بيتزا مافي لا أسهل ولا أطعم منها

مراحب عزيزاتي شخباركم :)


هذا أول موضوع لي بهل القسم فأتمنى تعجبكم مشاركتي...أخذت طريقة هذي البيتزا من وحدة من العضوات الله يجزاها كل خير ,,, بس والله نسيت إسمها لأني حفظتها حفظ ... المهم ميزتها تنفع إذا كنت مستعجلة ولا مزنوقة لانها وااااايد سريعة وسهلة ما تاخذ 10 دقايق تحضير...يلا نبدأ

المقادير:

فطيرة البراتا الجاهزة مال الهنود (تلاقونها عجينة جاهزة بالسبرماكت مجمدة)
صوص البيتزا الجاهزة
كتشب
أوريغانو
شطة
جبنة مزورلا+ شيدر

الطريقة:

أولا: نسوي الفطيرة على النار ماتاخذ لها 3-4 دقايق علشان تستوي
ثانيا: نحطها في صحن للفرن نمسح على الوجه ملعقة من صلصة البيتزا وشوية كتشب وأخيرا نحط الجبن بنوعيه
أخيرا: نرش الأوريغانو فوق الجبنة حسب الرغبة.. وندخلها الفرن ونفتح عليها من فوق بس لين تذوب الجبنة أنا خليتها لين صارت ذهبية شوي طلعت ألذ...(y)

والله زوجي قال ألذ بيتزا إيطالية ذقتها :D...بس ديري بالكم تراها دسمة يعني لاتكثرون منها


والصور أرفقتها بالمرفقات :)

وألف صحة وعافية