انا تعبت :( ساعدوني .... - منتديات عروس

P

Pink Lily

عروس جديدة

07-04-2008 | 11:05 PM

انا الصراحة تعبت و الله تعبت :confused:
تعرفون من شو !! من سواد الابط ( مش اسود اسود بس مش نفس لون جسمي بعد :tongue:)
وبعد المنطقة اللي تحت !! تعبت منها .. اصلا ما احط عليها اي شي بس ارطبها كل يوم !!

سمعت عت كريم العروسة لتبييض المناطق الحساسة والابط ..افكر اجيبه بس خايفة ... بليييز اذا حد عندها اي فكره عنه او استخدمته قبل ترد علي ..

وادعولي الله يوفقني انا وخطيبي وييسر لنا الامور ..

س

ساره 2011

عروس مشرقة

08-04-2008 | 01:56 AM

ماعندي فكره ياعمري ...لكن ماحبيت اطلع بدون ما ادعي لك..الله يوفقك وييسر امورك ويسعدك انتي وخطيبك...

ل

ليته بجنبي قريب

عروس جديدة

08-04-2008 | 04:36 PM

الله ييسر امورج كلها ويسعدك ياااااااارب
بس والله ماعندي فكره
السموحه عالقصور

موفقه

Y

YYYY

عروس نشيطة

08-04-2008 | 04:41 PM

انا بعد سوري ما عندي فكرة

ا

ام وسيم

عروس متألقة

08-04-2008 | 06:49 PM

حبيتي جربي ليمون وجلسرين

×

× همسة براءة ×

عروس نشيطة

09-04-2008 | 03:39 AM

جربي لمدة اسبوعين على الأقل ماتستخدمي مزيلات عرق وحطي بداله ليمون والطريقة اعصري كم نقطه في راحة كفك وامسحي بها الابط...

N

N O U R

مشرفة سابقة

09-04-2008 | 04:02 AM

شيء خيال ماتوقعونه لتفتيح المناطق الداكنة وعن تجربه
جربنا كثير من الخلطات والكريمات لكن بدون فائدة ويمدحون الليزر بس والله لو ماكانت ركبك ولا اكواعك شوي مفتحة ماينفعك ... ومثل مانقول دوماً يهمنا خلطاتنا تكون طبيعية لكن لايخلو الأمر من بعض المستحضرات الكيميائية لكن شر لابد منه ...

هالوصفه تخلى المناطق الداكنة علي درجه واحده من النعومه ... وتزيل الحبوب الصغيره البارزه وتخفف السواد في كثير من المناطق ..

منها :
الركب و الأكواع واللي انتوا عارفين

واهى عباره عن :
علبة جليسوليد الاحمر_ معروف بالصيدليات _
نص علبة جلسرين السائل_ لونه ابيض شفااف يباع بالصيدليات
نص كاسة ليمونه
ملعقتين فازلين

طبعا تخلطينها مع بعض زين ... وتحطينها بعلبه .. وتستخدميها لكافة جسمك.. واسفل رجولك لانها تساعد على التخفيف من التشققات ولو جسمك مايحتاج اهم شيء المناطق الداكنة ، وممكن تحطينه قبل النوم ويوم تصحى تاخذين شاور او قبل الحمام بحوالى 3 ساعات وراح تلاحظون نعومه خيال و تفتيح لون هالمناطق لكن يبيله استمرار وصبر
بالنسبة لي استخدم لوشن من المحلات الاندونيسية مره حلو بعد الحمام بس تقدرين تستعيضين عنه بالزيوت فزيت الزيتون مع الليمون مفيد لهالمنطقة يعني بعد الحمام ممكن تضيفين خليط زيت زيتون وزيت خروع وزيت لوز مر

اخلطيها بعلبة على طول تكون جاهزة وبعد الحمام افركي فيها المناطق الداكنة والليمون لو اضفتيه بعد الحمام انتبهي تطلعين في الشمس عشان النتائج راح تكون عكسية ونفس الشيء الفازلين لاتطلعين فيه بالشمس .

N

N O U R

مشرفة سابقة

09-04-2008 | 04:07 AM

بياض وتوحيد لون بشرتك و بشرة أطفال
بعيداً عن المستحضرات الكيميائية ولان الفازلين مستحضر طبي انصح بهذي الخلطة المميزة والفعّالة لذوات البشرة السمراء ولتفتيح المناطق الداكنة

الطلبات متوفرة في كل بيت خرابيط المطبخ بتضيع بخلطاتنا بس حنا أهم، وعقب اسبوعين تلاقين النتائج الفعلية لكن ممكن من ثالث استخدام تلاحظين الفرق...

وهذي وصفة للدكتور جابر القحطاني و مجربة محاكيتكم حقل تجارب لكم

و اهي عباره عن :
مسحوق الكركم مع الفازلين ..

الطريقة:-
ملعقتين فازلين مقابل ملعقه وحده كركم ولو حسيتي انه ثقيل حطي شوي زيت خروع او زيت زيتون علشان يسهل الاستخدام ولو كانت بشرتك دهنية لاتضيفين الزيت ادهني به المناطق الداكنة في الصباح والمساء ..

والنتائج تظهر خلال أسبوع الى أسبوعين مع الأستخدام المنتظم..
يستخدم للوجه والرقبه والباط وجميع مناطق الجسم الآخرى

ش

شوشو الدلوعه

عروس نشيطة

09-04-2008 | 04:21 AM

ماحبيت اطلع من غير ماارد عليك
ان شاء الله البنات يساعدوك
والله ينولك اللي في بالك

ا

الجوهرة السعودية

عروس برونزية

09-04-2008 | 08:28 AM

بنسبة لتفتيح المناطق الغامقة استخدمي خلطة الدكتور جابر وهيا الكوم + رتن اي +والدكين تخلط مع بعض وتستخدم مرتين باليوم لين يخف السمار ويروح

واي شي طبيعي مايجيب نتيجة الا الليمون فقط ويحتاج وقت طويل عشان يباان

ح

حلا2006

عروس فضية

09-04-2008 | 11:19 PM

بالنسبة لمنطقة الابط جربي تشيلينها بالحلاوة

ومثل ماقالوا البنات اليمون بس انا ماجربتة

الله يوفقك ويسهل امورك