بنات انا عرسي بعد شهرين من اليوم؟! ساعدوني

السلام


عزيزتي شوفي الروابط لأفكار للزفات



افكار للزفات1


افكار للزفة 2


افكار للزفة 3


افكار للزفة4

افكار للزفات 5


وممكن تسوين بحث على باقي المواضيع بتحصلين الكثير منها في المنتدى


ولي عودة لموضوعج للأجابة على اسئلتج ...

عروس دبي
الله يخليج لنا ياربي كفيتي ووفيتي يا عسل .....

الله يخليج ياعروس دبي ومشكورة وايد وانا انتظر عودتج لصفحتي واشكر توقفج عندها

ارجوكم ساعدوني تراني بالحيل راسي داير

تحياتي

(*)

عزيزتي بالنسبة لترتيب الطاولات انا كنت مسويه عند محل المناسبات

في الشارجة عنده افكار روعة انصحج تمرين وتشوفين الأفكار المحل

حذال مركز الفردان ...


بالنسبة للهدايا ممكن تشترين من سوق الجملة في دبي اللي عند البحر


عندهم هدايا بأسعار الجملة مثلا شموع او تحف ...وفي عرس حضرته


وزعوا عليها علبة فيها قطعة دخون صغيرة وعطر عربي ربع تولة....


بالنسبة لفستان العرس انا سويته في وافي عند المصمم جميل خنسا


تصميمه وايد حلو بس احتمال الفترة قصيرة ما يخلص ...:(


شوفي المصمم ابيتي في شارع المكتوم عنده افكار حلوة او ازياء فقيه

بعد في شارع المكتوم...


بالنسبة للأكل الطريقة المعتادة افضل لأن في حريم كبار ما يحبون ينشون

ويغرفون ...وفي حد ينحرج...


ان شاء الله بكمل باقي استفساراتج عقب ...واسمحيلي

الله يخليج عروس دبي وانا بتظارج

بس صدق الله يعينج ثانويه عامه وبعدها عرس؟؟

المهم فكري في دراستج أكثر والامور الباقيه بعون الله بتتيسر. .

طبعا أنتي سألتي عن خياييط في العين

أحسن من يسوي المخاوير. . خياط الوفا. . وعندج خياط محمد قطب. . وعندج بعد سامر. .

وفيه خياييط المناصير بشكل عام أسمع أنها زينه. .

وعندج بعد خياط سمسوم في البريمي يسوي أشياء حلوه وخفيفه وسعرها حلو. . .

امممممم شو بعد. . لو بغيتي جلابيات خفيفه وجاهزه عندج سويره عند مصرف بوظبي الإسلامي يقولون زين. . وعندج شيتال في العين مول. .
وراجو صوب الجسر. . وعدال نظارات يتيم. . .

؟أما لو بغيتي تفصلين بروحج بتلقين وايد في أكثر من مكان. .
بس خياط القصيمه اللي في المريجب حلو. .

بسسسسسس هذا اللي أذكره

وأنا مثل راي أختي عروس دبي. . الطريقه الاوليه في تقديم العشا أخير. .
البوفيه هذا صعب على أهلنا. . وباجر بتلقين الحريم يتنقدن لو ما وصلهن شي :cool:

===
طبعا من حيث كميات قمصان النوم .. وأي شي ثاني. .
أنتي حطي في حسبانج . . لو كنتي من النوع اللي يحب دوم يشتري أشياء يديده أنها ممكن تجدم وما تعجبج بعد فتره. .
فخذي كميه معقوله. . بحيث أنج لجدام تقدرين تشترين الأشياء اليديده اللي تسمعين عنها بقلب قوي. . وبعد احتمال يا رب الله يرزقج بعد شهر شهرين وتحملين عقب ثيابج بيتمن حسره ع قلبج ما تهنيتي فيهن

لكن لو أنتوا شراتنا ولازم مكسار هنيه الله يعينج. .

والله يوفقج في الثانويه وفي عرسج بإذن الله
والسموحه. .

مشكورة اختي سارة وايد وايد

هيه نحنا شراتكم نسوي مكسار

الحين نسوي على مستوى العائلتين

والاهل المقربين والجيران بعد يما

العصر او المغرب مع فالة او عشاء خفيف

وهذا اخس لأن الكل بيعلق

وفي وجهج بعد .....

اما بالنسبة لقمصان النوم فاقتنعت بوجهة نظر الوالدة

اني اغير كل يوم واحد علشان ما يتتكرر ثلاثين يوم

يعني ثلاثين او حتى خمس وعشرين حبة


اشكرج ودايما فيدني

تحايتي
(*)

الاخت عروس دبي كفت ووفت
ماتقصرين اخت عروس دبي وعساج على القوه

هلا والله بعروس القوز..

احب اقدم لج مساعدتي واتمنى انج تستفيدين منها اول ش
1) سيري محل اللمسه الانيقه.. ربيعتي كان عرسها الاسبوع اللي طاف في البستان او هم اللي مرتبيلها العرس .. او كان روعه او بسيط في نفس الوقت..

2) تبين اتفصلين والا اتاجرين .ز لاني ما اظن انه في وقت للتفصيل بما انه عندج امتحانات ثاناويه عامه.. واذا تبين اتاجرين راسليني على الخاص او بخبرج وين اتسيرين:)

3)العطور والدخون.. ماعندي حد اعرفه يسوي بس تقدرين تشترين من محلات القرشي والحرمين والرصاصي والا المحلات الثانيه

4) البوفيه.. حلو بس ما ينفع لاعراسنا لانه الناس ما تحب توقف عشان تلقى شي تاكله او تلقينهم يقولون جنا شحاتين نسير نطلب الاكل.. يعني خليه على النمط العادي احسن

5) والزفات في المنتدى وايد زفات تقدرين تستفيدين منهم

6)سوي flowers girls انا سويت او طلعت وايد حلوه او تقدرين اتشوفين الحركه في افكار للزفات1:D

7) ملابس النوم اشتريلج مجموعه لاتقل عن 25 قميص او اهتمي انهم يكونون بالوان مختلفه او حركات مختلفه او نصيحه لا تاخذين القمصان الطويله لانه زوجك يوم بييشوف القصير ما بيعيه الطويل:D

ام عن الذهب اخذيلج طقم يناسب فستان العرس..اخذي لج (معضدين ذهب ) تلبسينهم مع الجلاليب.. او لا تنسين تشتترين كم خاتم او كم طقم خفيف لزوم الكشخه في الايام الاولى للعرس:)

اواي طلب اخر راسليني على الخاص وانشاء الله اخدمج بعيوني:D

شفي حبيبتي بالنسبه للكوشه انصحج بفايف ستار اللي في الشارجه روعه

وبالنسبه لقمصاااااااان النوووم خذي من لاسنزا ونعومي و فيكتوريا سيكرت احلى شي

اممم شوبعد هيه بالنسبه للعطووووور الاوااااادم من سنين ومنين اتعامل ويا اجمل وعنج بعد الياسات غاوي ..

بالنسبه للدخووووووون اعرف وحده اتسوووي دخوون روووعه تغدي ريحتج خنينه وقيمته زينه اذا بغيتي الرقم راسليني على الخاص

و بالنسبع بعد للذهب انصحج نصيحه سيري عند سالم الشعيبي او دماس او سمرا تراهم احلى شي واسعارهم زينه لاكن الباجين نصابين في الاسعار ..

والله يوفقج غناتي :)

فطيم مشكورة بس انا حاولت اطرش لج على الخاص بس صندق الرسائل ممتلئ عندج ياريت طرشلي لي الرقم وعنواين المحلات اللي ذكرتيها على الخاص وفي وين ممكن الاقيها
وماقصرتي

تحياتي

(*)

عروس القوز
انشاءالله من عيوووووووووووني

تسلمين وتسلم عيونج اختي وارجوج لا تبطين علية

تحياتي

وانا:D

وانت بعد ياعوشة تسلمين وما قصرتي وانا اتريا افكارج ومقترحاتج

وانا بنتظارج

تحياتي

(*)

الف مبروك حبيبتي وعسى الله يهنيك ويسعدك في حياتك
بالنسبة للاغاني انا تعجبني اغنية محمد عبده (باسم الكريم المعتلي )
احسها تعطي زفة زفة العروس هيبة
طبعا على هالاغنية لما تنزفين لوحدك احلى وطبعا الاضاءة تكون مسلطة عليك

ان اقولج جطي اغنية المطرفة فاطمة القرياني الزين يوم تتدخلين وتيلسين على الكوشة:D