اكتشااااااااااااااااااف للمصريات بس!!!!!!!!!!!!!!

يا صباح الفل على عيون كل البنات وخصوصا المصريات
الى بتحب الفسيخ او زوجها بيحب الفسيخ تعمل ايه عشان تنظفه
انا بصراحه بحبه وزوجى بيحبه وحماتى جابتلى كتير بس كانت حاطاه فى الفريزر
اخدته وحطيته فى ماء ساخن من الصنبور لمده 10 دقايق عشان اعرف اغسله
ولاقيت المفاجاه
لاقيت القشور بتاعت السمكه بتتقشر لوحدها من غير ما اتعب نفسى او اجيب المقص او القشاره واقشره
والله لاقيتها بتطلع لوحدها وكلها نزلت فى الميه وبقت السمكه زى الفل وناعمه ومن غير ولا قشره
قلت لازم اقول لحبيباتى عشان كل الى شايله هم تنظيف الفسيخ و مش عايزه توسخ البيت تعمل زييى
لو جبتى فسيخ حطيه فى الفريزر 3 او 4 ساعات
وبعدها طلعيه واملى طبق ميه سخنه من الحنفيه وحطيهم فيها شويه صغننين مش هاتلاقى القشور او هاتلاقيها بتقشر باقل مجهود
ها جربو وادعولى بالذريه الصالحه
ملاحظه


(الفسيخ دا سمكه بس مملحه اوى)



بالتوفيق