من جربت صبغة سوداء وماضرت شعرها

هلا حبيبتي انا من يومين دورت الصالونات كلها عشان اصبغ اسود او باجي الصبغات في البيت...والحمد الله امس رجعت الكوفيره الي دوم اسوي عندها التسريحات والقصات وسألتها عن الصبغه اسودا قالتلي مومشكله بس تكون مأقته شو رايج باجر انا وانتي بنصبغ اسود..

انشاءالله اكون افتج الغاليه..اي استفسار انا حاضره

أنا مرتين طيحت شعرررري و الحين توووووووبة..

مشكورين اللي ردوا
وانتظر تجارب البنات الباقيين
اختي لوران ياليت تقولي لي اسم الصبغة اللي طيحت شعرك

لا والله ماقيد جربتها
بس اسمع عنها انها ماهي زينة

انا جربتها ودمرت شعري

تساقط

وبعد ماتقدرين تصبغين اي صبغه ثانيه غيرها

والمشكله انه تنطرين يطول شعرج وتقصين فيه عشان يروح اللي انصبغ بالصبغه السودا

نصيحه مني لاااااااا تجربين الحنه السودا

انا ندمت ندم عمري

انا جربتها في البداية استانست وااايد حلو خف التساقط عن شعري وطول شعري وصار ناعم وصج صج استانست علية واييييييييد ... بس اللحين بعد مرور كذا شهر احس بتساقط في شعري والشعر اليديد شكلة كرية صاير لانة تحت ناعم وفوق معرج .. والمشكلة العضمى انة ما اقدر اسوي فية شيء يعني مرة حاولت احط فية مفتح لون الصبغ هذا اللي يحطونة بعد الصبغ لانة متعودة احطة في شعري علشان يصير شعري لونة فاتح وحلو بس ياريتني ما حطيت صار شعري حااااااااااااااااااااااااااااااااااااااااااار حتى احترقت ايدي من الحرارة وخفت وعلى طول غسلتة ... ورفيجتي راحت حطت لها صبغ وصار نفس الشيء حار وغسلتة .. بس اهي اللحين تضايفت من الصبغة وقصت شعرها كااااااااااااااااااااااامل علشان تروح وانا كل شهر اقص شوي لانة ما ابية قصير .. وإن شاء الله اتخلص نهائياً من هالصبغة

اللي ما يفهم اهو اللي يحط صبغة على شعره ويغير في خلقة الله - انتوا شو صار فيكم يا بنات ما قمتوا تخافون الله وتغيرون في أشكالكم!!!
وتستاهلين يا يتوم ان شعرج احترق علشان لا تحاولين مرة ثانية تلعبين في النعمة اللي ربج عطاج اياها-
الحين عاد روحي دوريلج على شعر مستعار تحطينه على راسج ( باروكه يعني )
طبعاً ما في زعل أنا أنصح لوجه الله تعالى
.........فطامي.........

السلام عليكم و رحمة الله وبركاتة
شوفي حبيبتي انا أستخدمت الخلطة السوداء وأسمها بيوتي
وناسبت شعري خلتة كثيف وطال شوي وريحتني من الأستشوار لاني مدرسة
حتى زميلاتي شافوني اعجبتهم وحطوها كمان على شعورهم ,, لكن حبيبتي بعد شهو قليلة تبان الحقيقة مع نمو شعرك الطبيعي بالذات اذ شعرك الطبيعي كيرلي يكون من فوق كيرلي ومنتحت واقف
ولااي استشوار ينفع حتى مرة قمت وسويت تسريحةفي زواج وسويت شعري بالرغوة والجل بالفير وكان شكلة رهيب لكن بعد ساعات لقيد الخصل تفككت ورجع شعري واقف يفشل واستغرقت ثلاث قصات سنة بعد سنة عشان أوخر الصبغة السوداء ,,, ولمن رحت عند الكوفيرة قالتلي لية تحطي صبغة سوداء ما تدرين انها تتطلع الشيب؟ تقول كثير من زباينا يجو ويشتكو من الشيب من أثار الحنة السوداء وعني الحمد الله ما طلعت

أما زميلاتي وحدة طلع يجنن وحلو لكن بعد أشهر سببلها تساقط رهيب لشعرها مع الشيب خسرت في قرابة عشرة ألف ريال وهي تعالج شعرها عن الالماني لأنها وبجهل منها حاولت تصبغة بماء اوكسجين ولمجرد ثواني حست بالحرارةلكنة تقطع بشكل كامل وصار مثل شعر الولد والحين الحمد بعد العلاج المكثف رجع طال شوي لكنة تعبان قال الدكتور انا الحنة تسبب التهاب حاد في الفروة

وأما زميلتي الثالثة صار شعرها مثل ذيل البس خفيف جدددددددددا علما بأن صبغتها مأاعرف اسمها لكنها تنباع 250 ريال وموجودة على شكل أظرف ومعاها زيت

فأنصحك حبيبتي في البداية رح تفرحين لكن العاقبة بعدين تتطلع خلي شعرك على طبيعتة رغم انها خلت شعري سايح ونوعية شعري كيرلي لكني تمنيت شعري يرجع كيرلي ولا الحنة السوداء

اتمنى أكون افدتك

مشكورين حبيباتي اللي ردوا
اخت فطامي الله يهديك مو كذه النصيحة للاخت يتوم
النصيحة تكون باسلوب حسن
عمرك سمعتي انه الرسول صلى الله عليه وسلم نصح احد بهذه الطريقة؟
ابدا حتى لو كان اكبر عاصي
اتمنى تتقبلي نقدي لك
والبنات اللي قلتوا تجاربكم اللي فهمته منها انكم حطيتوا حنا سوداء مو صبغة
معقول الصبغة نفس مفعول الحنة
وشكرا

انا سمعت انه يسبب تساقط للشعر

أختي صابغة اسود من مس كلور صار شعرها شوي كأنة مفرود لكن حلووو عليعها بالذات اللون يعكس على الوجة
اما التساقط والشيب لا توجدة الصبغة بكثر ةالحنة

اولاً انا ما حطيت صبغة وانا عمري ما احط صبغة في شعري لانة الحمد لله شعري لونة وايد حلو بس قالوا لي انة هذي الحنة السودة وبالاعشاب تطول الشعر وتخلية كثيف وفعلاً استخدمتها على اساس انة شعري يصير انعم وكثيف واللي طمني انة بالاعشاب .. ويوم حطيتها تغير لون شعري وصار اسوووووووووود وانا شعري بني مايل للشقرة .. ومالة داعي انة تقولين لي تستاهلين .. ومشكوورة جزاج الله الف خير على الكلام ..

مشكورين اللي ردوا
طيب احد جرب صبغة ليومينانس او كادوس خصوصا الاسود

الصبغ الشعر باللون الأسود حراااااااااام..

انا ابي اصبغ شعري اسود بس بعد اللي سمعته خفت

شوفي حبيتي أختي صبغه شعرها بأسود بس أنعدم عليها ومستحيييييل تقدر تغير لونه


إلا لما تروح الصبغه كلها فأنصحك ماتصبغين أسود

انا زميلتي جربتها وىسقطت شعرها واصبحت صلعة والله العضيم

تتتتكفون أبي رايكم بصبغة الشقره لان

وجهي طفولى أحس إن الاسود أحلى على ,أخاف إذا صبغت أشقر يطلع مو حلو ويكبرنى وزوجي دوم يقول إصبغي أشقر

والله انا صبغت شعري باللون الاسود والحمدلله ماصار شي وانا اشوف انه الصبغه السودا حالها من حال الالوان الباقيه مادري ليش انتو مكبرين السالفه..الله يهديكم..
بس مشكله اللون الاسود انج ماتقدرين تصبغين لون ثاني عليه مثل اللون الاحمر والا الاصفر انتي روحي الصالون وكلمي راعية الصالون عن الصبغه واسأليها وقوليلها عن اللي تبغينه احسلج والا شورايج حبيبتي...
والسموحه منج ..