تعبت من الصراصير الضخمة

هلا يااختي الحال من بعضة
والفرق ان شقتي فيها صراصير
من النوع الصغيير
بس مطفشة عيشتي وماني عارفة
ارتاح منها ياريت الاخوات يفيدونا

هلااااا بأخواتي

الصراصير الصغيرة مشكلة كبيرة حلها صعب جدا

كنت أعاني منها والسبب دخلت ثلاجة جديدة في البيت

وكانت مليانة من الصراصير الفرنسية الصغيرة والحين ولله

الحمد ماعندي ولا واحد ..

والطريقة إني غيرت المطبخ الخشب إلى مطبخ ألمنيوم

وشلت كل شئ خشب من المطبخ وصبغت الغرف

وماتت الصراصير من ريحة الصبغ .. والحمدلله أنتهت معاناتي

الله يسهل أمركم بسرعة ألحقوا نفسكم بالشركة الخاصة لمكافحة

الحشرات قبل لاينتشر ويكون علاج المشكلة أصعب

الحين عايشين بشقة صعب نغير فيها اي شي

بس انا تعبت انا اكره شثتي اتكون فيها حشرات وصراصير

اختي انا اول ماسكنت البيت اللي انا فيه اللحين كان مليان صراصير

وخصوصاً الصغار مالت المطابخ وكنت ابجي بدموعي وماانام الليل اخاف يقربون مني وانا نايمه لاني من وانا

صغيره متعقده منهم وماحبهم

ومافيه إلا دموع وبجي واقول لزوجي طلعني من هاذا البيت ولا انا بأخذ بناتي واطلع

وقالي تعوذي من بليس وياب لي الشركه مالت رش المبيدات والحمد لله من اول يوم ماعاد اشوفهم غير ميتين

وهاذا الكلام صار له سنتين وماعاد شفتهم

حطي في البالوع دواء الجرب من الصيدلية البيطرية

والله آنه حالي من حالكم بس المشكلة عندي بالمطبخ..مافي رش ماحطيته ، حطيت البودرة اللي من لجنة البيئة وآشوف الحين رجعوا طلعوا.. آنه بعد آبي حل يفكني منهم...

شو هذا الدواء مال البواليع خبريني عنه

انا كنت اعاني من نفس المشكله بس صراصير صغار وفي المطبخ بس
اشتريت ريد مال الحشرات ورشيت المطبخ من فوق لتحت وسكرته وبعد ساعه قمت انظف واغسل والحمد الله مافي اي اثر لهم

بصصصصصصصصصصصراحه انا جبت شركه ترش البيت كله وترش البيارات
والحمممممممممممممممممدالله معد شفت شيء
جربي الرش صدقيني رح تدعين لي
رشي مرتين في السسسسسسسسسسسسسسسسسسنه وماراح تشوفينها
والخششششششششششششششششششب صراحه هو اللي يجيب الصوارير

خوذي نصيحت الاخت زاد روحي لصيدليه بيطريه وخوذي دواء الجرب يستعمل للحشرات في المواشي والحظائر والله انا جربته المده سنتين ماتشوفين لانمل ولا صراصير خففيه بشوي مي واغسلي البيت فيه او رشي تحت الموكيت والخزائن واماكن الصراصير وصبي داخل البواليع راح تختفي تماما

انا عندي مشكله اكبر
خلف شقتي مباشر فيه مزرعه كبيره
و هذي المزرعه كل شي فيها ... و شقتي شوي شوي احس قاعد يغزونا البعوض و الصراصير الصغيره و السحليات الصغيره ( الوزغ ) .. وافكر اجيب الشركه يلي ترش مبيد .. بس عندي سؤال :
بعد ما يرشون الشقه كامل لازم ما ندخلها لما تروح الريحه لو شنو ؟
و بعد ما يخلص الرش هل الاثاث في البيت يتاثر من الرش ؟ يعني غرفه النوم و الجلوس هل يتغير الاثاث و الخشب من الرش ؟؟

يلي عندها خبره و جربت ترد علي

اختي يمكن الكباته مال المطبخ من خشب

اذا من خشب يطلعون

أنا كنت أعاني من الحشرات ولما كنت في ساكو لقيت عندهم جهاز يطرد الحشرات والفئران أخذت الجهاز ومن يومها وأنا مرتاحه من الحشرات وهمهم وحتى سعره رخيص أقل من 100 ريال

اللة يعيننا انا بعد دخلت ادور على حل بعدما نفذت ل الحلول عندي