للحلوين فقط

ابغى رايكم انتوا تشوفون اللي انااااااااااا اشوفواااااااااا

ليش ماتردون ماراح يكلفكم شي

اللي ترد عليا الله يجزها الجنة يارب

معك حق اكثر الناس صارت ماتفكر بجمال الروح

مايفكروا الا بجمالا الجسد مدري ليه

الله يعين ويصبرج بس مو كل الناس سواسيه

يا حبيبتي ..
مش مهم تكوني جدا جدا حلوة ..!
في كتير حلوين جدا و رؤوسهم فارغة ..!
و على فكرة كل امرأة لها جمالها
مفيش واحدة مش حلوة ..
و النصيب في الزواج لا علاقة له بالجمال ابدا ..
هذا رزق ..
و رزقك سيأتيك .. فلا تتعجلي .
عسى الله ان يرزقك زوجاً صالح عاجلا غير آجل .

والله اني ماودي امدح نفسي بس كلة يجون خطاب يشوفوني ويمشون

مع اني مو وحشة

والله عندي جمال روح وطيبة ومحترمة

لكن تلقين البنت الحلوة لو فاسدة الخطاب عليها طوابير

الرجال اهم شي عندة الجمال
ولاتنسوا دور الاهل

ماساروا الا يدورون الحلوة

حيل

يعني الشينات يقولون الرسول دعاء لهم والحلوات جمالها بيخلي العرسان يجون

طيب الوسط وين يروحون

الله يرزقك زوج صالح عاجلا غير آجلا

للاسف التركيز سار على الجمااااااااااااال

صح كلامك ولكن ليس دائما
لأن في ناس مرررررره حلوين لكن بدون اي جاذبية يعني مااحد يحس بجمالهم
وفي ناس ابدا مافيهم جمال ولكن سبحان الله ماتقدري تقاومي النظر لها
وانا اعرف ناس والله ابدا مافيهم اي شيء حلو ولكن بعد فترة لقيتهم جنان لييييييه لانهم مررررره كانوا متعقدات من انفسهم وما استسلموا لهذه الاوهام والتعقيدات وبدأوا يهتموا بنفسهم ويستخدموا اشياء طبيعية للتبييض ولتصفية الجسم والوجه ومع الريجيم و صاروا جنننااااااااااان
وهذه الاشياء تلاقيها في الصيدلية واعتقد ان اسمها حليب الجسم تستخدم 6 ايام على ما اعتقد
وانت شيلي من راسك هذه الافكار ولا تتعقدي من هذا الشي
والله اني اعرف ناس قمة في الجمال ولكن الى الان مااحد خطبهم ابدا ابدا
واعرف ناس قمة في الوحاشة واتزوجوا رجال قمة في الجمال سبحان الله
يعني هذا النصيب
ولاتشيلي هم [/COLOR][/B][/I][/B]

اختي انصاف صح كلامك بس

ماتنكرين ان الحلوة عليها اقبال من الخطاب بس هيا اللي تتشرط بعكس بعض البنات تتمنى الستر وتبغى بس ابن حلال وطيب

ولا لقت من يدق الباب
ليش مو احنا مسلمين نفرق بالاشكال ولا الوان رغم اني مو وحشة

اممممم

يمكن فكرتك صحيحة ... لكن ماتنطبق على الجميع ونسبية

ولاتنسي الجمال اذواق ... في الي يحب البيضة وفي الي يحب السمرة

وكل شي في الدنيا قسمة ونصيب
ودليل شوفي المتزوجين او حتى المخطوبين ... هل كلهم بيض .. اكيد لا

وحبيبتي لاتعلقي بالك ان الجميلين لهم المعاملة ... تقدري تخلي الكل يعاملك مثل ماتبي

وتقدري تقنعي الي حواليك بجمالك ... بثقتك بنفسك

واما الي يدورون البيضة والجميلة ... صدقيني هالنوع من الشباب معبي عيونه من بنات المجلات وهالنوع
في نظري مامنهم ثقة على مر الزمن .. يعني كل ماكانت جميلة راح يظل يحبها
ومن يتغير فيها شي يمكن يدور غيرها

اما الرجال الي يخاف ربه دائما تكون شروطة معقولة .. ويدور على بنت الناس الي تصونه ...

ومن قالك ان الجميلة حظها اقوى هدا على كلامك ان البيضة هي الجميلة

اوكي ... كم وحده شفتها بيضة شعرها حرير .. لكن زوجها يخونها ... يعني جمالها مانفعها

وهم كم بنت سمرة .. وعند الناس اقل من عادية ... لكن زوجها ميت في حبها

والوظيفة ...عادة الي يعتمد على الشكل ... يبي يستفيد من شكلها
يعني الي يشترط الجمال تكون في الوظيفة .. واجهة لجذب الزبون

اما باقي الوظايف ... اهم شرط عندهم الشهادات والخبرات

وفي النهاية
كل انسان يملك خاصية تجمله

ياما بنات تشوفينهم جميلات .. لكن من داخل مافيهم ذرة جمال
يعني الواحد حتى لو انبهر في البداية .. راح تتغير النظرة في النهاية
ويصير الحكم هو الاخلاق

تسلموا يابنات الله يسعدكم
وادعولي بزوج الصالح يارب ابغى الستر

ماعندي شروط الا ولد حلال يصلي ويصوم ويخاف الله

السلام عليكم ورحمه الله وبركاته..

اختي معاج حق ,, اختي للاسف في الي تقولينه .. بس بقولج شغله .. انا قبل لا اعلق على اي شي .. ابي اتكلم معاج ..

اول شي التكنولوجيا ما خلت شي .. كل اساليب تطوير الجمال .. موجوده .. في منها الغالي وفي منها المعقول سعره .. ابحثي عنها وطوري نفسج ... واغلب الي جمالهم مبهوووووووووووووووووور يكونون استخدمو هالمواد الي تجمل مكياج بوتوكس عمليه تجميل انف .. حواجب ليزر .. تصفيه بشره .. حتى السمر أختي ... والله في جميلات منهم يقطون الطير من السما.. مب شرط البيضه ..

واكبر دليل على القبح .. مريوم .. ضيفه اهل زوجي . هذي والله ذره جمال مافيها .. غير جسمها والله تقدم لها شخص ( على كلامها للحين ما تأكدنا من صحه الكلام ) يقولون نقيب ووسيم ..

يعني احيانا الجمال مب معيار .. والشغله الثانيه يا اختي وايد ناس يتزوج جميله ولمه يشبع ويكتشف انها مب المستوى الاخلاقي او الثقافي الي يتمناه .. يدور على الشينه ,, وتشوفينه يموت عليها .. لانها تعامله عكس ما تعامله زوجته .. ثقافه دلع اخلاق كشخه . كل شي ...

المعيار اختي الحالي مع ان الموضوع في رأيي قسمه ونصيب .. لااقل ولا اكثر ... لكن الحين المعيار ارتفع .. الي يبي مدرسه والي يبي معاشها كبير والي يبي ملكه جمال والي يبي شهاده ..

يعني تغيرت الامور والنسب . بالنسبه للمعامله الخاصه أختي كلمه علقيه حلق في اذونج .. صاحب الخلق الحميد يفرض نفسه .. في كل مكان .. سواء كان شين او حلو .......

واخواتج هني بفيدونج وايد ,,,,, والله يوفقج ويرزقج ..امين

تحياتي
ام جنى

أختي ترى الجمال احيانا يكون نقمه

انا ما اقول اني جميله انا اعتبر نفسي متوسطه الجمال بس بين اهلي وجيراني صايره أحلى منهم ( سابقا بعد الحمل والولاده إخترب كل شي وهذا دليل ان الاشياء الجماليه غير دائمة)
المهم كانولدخالي يبيني وولدجيراني وخالتي تبين حق ولدها وانا ما ابيهم كلهم وادري ان لو اتقدمو رسميا ورفضت بتصير مشاكل ( كأنه زواج إجباري ) المهم أشوى تقدم لي شخص وسيده قبلت فيه بدون تفكير عشان أطلع من هالمشكله وخالتي سوت عزا واتصلت في امي وسوت لي مشكله أكبر والقصة طويله وتعور الراس في النهاية تزوجت من شخص أخر تماما وفي يوم الملكه كان أحد اللي يبوني واقف يراقب المعازيم وكنت خايف ان يدخل ويخرب الحفله بس الله هداه الحمدلله

ومثال ثاني عندي صديقة وياي كانت في الجامعه سمعت واحد بأذني يقول للي ويله تتوقع لو اتقدم حق فلانه توافق ؟ رد عليه وقاله ما اعتقد هالنوع (الحلوات قصده) يبون واحد عندة فلوس اووسيييم يعني اكيد عندهم شروط وايده انت مو قدها ومسكينةهالبنت للحين ما تزوجت

الله كريم والله يرزق كل محروم باللي يتمناه
وأأكد لج ان الجمال جمال الروح ياما حلوات ما تحبين تقعدين معاهم لانهم ثقال دم
وبالتوفيق لج اختي

كلامك مو صحيح


لا الحلوة مرتاحةولا الوسط ولا الوحشة على قولتك



قسم بالله كنت انقهر اني حلوة (( قولو مشاء الله هههههه )) واشوف ناس مالهم علاقة بالجمال يتزوجون ناس من احسن مايكون وانا الناس تشوفني وش هالجمال وش وش .. وبالأخير مافيه احد يتقدم زي الناس ... لكن الحمد لله تزوجنا .. صح مو زي غيري بس الحمد لله الستر زين

وتشوفين الشينة في نظر زوجها ملاك ... ويشوفها احلى خلق الله .. سبحان الله الموفق

يعني المسألة مسألة نصيب .. لك نصيم مع هالرجال او في هالوظيفة صار سواء حلوة او وحشة

وبعدين الحلوة تكون عليها عيون الناس غالبا .. وفرص التوفيق تكون قليله من العيون


وبعدين نظره الناس تختلف .. فيه ناس بتشوفك حلوه مررره .. وناس بتشوفك وسط .. وناس بتقول يعععع وش هالبشاعة !! .. لكل وجة راغب على قولتهم .... اهم شئ نظرتك لنفسك .. شوفي الأشياء الايجابيه فيك .. يعني سمراء طيب السمار ماهو وحش .. اغلب جميلات العرب سمر وعلى رأسهم " الهايفة هيفاء " ... وسعاد حسني .. وكله كون و" نادين " ملكة جمال لبنان عام 2006 كوم .. سمراء بس كلها ملح

انا اشكركم كلكم والله يجعلها في ميزان حسناتكم انكم تواسوني

تدرون عمري 32

يعني موصغيرة ومسالة الجمال سارت هاجس عندنا بسعودية

وتدرون الريال عندنا مايختار اهلة يختارون

أنـفـــال;5648656:
يا حبيبتي ..
مش مهم تكوني جدا جدا حلوة ..!
في كتير حلوين جدا و رؤوسهم فارغة ..!
و على فكرة كل امرأة لها جمالها
مفيش واحدة مش حلوة ..
و النصيب في الزواج لا علاقة له بالجمال ابدا ..
هذا رزق ..
و رزقك سيأتيك .. فلا تتعجلي .
عسى الله ان يرزقك زوجاً صالح عاجلا غير آجل .

انا مع الاخت انفال

وعمر الجمال ما كان مقياس