودفعه ورى دفعه طلع رشوووووووووووووود وسمعت صوته وهو يصيح وصيحته كانت اهئ اهئ ماله بارض بصوت متقطع وعقبها نام ههههههههههههه (a)
على طول حطوه في حظني وهو مش منظف وقالولي رضعيه.. قتلهم توه الناس؟؟ قالولي لازم يشم اول ريحه ريحتج؟!
المهم..
وعقب ارتحت والله.. والحمدلله جت سليمه..
وامي ما اتريت ينظفوني دشت اتشيك على البيبي ولد ولا بنت ههههههههههههههه.. وعلى طول طلعت لزوجي قالتله قصيتو عليي قلتو بنت؟! وانا يالسه اضحك داخل لاني بغيت افاجاءها هي بغت ولد ونحن قلنالها بنت..
وانولد راشد بيوم الاثنين 31 مارس 2008 يوم الاثنين علساعه 12 و25 على أذان الظهر بالضبط..
وربي يجعله من الذريه الصالحه..
قصتي طويله بس حبيت اخليكم تندمجون فيها على طولتها ههههههههههههههههههه..
والحين بقطع عنكم كم من اسبوع علشان الاربعين يوم والعنايه وغيرها من المسؤوليات..
باذن الله ارجعلكم بكل قوتي..
والسموحه..