زوجي كله نايم

حبيبتي مادري شو قول لج بس الله يعينج

بس يستحسن يتدخل حد بينكم اذا مافيها شي
والله ييسر امرج

>_<

اصبري عليهـ ..
بس لاتدخلين حد بينكم .. لانهـ يمكن يتضايق منج بشكل اكبر ..
ونفس ماقلتي انهـ كارهـ البيت

بس هو مجبور يعني هذا شغلهـ ..
بس حاولي تقولين لهـ ان ينطم نومه على اساس اول مايرجع من الشغل يرقد
ويقعد معاكم شوي قبل لايروح شغلهـ ..

وانشاللهـ الباقيين يفيدونج اكثر

:)

الله يصبرك

حبيبتي هذا شغله و مصدر رزقه شو تبينه يسوي يعني
كيف يصرف عليكم .. مثل ما انتي ام و مسؤوله عن طفل و نومج مرتبط بالبيبي هو بعد اب و مسؤول عن البيبي نفسه و لازم يشتغل عشانه و عشانج
تخيلي يودر شغله عشان يكون له وقت للبيت كيف بتعيشون
هو ما يقدر يسوي شي عشان جيه يسد الموضوع بعصبيه .. لاتضغطين عليه .. اذا تبين اضغطي على عمرج و نشي الساعه 3 او 4 و يلسي وياه لين الساعه 6 هاي عالاقل ساعتين او 3 انتي بس ويا ريلج بدون صريخ يهال و حشره و ترى احلى وقت هو الليل .. خاصه انج متطمنه البيبي نايم
فكره صح

الله يعينك خيتو خل زوجك يحاول يشوف له شغلة ثانية

هلا خيوو

والله ماادري وش اقول لش

بصراحه اكره شي هالشغل الا جدي

الزوجه تنحرم من شوفة زوجها والقعده معاااه

الله يعينش ويصبرش

عزيزتي ام شجاع ،،،

انا ما بقول ان العذر كله لزوجك ،، لانه دوامه ،،،
ولا العذر كله لك ،، لان يومك كله ارتبط بيوم نجوده !

لكن ،، اكيد فيه حل ،،

هو دوامه من 8 الى 3 ،، جدولي نوم بنتك في هالساعات ! وهي احسن ساعات النوم صحيا للجسم !
وانتي نامي معاها !
او ريحي !
واستقبلي زوجك في هالثلاث الساعات اللي يقعد فيها
تراها احسن من ولا شي
اعتقد انه ما في مجال يغير شغله
بس في مجال تتغير نفسيته لما تبدأين انتي بالتغيير !
حاولي ! و شوفي
والله يكون بالعون

ام شجاع خيو مثل ما قالت قويه الساس نامي مع بنتج لين زوجش يروح الشغل ولما يرجع تكونين انتي صاحيه ومفرفشه بعد....تراه راح يستانس وايد..انا ريلي لما يرجع من الشغل اخر ليل اوقت الساعه قبل لايرجع بنص ساعه واقعد وياه شوي زين ..وبعدها يروح ينام ويقعد للغدى وبعدها مباشر على البحر ما يرجع الا المغرب يسبح ويصلي ويروح الشغل من وقت بعد..بس ااقلم نفسي مع شغله ..حاولي انتي وبتقدرين

:9_28: الله يسر لج امورج

الله يعينج حبيبتي اتمنى البنات يفيديونج

خيوه أم نجوده

البنات ماقصروا وبالذات الاخت قويه الساس والاخت raytha

أخذي بنصيحتهم

وعشان أخفف عليش مشكلتش يالغاليه أقولج شوفي وضعي

أصعب منج ومع ذلك ما أعتبره مشكله !!!

ومثل مايقولون اللي يشوف مصيبه غيره تهون عليه مصيبته


زوجي يشتغل بوقت غير محدد وأغلبه بالليل <<<< يعني ماأعرف متى بيرد مبكر لو متأخر

ثاني شي طبيعه شغل زوجي متعبه جدا وساعات طويله تتعدى أحيانا 12 ساعه

ثالث شي ماعنده أجازه لا يوم جمعه ولا سبت ولاهم يحزنون

رابع شي ماعنده تأمين من جهه عمله أبدا


فالبيت عنده مثل الفندق يجي ينام وياكل وجبته ويرد يطلع للعمل



وأول مايرد البيت يكون موصل لآخر نفس وينااام الوقت المتبقى



ومع ذلك ممشيه حياتي وياه بدون زعل


والحمد لله متفهمه ضروف عمل زوجي وهو مايقصر معاي لازم يطلعني كل أسبوع على غذا

أو عشا بره وناخذ الاطفال لأماكن الترفيه ونتسوق ونزور الاهل وكل هذا على حساب راحته


خلكم ريلاكس وخففوا من حده التوتر اللي فيكم والعصبيه ونظمي يومك دام تعرفين متى وقت رجعته



وأحمدي ربج واشغلي نفسج مع البنوته وربيها بتربيه صالحه والله يكون بعونج

انا قلت انكم ما راح تقصرون معاي

خلاص راح اسوي اللي قلتوا لي عليه

بس بشرط يطلعنا آخر الاسبوع

كلام البنات صح ، لا تضغطين عليه و لا تحنين لأن زوجش تعبان من الشغل و ما يستحمل كثر الكلام ، وبتشوفينه يعصب اذا واصلتي الحجي ... حاولي تنظمين وقتج و تقعدين معاه في الوقت اللي يرجع فيه من الشغل و كلما ابتسمتي و رضيتي بتكون أيامج حلوة

والله يسعدكم و يهنيكم

أختي دوامه شفت واحد متواصل !!!!!!!!!!!!!!

يعني ما في أيام يكون شفت صباحي أو مسائي ؟

متى يصلي؟؟

قوية السـاس;5652564:
حبيبتي هذا شغله و مصدر رزقه شو تبينه يسوي يعني
كيف يصرف عليكم .. مثل ما انتي ام و مسؤوله عن طفل و نومج مرتبط بالبيبي هو بعد اب و مسؤول عن البيبي نفسه و لازم يشتغل عشانه و عشانج
تخيلي يودر شغله عشان يكون له وقت للبيت كيف بتعيشون
هو ما يقدر يسوي شي عشان جيه يسد الموضوع بعصبيه .. لاتضغطين عليه .. اذا تبين اضغطي على عمرج و نشي الساعه 3 او 4 و يلسي وياه لين الساعه 6 هاي عالاقل ساعتين او 3 انتي بس ويا ريلج بدون صريخ يهال و حشره و ترى احلى وقت هو الليل .. خاصه انج متطمنه البيبي نايم
فكره صح

انا مع الاخت كلامها 100/100 صح

اختي هذي شغله وهذي مصدر رزقه
حاولي ان لم يرجع او يقوم من النوم تقعدين معاه مع الكلام الحلوو
ترى والله راح يرتاح معاج

ما قصرتوا يا بنات

مرموم;5654911:
أختي دوامه شفت واحد متواصل !!!!!!!!!!!!!!

يعني ما في أيام يكون شفت صباحي أو مسائي ؟

المصيبة يا مرموم انه شفت واحد

وما فيه اجازات

هو واخوي يشتغلون بنفس المكان

ويرجعون مع بعض

بس الاحظ ان اخوي يقعد عالاقل للغدا

زوجي ابدااااااااااااااااااااااااااااااااااااااااااااااا

اختي فيه شغله بعد حاولي تجربينها انج ماتخلينه

ينام اكثر من اللازم يعني النومه لين ثلاث ثنتين الظهر تكفيه حاولي تصحينه بأسلوب حلو تدشين معاه

السرير وانتي اختاري الاسلوب اللي يناسبه