دار بو مشعل مرحبا بكم

هلا اختى


انصحج تروحين عند الدكتوره مها اللي بعياده الدوحه ...وبتجوفين الفرق



تحياتي



مشاعل

هلا اختي


ماعرف هالدكتوره اللي تقولين عنـها بس دام كلامها ذم في الدكاتره والعيادات الثانيه


يبين عليـها نصاااااااابه



عنـدج دكتـور عـدنـان ودكتـوره سـوزان أبـو شـوووك وايـــد اوكـــي

جربت عدنان مره وحده رحت له ما عجبني يحسب كل الحالات نفس الشي... علاجه حق الكل نفس الشي ... ومها ما جربتها بس ما ادري هل اكمل مع ذي الدكتورة لانها بصراحة تفهمني بكل شي حتى لو شكلها نصابه على قولة ريلي بس ما ادري انا رحت لها اجيك علشان اشوف في تبويض وحجم البويضه ... وكان حجمها يوم تاسع من الدورة 10 يعني ممتاز على كلامها .. وعطتني موعد عشان اتابع في نضج البويضه فما ادري اروح والا لا

بس اختي دكتوره سوزان في وين ما سمعت عنها

هلا ياقلبي

انا اول مره اسمع بالهالدكتوره فديتج

انا كنت اول شي اتعالج عند ليلاما


وبعدين تعالجت عند عدنان وصراحه تعبت نفسياً ويا عدنان كان وايد يستهزء فيني اذا قلت له ابي احمل
يقولي ليش بدك تحملي انتي لساتك صغيره والأولاد مو كل شي وكنت اتنرفز منه


الحين انا اتعالج عند دكتوره هدى جاسم المحمد

وايد زينه

والله يوفق الجميع

هلا بنات دكتور فواز بعد زين وهو زوج الدكتورة هدى بس هو احسن منها والله يرزقنا اجمعين ان شاء الله

اي اف عدنان وايد يستهزه في البنات وهدى المحمد الي سمعت عنها انها لمتابعه الحمل مب تخصصها علاج حالات تاخر الانجاب... دكتور فواز ما سمعت عنه...... الله يعينا جميعا انشالله احمل هالشهر.........

وتحملون معااااااااااي

هلا فيكم كلكم

انا صار لي شهر تقريبا اتعالج عند فواز والصراحه مرتاحه وايد معاه احسه فاااهم
واللي شجعني اكثر اروح له في اكثر من بنت من بعد الله حملو على يده

مشكورين على الردود فديتكم

الله يرزقج ويرزقنا بالذريه الصالحه ان شاء الله
انا خذ لي سنتين من تزوجت
رحت حق عدنان وعلى قولتج يحسب كل الحالات نفس الشي يعني عدنان ماعنده غير الابر
واصلت معاه شهرين بس وقطعته
وهالشهر ناويه اروح حق دكتوره نسيت شسمها هههههههه اعتقد انها في مجمع المنصورة
برجع بكتب اسمها
زايد نا استفادوا منها وان شاء الله خير

تحياتي للجميع

ولا تنسون
ربي لا تذرني فردا وانت خير الوارثين

هلا فيج يا الغاليه الي بالمنصور الطبي اجنبية

انتو ليش تروحو لدكتور رجل ليش ماتكشفو عند دكتورة غريب

مشكوره فديتج على الرد بس الدكتور ما يكشف الممرضه الي تسوي السونار .. هاي اول شي ثاني شي مب حرام لانه دكتور واستشاري متخصص بهالشي مش دكتورة نساء وبس مب تخصصها علاج تاخر الحمل.. وتقبلي تحياتي

اللي تذكر الدكاترة انا عانيت من اجهاضين وكنت بحمد عند دكتورة وزوجي مو مقتنع بعلاج الرياييل بس بعد ماصار لي اجهاضين قلت باروح عند فواز مع اني كنت احن في حملي الثاني بس مالله كتب والحين سويت عنده نحليل كروموسومات وكل شي طلع سليم وللله الحمد بس قال لين حملتي نبتدي بالمثبتات ان شاء الله وكلامه وايد يريح وتحسينه انسان فاهم ولين سالتيه عن شي برد قلبج

انا تعالجت عند ليلاما واطلعت ماتعرف ورحت عند هدى وبعد ماتعرف الا الكلوميد وبس وغيرت ورحت عند عدنان وبعد مايعرف تعالجت عنده خمس شهور بس مافي فايده بس سمعت انه اشكثر احملوا من الابر الي يعطيهم بس انا مانفعوني والحين انا اتعالج عند عمر ابو زينب ومشالله وايد يذكر الله ويدعي لي بس لي ثلاث شهور عنده وهالرابع وانشالله احمل ويرزقني ويرزق الجميع الذريه الصالحه اما فاتنه سمعت وحده تمدحها وتقول انها مشالله علاجها اوكي بس ماجربتها وتقول انها تعالج بالابر والكلوميد في نفس الوقت بس الله يوفقج ويوفق الحميع وماوصيج بالاستغفار لانه يجلب الرزق

الله يرزقج الذرية الصالحة عاجلا غير اجلا ويرزق كل محرووووومة

حبيبتي جربي دكتورة رسفي في الاهلي وايد ممتازة

واذا ماتبين مراة جربي عمر بو زينب

والله يرزقج باللي تتمنينه

الله يرزقكم الذريه الصالحه

مشكورين فديتكم ويرزق الجميع انشالله... فديتكم قلت بستمر معاها بشوف يمكن على يدها سبحان الله