تتذكرون مشكلتي مع زوجي بسبب الموبايل ، باركولي تطلقت

السلام عليكم ورحمه الله وبركاته


كيف حالكم يا بنات ان شالله الكل بخير وبصحه وعافية


طبعا تعرفون مشكلتي مع العلة الي كنت مكتوب كتابي عليه


هذا موضوعي السابق






http://www.3roos.com/forums/t295125.html






بناااااااااااااااااات من هذاك اليوم ولليووووم وانا مصرة على الانفصال طبعا انا مكتوب كتابي بس يعني ماصار حفله زواج ورحت لبيته والحمد لله يارب اشكر ربي الف مره اني حافظت على نفسي ومارحت معاه اي مكان بالرغم من تكراره للموضوع تعالي نروح للشقه وتعالي وانتي زوجتي بس كنت بطريقتي اقوله انطر لين العرس


واحمد الله اني كنت عاقله ورفضت ضغوطه علي ومارحت معاه سبحان الله ماصار النصيب


لحد يقولي ليش كبرتي موضوع الموبايل واتسرعتي وباجر بيتغير لاني ما ابدا حياتي كلمة يمكن يتغير واحتمال يتغير اولا


وشي ثاني موضوع الموبايل كان السبب للاني انفجر واطلع بلاوية الي كنت ساكته عنها وهي بلاوي كثيره واهمها ان ماكان يصلي وكان يكذب علي ويقولي اصلي

وكله كووووووووووووووم واصدقاء السوء الي يشربون الخمر كوووم ثاااااااااني



وهاي الامور طبعا بدت تتوضح شي بعد شي كل يوم اكتشف في شي


ولما انفجرت وصرخت اني ما ابغي وابغي انفصل من الحين ، بالبداية اهلي رفضو بس لما خبرتهم عنه صحيح انصدمو وماصدقو اول شي بس الايام بينته على حقيقته قدامهم


ولما خبروه اني ما ابغيه وابغي انفصل


رد على ابوي انه مو ناوي يطلق


واني زوجته


وانه اذا ما اجيت لبيته بطيب خاطر بيجيني بالمحكمه


وانه يبقي حقوقه مني


هنا اهلي اتاكدو منه ومن اخلاقه وهمه الي اصرو على الطلاق والانفصال اكثر مني



الاخ اختفى سافر لسوريا وقال بخليها معلقه لا هي متزوجه ولا هي مطلقه


وبعد مد وجزر واهلي واهله رجع للبلد وتم الطلاق امس


وربي ماني مصدقه اني خلصت من هالانسان هذا

وبنفس الوقت مصدومه فيه كثييييييييييييييير بس مو كثر صدمتي بالناس الي سالناهم لما اجه خطب والغريب ان كل الناس تشكر فيه وباخلاقه ماااااااااااافي احد قال ماهو زين وسوالفه بطاله


الكل كانت تشكر في سواء منطقه بيتهم او شغله حتى اخوي الي هو صديقه يقولي وربي منصدم فيه


سبحان الله ناس ماتبين على حقيقتهم الى لما تعاشرهم



بنات من يوم صارت مشكلة بشهر 12


لين الحين وانا عايشة كابوس ماني عارفه ايش اسوي


وكنت اخاف من تهديده لا اجد ياخذني لبيته بحكم اني زوجته شرعا وقانونا


3 شهور عايشة حياتي بخوووف جد اخاف من كل رنة جرس او كل رنة تلفون


مع اني اهلي كانو جنبي ويخففون علي ويقولولي لا تخافين


بس كنت اقول بيني وبين نفسي ايش اسوي لو جد سواها وطلبني لبيته عن طريق محكمه


بس الحمدلله كابوس وانتهى والفضل يرجع لابوه هو اللي خلاه يطلق


اليوم اجو عندي خواته وامه اعتذرو من عند هلي وقالولهم احنا متفشلين من عمايله بس تراه مو مثل ما تتصوره وهو طيب وماعرف ايش صارله

بس الحمدلله خلصت منه


انا مو زعلانه وربي اكتب وانا مبسوووووووووووطه

وان شالله يارب الله يعطي كل بنت ابن الحلال الي يكون اخلاقه ودينه قبل كل شي


ويرزق كل متزوجه بالذرية الصالحه ان شالله


وربي ان دعيت لبنات المنتدى كلهم بدون اسماء ان الله يوفقهم


الي ماهي متزوجه الله يعطيها نصيبها ان شالله والي ماعندها اطفال الله يرزقها الذرية الصالحه ويشفي مرضاكم ويطول بعماركم واعمار اهاليكم والي تحبوووون


قولو اميييييييييييييييييييييييييييييييين


ومشكورين على وقفتكم معاي كل بنت ردت علي وكل بنت طرشتلي رساله خاصه الف الف الف شكر وربي ما يوقعكم بضيقه ان شالله