طلب خاص ابي فزعتكم تكفوووون

:15::15::15: حبيبتي فيه موضوع متميز عن الحمام المغربي لبنت الغالي في المواضيع المتميزة تقدري تستيفيدي منه ... وكذلك في هذا الركن فيه مواضيع كثيرة عن الحمام المغربي بتحصليها .... الله يوفقك :15::15::15:

شكرا حبيبة قلبي :)

اختي نقلت لك طريقة الحمام المغربي

مثل مايعملونه بالصالونات

الـلاخت غرشوبة زعبيل

ون شا الله تستفيدي

.......................

السلام عليكم ورحمة الله وبركاته




فالبدايه احب اسلم عليكم يا بنات يا حلــــــــــوات يا غرشـــــــــــــــــــــوبات يا عضـــــــــــوات عالم حواء..


طبعاً الكل صار مبدع فالحمام المغربي التقليدي بس صارلت له انواع فالصالونات ..


يعني مرات يوم نسير الصالون نسمع مسميات يديده:
صار شي اسمه:


1- الحمام المغربي التقليدي .. له سعر معين فالصالونات ، وصرنا كلنا نعرفه.
2- الحمام المغربي بالاعشاب .. فالصالونات له سعر اغلى من الحمام التقليدي.
3- الحمام المغربي بالاعشاب والماسك المبيض .. طبعاً هذا اغلى انواع الحمامات المغربيه فالصالونات والمنتجعات التجميليه، ويسوونه البنات في كووورسات العرايس.


طبعاً انا بحطلكم الطريقه الثالثه وهي الطريقه الاشمل لكل الطرق، واللي الكثير من البنات يجهلونها والموضووووع هذا حصري لعالم حواء ..


نبتدي ويا بعض بسم الله الرحمن الرحيم ...


مقادير الحمام المغربي ..





1- الصابون المغربي متوفر فالجمعيات.





2- عشبة اداد عشبه مغربيه مبيضه بس سامه متوفره عند العطارين ونقدر نستغنى عنها لانه كثرة استخدامها تنشف اليلد،، وهالكلام عن تجربه يعني ما احط الرمسه وانا مب متأكده منها.





3- ليمونه





3- الحنا


اولا نخلط صابون الحمام المغربي + حنا + بودرة اداد (عشبه مغربيه مبيضه بس سامه) + ليمونه .. هذي طريقة الصالونات
اما انا اخلط صابون المغربي+ اداد+ نص ليمونه ما احب الحنا لانه يصبغ اليلد مهما يقولولكم انه ما يصبغ انا اقولكم انه يصبغ. وللخوات اللي مايتوفر عندهم الاداد عادي استخدامه مب ضروري ممكن بس تستخدمون الصابون المغربي بس ..


طبعاً يبلل الجسم كله بماي دافي ونخلط المقادير المحطوطه فوق في بعض وندهن فيهم الجسم كله بإستثناء الويهه.


------------------------------------


ثانيا انجهز غرفة البخار حق اللي عندها جهاز بخار تييب شاش اللي يستخدمونه حق اليرووح وتحط فيه اعشاب وهي روز ماري (اكليل الجبل او نعناع ناشف او ورد ناشف) وتربطووون الشاش عدل عسب ماتتسرب الاعشاب فالجهاز ويخترب.






هذا جهاز البخار نترسه ماي ونحط فيه الشاش المربوط اللي فيه اعشاب





هذي صور الاعشاب اكليل الجبل والنعناع متوفر فالجمعيه او العطار


طبعاً نشبك جهاز البخار بغرفة البخار اللي المبينه فالصوره ادناه وفي ناس يسمونه جهاز الساونا..





انا عن نفسي ايلس فيه 10 دقايق لانه البخار يكون قوي وإذا كثرت اصدع.


واللي ماعندها جهاز بخار تربط الاعشاب بشاش وتحطه فالبانيو وتترس البانيو مااااي ساااااااااخن عشان يتكون عندج بخار بالاعشاب فالحمام.


بعد مانخلص من البخار نغسل الخليط من عالجسم بماي فاااتر ونبتدي ندعك الجسم كله بالليفه المغربيه باستثناء الويهه ندعك وندعك بس بحنيه وبتشوفون اليلد الميت يطيح شرات الخيوط.





الليفة المغربيه العاديه





الليفه المغربيه الخاصه بمنطقة الظهر متوفره عند محلات تجهيز الصالونات طبعاً هذي ليف اختي هي تشتري وانا آخذ منها خخخخخخخ

في ناس تكتفي بحمام البخار بالاعشاب تتسبح بصابون الطاووس بس وتخلط الطين (الغاسول متوفر عند العطار) + ماي ورد لين تصير عجينه وتنفرد عالجسم عسب تتسكر مسامات اليلد




هذي صور الطين



انا عن نفسي مايعيبني الطين وما اكتفي هني اكمل بالماسك المبيض.


اتسبح بصابون الطاوووس اللي بحليب الخرطال ( يعني حليب الشوفان)


وهذي صورته





---------------------------------------


الماسك المبيض اللي كل الصالونات ومراكز التجميل تتكلم عنه وماتقول هو عباره عن شو، انا بقولكم عنه هو كريم كاب سنفره ومبيض للجسم ..


وهذي صورته من برع ومن داخل:








ندهن الجسم كله وتتركينه لين ينشف وعقب تغسلينه..


---------------------------------------


آخر شي ترشين جسمج كله بمااااااااااي ورد باااااااااااارد عسب يسكرلج المسامات وفي ناس تضيفلج العكر الفاسي في ماي الورد عسب يورد لج جسمج





هذي صورت العكر بس انا ما احبه ومب ضروري استخدامه...


------------------------------------


طبعاً ما انسى شعري لازم ادلعه شوي ..


اغسله بشامبو واحطله حمام زيت احب نوووع العسل وااايد وهذي صورته ..





واعرضه لشوية بخاااار بجهاز البخار





--------------------------------------


طبعاً هذي طريقة الحمام المغربي بالاعشاب والماسك المبيض اللي يسوونها فالصالونات ومراكز التجميل حبيت اراويكم اياها بطريقتي عن طريق لسبا المتواضع الصغيروني اللي فالبيت (مسوتلي سبا حق عمري) خخخخخخ والله احسن من الصالونات لانها اغراضج الخاصه ومحد بيستخدمها لاقبلج ولا بعدج ..


واسمحولنا عالقصور .. اختكم
غرشوبة زعبيل

الله يعطيك العافيه اختي عشوبه على المعلومات الحلوه والمفيده

اضحك معاك اقصد غرشوبه

اختي شوفي هل رابط موضوعي عن الحمام المغربي

هنا