ما أبي أخسره تكفووون ساعدوني

السلام عليكم ورحمه الله وبركاته

انا دوم موجوده بهالقسم اقرا مشاكلكم والحلول المعروضه عشان استفيد من تجاربكم
انا عرفت زوجي من 8 شهور وايامها هو كان منفصل عن زوجته اللي رجعها حاليا مو حبا فيها
لكن لانه مايقدر على المحاكم وعوار الراس وحاب انه ينهي موضوعها بشكل سلمي بينه وبينها
ومرته هذي بروحها موضوع خاص فيها
بس انا اليوم ابي اتكلم عني وعنه وابي رايكم ومشورتكم لان ماعندي ام اشتكي لها ولا اخت
ورفيجاتي تنقصهم الخبره وخصوصا بهالمواضيع

هو يحبني لدرجه الجنون ولدرجه انه ترجى اهله ونزلت دمعته جدامهم عشان يخطبوني له
وصار هالشي والحمدالله وظروفي وظروفه متشابهه من نواحي كثيره هذا اللي خلانا نكون على قلب واحد في بدايتنا

الحين من بعد ملجتنا مانقدر نكون في بيت واحد لانه ملحقنا توه مبلش ينبني فنتلاقى انا وهو برا
وتقريبا مرتين ولا 3 مرات بالاسبوع بحكم شغله وساعات لقانا يتطور لاشيا تصير بين الريال ومرته وفهمكم يكفيني وطبعا هالشي صار من بعد اتفاقنا انه ما نسوي عرس ونسافر لي خلص الملحق وخلاص لظروف ما!

طبعا ادري بتقولون لي اني استعجلت وهالشي غلط بس لما ريلي يقول لي انه ترك الحرام وتغير
عشاني ويبي الحلال فليش احرمه منه هالشي يخوفني وخصوصا انه طول عمره عايش بالحرام وبعلم زوجته الاولى لكن عشاني تغير، عموما هالشي صار وانتهينا منه

الحين مع مشاكل زوجته وانه يبي يفتك منها ومن مشاكلها ولانه مديون وعنده مشاكل كثيره لدرجه انه كل يوم يطلع له شي جديد فـ احسه تغير
وانا ما الومه تبون الصج لو انا مكانه ما ارقد الليل من التفكير وانا احاول قد مااقدر اني اكون عون له
لانه قال لي انه سوا المستحيل عشاني لانه يبي يرتاح وانه ان ما لقى راحته عندي معناته انه حياته ما تغيرت ويرد للي هو فيه ابرك له بدال ما يتمشكل معاي!!!

المشكله الحين اني انااااااااااا اغاااااااااااااااااار موت عليه وفيني شك مرضي بعد مو شك طبيعي
وأحس انه امللته بهالشي
يعني ان قمت ومالقيته داق علي اكلمه بخياس نفس واتعمد ادز له مسج فيه كلام يجرح عشان نتهاوش واحس باهتمامه!!!!!! وهو فديته يرضى بسرعه وساعات هو يراضيني حتى لو كنت انا الغلطانه بس لاني مصختها تغير علي! ادري استاهل بس مو مني والله :(

قبل 24 ساعه معاي حتى لي بغى ينام ينام وهو معاي على الخط ومشغل لي الكام واشوفه وهو راقد وكل ما اتقلب اشوفه وارد انام والحين مكالماتنا صارت قليله وان صارت المكالمات نتم ساكتيييييييييييييييييين واحس مافي شي ينقال :(

ولي راح عند الاولى يشوف بنته انا احتررررررررررررررق مع انه يدق علي يراويني بنته بس مجرد
وجود مرته معاه يخليني اصيح صياح اليهههههههههههد مع انه دوم يقول لي انا مجبور بروحتي ابي اشوف بنتي وانا عندي القعده عندها تقصر العمر ومن هالكلام وانه قلبه بيدي انا بس بعد هالحجي
مايبرد حرتي واتعمد اجرحه واقول حجي يبططططططططططططططططط الجبد وازعله وكله معيشته بنكد فديته :( مع انه قعدته تكون مع بنته كمن ساعه بس

عاد انا الحين ابي اتغير ووعدت نفسي اتغير لاني ماابي اخسره لاسباب كثيررررررره
لو اعدها لكم بيكسر خاطركم وبتهاوشوني انااا لاني مسويه فيه جي خخخخ

الحين ما عاد مثل قبل يتصل وان دق يتطمن علي بس ويسكر وقام يطلع من البيت بدون لا يقول لي
ويرقققققققققققققققققققققد بدون حتى مايقول لي تصبحين على خير وانا اللي مااعرف انام بدونه
والحين مر اسبوع ماشفته واحس هالاسبوع سنيييييييييييين مع انه دوم يقول لي لاتسوين جي
ونتزاعل وتخلين ايامنا تضيع كني يتيم ادور بدونج فالشوارع بدال مااكون معاج ونستانس :(

عاد البلا الواحد مايحس ع دمه الا لما يحس انه خلاص قرب يخسر الطرف الثاني :(

ابيكم تساعدوني بليييييييييييييييييز

شلون ارده نفس قبل والبلا أنا في بيت وهو في بيت ثاني :(
ابي اطلب منه انه يشغل لي الكام نفس قبل بس استحي اطلب منه يمكن هو مايبي!
ترا انا مااطلب منه حتى الطلعه الا لما هو يطلبها لاني استحي مااحب اطلب وينقال لي لا فمااطلب!

اخاف اتصل له دوم ويمل مني لاني تعودت انه هو اللي يدق علي دوم والحين البلا حتى مسجاتي
مايرد عليها ولا اذا دقت عليه وعنده وايتنغ مايرد علي وهذي عمرها ماصارت :(
وطبعا سويتها سالفه كبيره وقال لي انا قبل لي دقيتي قلبي احسه بيوقف من الوناسه ولا اخلي الرنه تكمل بس الحين لما اشوف رقمج اقول بس متصله اتهاوش ولا بتقول لي بطلع!!!

حسيت انه قلبي بيوقف حزتها وصحت صياااااااااح لين ما قلت بس وهو قال لي انه انتي وصلتينا لهالمرحله زين اناشسوي الحين انا عارفه اني غلطانه بس هو وايد يجرحني صاير
كأنه يبي يعلمني درس انه بيعاملني نفس اي ريال يعامل مرته يعني نفس باقي الرياييل مو نفس 2 يحبون بعض وصاير قاسي معاي لدرجه انه يزعق علي ويهاوشني أف أف أف ماابي اتذكر :(

الزيده من بعد ماعورت رأسكم قولو لي شسوي معاه
ابيه يرد يعشقني نفس قبل وأبي اغير نظرته لي اني نكديه وانانيه وماافكر فيه
ابي اسلحتكم الانثويه كلها تعرضونها علي بليز
ابي دهائكم اللي يخلي رياييلكم يموتون عليكم وزودوو لي من الجرعه شوي لانه هو
مو معاي في بيت واحد :(

انا من ناحيه الرسايل مو مقصره بس الحين هو صار مايرد ع رسايلي!!
عزمته بأماكن راقيه وقال لي هالحركات ماتهمني لان مايهمني المكان ولا الزمان اهم شي اني انا
مع شخص احبه وتقرفضت خخخخخخ وهدايا جبت له من الغالي واللي هو يحبه يعني فكرة الهديه مابتسوي شي،

فشورو علي الله يسعدكم ان شاءالله شسوي له وشقول له :(
وخصوصا إني أحس إنه يمكن يكون ضعف وبيرد لحياته قبل ويمكن رد لأي وحده من ماضيه
لأنه بأخر هوشه قال لي انا تحسفت الظاهر تضحيتي كانت غلط وانا انا دوم بتم بالغلط لانه فيه راحتي وراحتي مو بالحلال :( وغيرج يتمنوني وانا شيخ عندهم وإنتي ترفسيني :(
لكن بتحسفين قريب لانج ضيعتيني

اف شسوي :confused::confused::confused::confused::confused::confused::confused::confused::confused::confused::confused::confused::confused::confused: