اقدر اعطيها شوفان وكاسترد وهي في الشهر الخامس؟

ايه عادي الشوفان تاخذين شويه على قبضة ايدج وتخلينه بالماي يطبخ الماي على قده طبعا ولما تشوفينه استوى حطي فيه حبتين تمر بدون نوى وربع حبه كمثرى او تفاح ترى الطعم يطلع حلو وعقب اضربيه بالخلاط وعطيها اياه بالمرضاعه بوقفشه .

الكاستر اخذي شوي من حليبها وسويه على نفس طريقة الكاستر العاديه بس بدون شكر تقدرين تحلينه بسكر نبات والا تضيفين له نص حبة موزه او بسكوتة فارليز .

وصحتين وعافيه على نجود

مشكورة يا الغالية

تسلمين ام شجاع

استفدت من اللي السؤال وااجد

لان كنت بساال من فتره والحمد لله سالتين وحصلنا الجواب

اختي انصحج الكاستر ما تعطينها اذا قصدج اللي من البرادة ..مواد صناعية و لا صحي

هيه حبيبتي عادي وصحتين وعافية على نجود

تقدرين بس يفضل تبدين معاها بارز الاطفال من ميلوبا اخف على معدتها:)

انا بديت أأكل ولدي بالشهر السادس خفت ابدا قبل حسب كلام الاطباء

الشوفان اطحنه واغليه زي الشوربة مع تمر حلو ومغذي

الكسترد صراحة خفت احسه صبغات ومواد حافظه

لا لا يا بنات حرام عليكم المنتجات الي تحتوي على الجلوتين مثل الشوفان و القمح و الرز لا تعطى إلا بعد الشهر السادس


أختي اصبري للشهر السادس لأنه ممكن تصيبها حساسيه صعبه من جراء عدم هضم الجلوتين و إذا مو مصدقتيني إسألي طبيبه الأطفال او سوي بحث في النت على المواقع الطبيه و الله الموفق

ما اشوف كلش ضروري انها تاكل كاسترد الحين

انصحك علميها على الخضار الحين لان الطفل اذا ما تعود على طعم الخضار اول سنة كلش صعب ياكله بعدين

و بالعافية على قلبها

مشكورين ومنكم نستفيد

مشكورين ومنكم نستفيد

انا امس سألت الدكتور و نصح ان ما يتأكل الطفل قبل السته شهور لان الابحاث في ال15 سنه اللي فاتت ربطت بين الاكل المبكر و الحاسيسه لدى الطفل.. وقال نبدأ بروب و فواكه مطحونه ساده و ممكن قبل السادس بشويه نعمل "تذويق" فقط و لي كميه

انا عني نصحتني الطبيبة اني ااكلها لان وزنها كلما يجي له ويقل

اليوم اكلتها شوفان مطبوخ مع موز وكمثرى وحبته المسكينة

بس ابوها قال لي ما ااكلها كاسترد وابتدي معاها بالخضار مثل ما قلتوا

بس شنو الخضار اللي ااكلها اياه غير البطاطس والقرع والكوسا

علما اني سويت لها جزر وكلش ما حبته

سوي لها الووو

لان الجهال يحبونه

واذا ما تحب الجزر

خلطي الجزر والو وبيصير طعمه حلوو وبتاكله

وعليها بالعافيه نجودة

راح اخلطه لها وية الالو مثل ما قلتي يا ام شهد وبشوف

سوي لها بطاطا حلوة يحبونها (الفندال)

عادي حبيبتي الشوفان عطيته لبنتي من وهي عمرها أربع شهور والحمد لله على كل حال

سويه بإضافات مثل التمر ، الخضار ، التفاح

أقصد نوعي لها مرة بالتمر ... إلخ

وبالنسبة للكاسترد سوي بداله النشا ( نفس المفعول والفوايد )

وطريقته : ربع كوب ماي عادي ذوبي فيه ملعقة نشا وشوي من حليبها وحطيه بالقدر لين ما يتجانس القوام ..

وهنا عندك خيارات: إما تضيفين له سكر نبات أو التمر أو أي نوع فاكهة ، أو زبادي فواكه ، أو قطعة صغيرة من البسكوت

بالنسبة للجزر حلو تعطينها إياه كعصير خفيف

وعطيها فندال ( بطاطا حلوة ) لذيذة يحبوها الأطفال

وهنا وعافية عليها وقبل لا تعطيها اي شي قولي ( بسم الله الذي لا يضر مع إسمه شي في الأرض ولا في السماء ) ..

والله يعطيها العافية يا رب

مشكورين يا خوات

اليوم شريت لها الخضروات المعلبة مال الاطفال وراح ااكلها اياه بالملعقة والله المعين