بنوتات ممكن اثقل عليكم شوي ؟

(رنين) 05-04-2008 12 رد 330 مشاهدة
(
السلام عليكم بنات ..

شحالكم ؟؟ عساكم طيبين ..


بس بغيت اعرف يالطيبين شنهي الخطوات بعد مايتم الموافقه من قبل الصبي والبنت .. يعني بعد النظره الشرعيه وبعد الموافقه المبدئيه ... شلون التجهيزات والترتيبات ؟؟

وسؤال ثاني .. بعد مايعطي الولد البنت المهر .. قاعة العرس تكون على من ؟!؟ على المعرس ولا على العروس ؟!؟


وشكراً ..
اسمحولي بس لاني ماعرف وايد في هالامور :cool:
م
حبيبتي الوحده بعد موافقة اهلها طبعا تكون الخطوبه يعني تلبيس الدبل وبكذا يكون خطيبك رسمي

بعدين تتفقون انتي وياه او اهلك واهله على موعد العرس وتحددون التواريخ فاذا ناسبت الطرفين هنا يجي دور القاعه ، طبعا حبيبتي يعتمد اذا العريس امكانياته تسمح انه يتكلف بمصاريف العرس منها القاعه والكوشه وكل شي واذا لا فممكن انكم تتفوق على المبلغ يعني يكون نص نص

وبكذي تبدي انتي بالتجهيز للعرس منها حجوزات الكوافير والفستان الى اخره.
r
بعد الموافقه والنظره الشرعيه يتم تحديد موعد الملجه (عقد القران) وممكن في نفس اليوم تسوون خطوبه يعني يدخل مرة وحده ويلبسج الشبكه , او ممكن تسوون الخطوبه في وقت ثاني اذا ماكنتو مستعدين وبعظ الناس ماتسوي خطوبه كلش يعني تكتفي بالملجه , وبعدها تبتدين اتجهزين للزواج , المهر من حق العروس اتجهز فيه نفسها من مستلزمات العرس( الملابس/عطورات/مكياج... الخ) وعاده الكوشه تكون على العروس , اما القاعه وتجهيز الطاولات فهاذي على المعرس او ممكن يعطيج فلوسهم وانتي تختارين براحتج (طبعا غير فلوس مهرج)
ر
غاليتي هذي الاعراف والتقاليد تختلف من عايله للاخرى فمن المفروض تسئلين في نفس نطاق عايلتكم

مثلا عندنا يتكفل المعرس بدفع مبلغ للمهر ومبلغ لحفلة العرس
والبطاقات وغيره بالاتفاق وديا

وتجهز العروس كل شيء من المبلغ المدفوع لها

اما عوايل اخرى تتكفل عايلة المعرس بتجهيز الحفل
والقاعة وغيرة

والله يوفقكم
(
يعني كل شي على المعرس
د
مو شرط ..

كل عايلة تفرق عن الثانية ..

احنا عندنا العروس عليها : الكوشة > التصوير ..

و المعرس يتكفل بـ الباقي : القاعة > الطاولات > الفرقة > البطاقات ... الخ باقي الاشيا ..

و انا عندي هذا الافضل : مهر العروس لها تتجهز فيه و تتكفل باللي عليها و الباقي على المعرس و هله ..

و في الاخير كله يرجع على الاتفاق مع العرب ..
.
خواتي نسيتو شي مهم قبل العقد والصالة والكوشة

بعد الموافقة المبدئية بين الطرفين لازم يكون في فحص الزواج ... لازم يروحون المستشفى ويسوون فحص قبل الزواج وإذا طلعت النتائج ايجابية ( ان شاء الله يارب) بين يتم تحديد يوم يزورون اهل المعرس من رجال ونساء لتحديد المهر وموعد العقد
و
يعتمد على الاتفاق بين الطرفين
كلشي لازم يكون بالاتفاق

وبعدين الله يسرها ولازم يصير تعاون لانه العرس تكاليفه وايد


والله يوفق لللكللل
(
تسلمون وماقصرتوا

^_^
ب
على حسب
كل شي يكون بالاتفاق بين هلج وهله

والله ييسر الامور
•
دوحانية;5629821:



احنا عندنا العروس عليها : الكوشة > التصوير ..

و المعرس يتكفل بـ الباقي : القاعة > الطاولات > الفرقة > البطاقات ... الخ باقي الاشيا ..

..


اتوقع أغلب الناس تتبع هالطريقه واهم شي يتفقون مع بعض
(
اها

جزاكم الله الف خير

وعقبال الكل يارب :)
ا
كلام االبنات صح هالشي يختلف من عايله لعايله وبعد بالاتفاق بينهم ..

امم بالنسبه لنا ..كل شي ع المعرس الا الكوشه والمهر المدفوع لتجهيزيها وبس يعني القاعه والفرقه والتصوير وكل الحجوزات هم يتكفلون فيها .. وعلى قولتهم تعالي القاعه بعباتج بس ...


عسى الله يوفق الجميع
X