أسئله عن ماليزيا ؟؟؟؟

حبيبتي والله..اسمحيلي ماقدر أفيدج لاني من الإمارات..بس ماحبيت ادش الموضوع ومارد عليج.. :)

بالنسبه لاول سؤال انا ماني من الدمام بس احنا اخذنا التذاكر وحجز الفنادق من الطيار من الرياض لقيناها افضل شي اعتقد عندكم فرع

السؤال الثاني مادري عن طيران ماليزيا بس فيه طيران الخليج ارخص من السعوديه

السؤال الثالث احنا اخذنا كل شي من الطيار بس احنا اللي اخترنا المدن كذا اريح حجزلنا كل شي الفنادق بكل مدينه حتى الطيران الداخلي اعتقد كذا اريح بكثير

السؤال الرابع انتي ماحددتي مع التذاكر وحجز الفنادق او بس التمشيه والاكل اذا انتي من السعوديه فالمعيشه اليوميه والاكل والمواصلات نفس اسعارنا وعلى حسب الفنادق اذا بتااخذين خمس اواربع او ثلاث نجوم بس انصحك نصيحه دول شرق اسيا الفنادق خوذي ثلاث نجوم تكون اسعارها ماتتعدى 350 وخدمتهم كانها خمس نجوم

السؤال الخامس مااعتقد فيه اشكاليه بس تذكري انه هناك فيه رحلات بحريه وشلالات

السؤال السادس لا اطمئني من هالناحيه مااعتقد فيه لان ماليزيا95%من سكانها مسلمين

السؤال السابع ماليزيا جوها معتد خوذي صيفي بس خوذي تغييره اوثنتين لعيالك لانه في مرتفعات كاميرون اذا كنتو بتروحون لها تراه بارده وايضا اذبرد بس اذا كنتو بتروحون لمدينة ملاهي اسمها جنتنق انتي تتحملين اولادك ماراح يتحملون

السؤال الثامن سوق ماليزيا ارخص من سوقنا والمبلغ انتي تحددينه على حسب مشترياتك بس ليش ماتاخذين فيزا اريح لك

السؤال التاسع ماليزيا مره حلوه اتمنى تدخلين بوابة السفر لماليزيا في منتدى العرب المسافرون واقري عن كل الاماكن السياحيه لان كل اماكنها تستحق الزياره اهم شي روحي المناره في كولالمبور فيه مطعم لازم تروحين له يجنننن 3ميل عن سطح الارض ومتحرك يدور فيك وانتي تاكلين طبعا شوي شوي وروحي لجتنق تبعد عن كولا ساعه تقريباوجزيرة لنكاوي مره حلو
بصراحه هذا اللي يحظر في بالي الان اتمنى اكون افتدك
اتنمى لك سفره ممتعه

اختي بصراحه انا اول مارحت لهم عورني قلبي من اشكال المفاصيخ

في كل مكان وغريبه حبيبة فهد ماشافت جذيه بس لاتخافين بتلاقين السعوديين ماشالله في كل شارع عندهم وبيطيبون خاطرج

اما مطعم المناره هاذا عالمي والمنظر منه خيالي وفيه ثلاثه بوفيهات كل بوفيه شكل

بس كلمة حق انا يوم جربت من البوفيه لقيت الصراصير تحوم ماشالله جواته وعععععععععععععععععععععع

عاد انا ديني ودين الصراصير حولنى الموعد تصوير بس مااكلنا عندهم مع انا جلسنا ثلاثه ايام

لين ماحصلنا حجز عندهم

اختي انا مش من السعودية بس حبتت انصحج ..
لا تستخدمين الطيران الماليزي لانه زفت ,, وفضيييييييع
انا استخدمته من سنغافوره ل..ماليزيا وكانت من ابع رحلات حياتي
انصحج بطيران الامارات اذا بتروحين ومعاج عيال ,, الافضل لج الراحه
خصوصا رحلة مدتها مايقارب 7 ساعات ,, بتتعبين في طيران رخيص ,,
دفعي وارتاحي انتي وعيالج ..

دمعه ------ألف شكر على الرد

حبيبة فهد -------الله يعطيك العافيه على المعلومات الحلوه وان شاء الله استفيد منها

أحلى البنات ----- مشكوره يالغاليه

منى -----لك ألف تحيه

للرفع

بنات تكفون خبراتكم عن المطاعم
انا ضايق صدري من سالفه الصراصير هاذي يمه وع
ابغى الاماكن النظيفه بكوالا وماليزيا عموما وين

س5/هل هناك مشكله مع السفر بالأطفال ( ولد 5سنوات - بنت سنه )
س6/ هل هناك أماكن يجب تجنبها من حيث الخلاعه في اللبس وغيرها لأنني أخاف أشوف شي مايرضيني وأتنكد ؟
س7/ مالأشياء الواجب توفرها معنا ؟
............

مافيه مشاكل وبتستانسون ان شالله.....

مافيه مناظر والحمدالله لبسهم عادي ....

انصحج بأخذ العربانه للعيال لنه واااايد مشي وبيتعبون ......وتخذين معاج عبه مسكره وجواتي سبورت لج على شان الجبال .....

ورحله موفقه انشالله

ألف شكر للجمييييييييييييييييييييييع

ونتمنى من الجميع المشاركه ولو بنصيحه لعل فيها الفائده والأجر لراعيتها
وجزى الله الجميع الف خير

بنات سوال ضروري عن الطيران الداخلي ايهم احسن الخطوط الماليزيه او ايراسيا
وايش المميزات والعيوب
بالنسبالي ابغى الطيران يكون قريب من المطار الدولي يعنى انزل لكوالالمبور وعلى طول اطلع لنكاوي يعنى ماطلع برا المطار
وابغى يكون السعر مناسب


وايش اهم الفعاليات اللي تنصحون نروح لها بماليزيا

ليش ماتبن تروحين كوالالمبور حلوة حيل و يكفي الطبيعة هناك و بعدين مادري عن الطيران بس لما وصلت المطار شفت ناس أنزلو معانا و انتظرو تقريبا ساعتين علشان بيروحون جزر بس ما عندي فكرة عن الطيران


روحي جنتج لاند الصبح لازم بس روحي بسيارة لما توصلين قوليلهم بركب تلفريك علشان تكملين صعدت الجبل فيه صج يخوف بس عادي لأن شكثر ناس تركب و تنزل منه عادي و إذا خايفه كملي بالسيارة الصعود لأن الملاهي هذي فوق جبل بس ثقلي لبسج لأنها بارده و ضباب و غيم و المطر فيها غزيرة وعلى فجأة


روحي شارع العرب بتشوفين كل العرب و أنصحك تروحي بليل و تتعشين بأحد المطاعم هناك و في مطاعم عربية


روحي سفاري كلها حيوانات بس كانت ابعيدة من فندقنا لذا ما رحنا لها هذا عيب ماليزيا كل مكان محذوف بروح .


أما المجمعات نفسنا و الناس تروحله هربا من الرطوبة

و روحي حديقة الفراشات و يكون الصبح علشان تشوفين عدل
وروحي مجمع تايمز كوير حلو بعد فيه فوق ملاهي حلوة

ومطارهم أصلا تسلية فيه قطار بس هالهله بالهدوء تراهم شعب هادي وما يحب الصوت أبد أبدا

و رحلة سعيدة يارب و ترجعين بالسلامة يارب

بنت الكويت ياعسل تسلمي اناراح اروح كوالالمبور لكن بعد ماخلص من لنكاوي وبييننق
لكن الى الحين مو فاهمه اهم شي بكل مدينه وكيف انسق وقتي

الله يسلمج أنا رديت و كل الأماكن اللي فوق في كوالالمبور بس الباقي مادري عنهم و هذي تجربة شخصيةو أي سؤال عنها احنا حاضرين

لا والله ماليزيا اغلب لبسهم فااااااااااااااااااصخ .. ياتشوفينهم قمة في الستر او قمة في الفصاخة ..

انتبهو من السوق الصيني .. سرقة وقرف وكم مره بغينا ننطق منهم وفوق هذا هذا شافو عربي جو واعرضو عليه افلام اباحية للبيع ..

إحنا حجزنا على الخطوط السيرلنكيه أحد جربهاااااا من قبل ؟؟؟؟؟؟؟؟
لأن السعوديه ( ماعندهم رحلات مقفله من قبل 4 شهور ) ( والإماراتيه مشكلتها بتوقف في أبو ظبي وتضيع علينا الوقت )

بالنسبه للسوق الصيني ؟ كثير حذرونا منه بسبب السرقات ؟ بس زوجي مصر عليه . لأنه يحب الأجهزه الإلكترونيه والماركات المقلده ....ومشتااااااااق يشوفه .....ويشتري منه الأجهزه اللي يحبها

بالنسبه للأطفال س/ أشتري لهم العربانه من هنا وإلا من ماليزيا ؟؟؟؟

جوانا انا جيت على السعوديه وغيري كثير جوو على السعوديه كيف قفلت
والعربيه اشتري من سيتي بلازا احسن لك لك اليوم ودوم انا شفت اللي عندهم زي اللي عندنا بالضبط وصراحه الديره ماتستاهل مررره وغاليه الرينجت الحين يعادل الريال

ميس ( الرحلات السعوديه مقفله رحلاتها ) يعني مافي حجوزات
بنات
كم تستحق كل مدينه من يوم ؟؟؟؟؟؟
كوالا لمبور .......
بيننغ.......
جنتنغ.......
لنكاوي .......

وأين تقع الكاميرون عنهم ؟؟؟؟؟

أنا مسافره على الخطوط السيرلانكيه وعندي بعض الأسئله عنها ؟
ياليت إلي قد جربتها تفيدنا عنها ولها دعوه صادقه بظهر الغيب ( والله يوفقكم )
- كيف خدمتهم ؟
- هل يوفرون سرير طفل أقل من عامين ؟
- كيف النظافه ؟

- وأي معلومه أخرى أكون لكم من الشاكرين .

أختى جوانا

الخطوط السيرلانكيه تشرف عليها الإمارات وخدمتهم ممتازه

وبالنسبه للكاميرون مره حلوه بارده ومنطقه مشهوره بالعسل والفراوله والصباااار

والسوق لصينى عباره عن كوشكات ( مثل سوق القطيف عندنا بالسعوديه

ومره عندهم شغلات حلوه لكن أهم شيئ وعلشان ماتنطقين مثل غيرج

إذا كاسرتى بالسعر اللى تبينه خذيه لأنهم مايرضون تكاسرينهم بسعر ولمن يوافق عليه

تقولين ( له لأ ماأبغاه وتروحين ياويلك هنا بتنطقين )..أنتبهى وأهم شئ

عندهم الساعات والشنط والأقلام المقلده لكنها درجه أولى

بالنسبه لتوزيع جدولك إنتى ماحددتى كم يوم بتقعدين ؟؟

عموما هذا جدول مقترح إذا يناسبك شوفيه

2 ليله سيلانجور فندق بيراميدا أو صن واى لاقون

3 ليالى لنكاوى فندق متيارا أو لنكاوى لاقون

3 ليالى بينانغ فندق جولدن ساندس أوالعكس ساندس جولدن أوبيوفى بيتش أو باراديس

2 ليله الكاميرون فندق أكواتوريال

العوده الى كوالالمبور والذهاب الى جنتنغ 2 ليله فندق جنتنغ أو فيرست وورلد

وباقى الأيام فى كوالالمبور فندق ماريوت أو أستانا أو نوفتيل أو تريدرز

عموما الفنادق مره كثيره ومتنوعه ممكن تختارين منها اللى يناسبك

وسفره سعيده وموفقه وأى أستفسار أنا حاضره ..